الى / المهندس خميس برعى
اولا اود ان اشكر سيادتكم على المشاركات السابقة التى افادتنى كثيرا
عندى طلب صغير وسوف يساعدنى كثيرا فى انجاح مشروعى وهو انوى ان اجمع شاشات الكمبيوتر
على الشاسية الصينى ولاكن تصادفى مشكلة كبيرة وهى البقع اللونية وجربت مثل سيادتكم تفضلت وشرحت
وكانت النتيجة مبهرة مع اليوك الفيليبس على شاشة 14 ولاكن هذا اليوك غير متوفر ونادر عندنا
وجربت ايضا يوك جولدستار 20 ولاكن لم يحل المشكلة وعملت احباط المغناطيسية على السريا
اود ان تساعدنى بحل اخر غير اليوك الفيليبس وهل يمكن ان اجرى تعديل على يوك الشاشة الكمبيوتر ليشتغل
وشكرا لحسن معاملتك

اخى العزيزMich تحياتى اليوك الفيليبس متوفر فى كل مكان مفيش اكتر منها متخرط طالما انك بتشتغل فى كميه يبقى المفروض انك تسافر وتجوب البلاد مصر اسكندريه طنطا الزقازيق المنصوره وتبحث عن اليوك الفيليبس اما اذا كنت من خارج مصر دى تبقى مشكله بالنسبه لى مش عارف اخدمك ازاى على العموم جرب اليوك الاصلى وشوف نتيجته وبلغنى عن شكل الصوره واوصفها بالضبط ونقول نعمل ايه 00
كل عام وانت بخير وعام جديد سعيد 2006

اشكرك جزيل الشكر للرد على رسالتى
انا من بنىسويف وفى عندنا بعض الفنيين عندهم هذا اليوك ولاكن باعداد قليلة جدا و محتكرينة
اذا كان هناك اى يوك اخر بديل قولى او مكان اجيب منة
وسمعت عن يوك تليفزيون جورندج و تليفزيون itt المانى اية رايك فية انا جربت يوك جولدستار
واعطب كذا شاسية منى
وهل يمكن عمل تعديل على اليوك الاصلى لشاشة الكمبيوتر لانى جربته ولم يشتعل
وشكرا مرة اخرى لحسن تعاونك وكل سنة وانت طيب

الاخ MICh تحياتى اليوك الاصلى بتاع الشاشه من نوع مختلف عن يوك الشاسيه بلاش منه وجرب الالمانى فهو قريب وابن عم الفليبس
وخد قياسات اليوك الفليبس بالاوم رأسى كام اوم وافقى كام اوم وقارن بين اى يو ك اخر قريب منه و جرب واذا قابلتك مشكله مع اليوك عدل اطرافه ان كان توالى اعمله توازى وان كان توازى اعمله توالى واذا كان فيه بقعه صغيره على جنب ممكن تضع قطعه من المغناطيس خلفها على الشاشه والصقها بالسلوتيب واليوك Ittكمان قريب الفليبس على كل حال اى يوك عندك قارن بينه وبين قياسات الفليبس وحاول تقربهم لبعض عن طريق التعديل بمقاومه صغيره على ملفات الرأسى انما الافقى لاداعى للتعديل فيه خوفا من حدوث مشاكل
وطالما انت من بنى سويف بينك وبين القاهره ساعتين سفر انزل فى العتبه تجد على الرصيف جبال من قطع الغيار المستعمله وفى الاسكندريه يوم الجمعه الفجر سوق الجمعه تجد هناك كل شىء تحتاجه من قطع غيار مش موجوده جديده واجهزه قديمه تباع جميع الفنيين
تجدهم هناك فى سوق الجمعه من الفجر لبيع ما يستغنو عنه وشراء ما يحتاجو اليه يوم كده انزل اسكندريه واذهب الى هناك ان شاء الله تجد كل احتياجاتك اول ماتنزل الموقف تجد مشاريع تنادى سوق الجمعه اركب معهم وربنا يبارك لك فى مشروعك ويرزقك منه ان شاء الله