السلام عليكم ورحمة الله
انا عندى مشكلة فى الشقة وهى ضعف الكهرباء لدرجة ان اللمبات النيون لا تعمل نهائيا وحتى لو شغلت لمبة صفرا ممكن انظر اليها كثيرا من دون ان تضايق عينى عاملة زى السهارى ولو اللمبات النيون اشتغلت فهى بتشتغل بدرى قبل الساعة السابعة مساءا دة ان اشتغلت وغالبا محتاجة كل اسبوع اغير اللمبات او الاستيترات وحتى ماتور المياة لو حبيت اشغلة بعد الساعة 12 بليل لا يعمل وبتكون لمبة الزرار منورة
فهل هناك حل لهذة المشكلة اقدر اعملة ولكم جزيل الشكر افيدونى

معلش فى ملحوظة اللمبات لما بحاول اشغلها بتفضل تعمل زى الفلاشر تنور وتطفى كتير قوى ومش بتنور ولو اخدت اللمبات كاملة فى مكان اخر وحاولت اشغلها بتشتغل عادى

ركب ترانس الكتروني لكل كشاف وريح دماغك

السلام عليكم ورحمة الله وبركاته
اخى الكريم انا ركبت ترانسات اليكترونى واتحرقت

ممكن تركب منظم للجهد ( ستبلايزر )
ولو المشكلة فى اللمبات لها حلين الأول هو اللى حضرتك جربته وهى الترنسات الألكترونى والتانى اللمبة الموفرة .
بالنسبة ان اللمبات بتعمل زى الفلاشر دا لأن الترنس مش قادر يشغلها ، ولو نورتها قبل المغرب تشتغل لأن الضغط على الشبكات بكون اقل قبل ما الدنيا تليل والناس تستخدم الأنوار ويزيد الضغط على شبكات الكهربا .

اسأل الجيران اللي معاك في نفس الفرع ، إذا معندهمش نفس المشكلة راجع مقطع الفرغ.

اذا عندهم نفس المشكلة اذهبوا للشكوي في الشركة