 |
|
|
|
||||||
وأسدل الستار عن الدايو أخيرا
وبالفحص المبدئى تبين تلف الدائرة المتكاملة (integrated circuit) l 301 والتى تحمل الرقم التجارى (TDA 8356) والخاصة بعمليات الاخراج الرأسى (VERTICAL OUTPUT) وبالتحديد قصر بين طرف 5 و 6 الارضى والتغذية ( short circuit) وقد تبين هذا من إحتراق مقاومتى التغذية الخاصة بجهد الــ 45 فولت التى هم بمثابة جهد الــ ( VCC) الخاص بالمتكاملة وبعد إستبدال المقاومتان والمتكاملة ظهر هذا العطل الغريب والصورة بتتكلم عربى وبدأت رحلة المتاعب فى هذا الجهاز الــ ولا بلاش ولك أن تتخيل مشاهدة هذا العطل للمرة الاولى وليس معك ريموت السرفيس مود ولاحتى المخطط الفنى له بحثت عن مكثف (capacitor) يكون فيه أى أمل للاسف لم أجد وأقصد لم أجد بأننى لم أجد مكثف واحد يعمل بدائرة الرأسى الديرة مفيهاش مكثفات خالص غير بتاع التنعيم قولت خلاص معدشى غير ملفات الانحراف الر اسى غيرهم وبالفعل غيرت اليوك ولاكن مزال العطل كما هو دورت على مكثف بف أو سراميك حتى من فقدانى الامل فيه غيرت البفات كلها الى فى دائرة الرأسى ولم أصل إلى نتيجة دورت على المخطط الفنى فى مواقع كثيرة لم أجده |
| اعلانات |
|
||||||
|
وأول واحد لفت نظرى رجل طيب أسمه( كوندنثر المفترى ) والرجل دوت أصر على إن العيب من المتكاملة وقال لى لازم تغيرها تانى وقرأت فى عدة مشاركات إن العيب لن يخرج من( TDA 8356) وكمان قالوا لى لازم تشتريها من مكان آخر وفى ناس قالولى جربها قبل ماتلحمها ودى مش عارف أعملها أزاى قلت مش مشكلة دا حتى ثمنها بسيط ورحت جبت واحدة ثانية ووجدتها تشبه السابقة تماما الامر الذى إستدعى قلقى وركبتها وتوكلت على الله وحدثت المفاجأة !!!!!!!!!!!!! مازال العطل كم هو طبعا عملية ملهاش أى لزمة عطل تافه ولاكنه حيرنى قلت لنفسى سيبه دلوقتى لانه هيعطلنى عن شغلى خاصا المحل كان مليان أجهزة وبعد أيام دخلت على النت وجدت معظم الاخوة مازلوا يصرون على إن العيب فى المتكاملة طيب أعمل أيه أنا أرروح أجيب وحدة آخرى ولا أيه ؟؟؟؟؟؟؟ كان عندى مشوار إلى طنطا قلت بس أنا أروح التوكيل أجيب وحده من هناك مضمونة وريح دماغى أشتغلت أهلا وسهلا مشتغلتش يبقى العيب فى مكان ثانى دخلت على الرجل فى التوكيل وقلتله على عيب التلفزيون رد عليه وقلى لحظة واحدة ودخل جوه وطلع بالمتكامله وقلى خد ركب ديت وقفل التلفزيون نظرت إليها سبحان الله كأنه شريها من الدكان الى أنا إشتريتها منه طيب أعمل أيه فى الاحباط دوت أخدها ولا أسيبها ؟؟؟؟؟؟ سبتها وشرحتله المبررات ومشيت على طول |
| اعلانات اضافية ( قم بتسجيل الدخول لاخفائها ) | |
|
|
|
||||||
|
ودخلت على النت تانى بعد منها بعدة أيام وجدت بريق أمل من جديد فكان( الاستاذ هانى ) -مشرف منتدى الكترونيات- هذا الرجل الجميل وضع لى الدائرة الفنية لجهاز أقرب مايكون لهذا الموديل وبدأت مع العطل الرحلة الفعلية لسقوط قناع الجهل حول إطار مفهوم هذا الموضوع أولا : بمراجعة المخطط الفنى إتضح أن هذا الموديل لايدعم على معالج البينات (processor) الارتفاع الرأسى أو الخطية الرأسيه v.highT or v.lin وده برده كان وضحه سابقا( الاستاذ هانى) وبمراجعة الضغوط على المتكاملة (TDA 8356) وجد جميع الضغوط مطابقة للرسم الفنى عدا طرف رقم واحد من المتكاملة وهو الخاص بالخطية الرأسية ويتغذى مباشرة من الدائرة المتكاملة (TDA8374) طبعا الموضوع أنا فكرته كده خلص إحنا بنتركها آخر حاجه قلت أمرى إلى الله أشتريها وركبها وأنتهى من التلفزيون دوت وخلاص سألت واحد حبيبى قلى أوعه تشتريها دى بــ 85 جنية والموجود حاليا مضروب وعشان تريح دماغك مفيش منها حتى فى التوكيل وفعلا سألت عليها فى التوكيلات تلفونيا لم أجدها ورحت مشوار فى الاسماعلية فلاحظت محل لبيع القطع الالكترونية دخلت وسألته وعارف الرد لاقيته بيقولى موجودة طب بكام قلى 55 جنيه قلتله وريهانى جبها ومسكتها فى أيدى وجدتها حاجه مطمئنه كتابه كلاسيك والمتكامله بتبرق وشكل أطرفها قوى قلت هى ديت وطيرت علشان أركبها وشوف معلش هستأذن دلوقتى علشان فى زباين واقفين معايا وهكملكوم وقت تانى |
|
||||||
|
ودى النتيجه بفضل الله ومساعادتكم أشكركم جميعا وأسف أنى طولت عليكم بس أنا قصدت تثبيت المعلومه لمن هو جديد عليه العطل وأردت أن أحفز الاخوة الافاضل لمناقشة هذه الاعطال المثمره والبنائه ونتمنى منقاشات كثيره فى مثل هذه المواضيع ووداعا للإحتكار والانانية وبدئوا على بركة الله والسلام عليكم ورحمة الله وبركاته |
|
|||||
|
|
|
||||||
|
اخى العزيز السيد رمضان الله يكون فعونك هذا العيب قابلنى فى هذا الموديل لكن بطريقه اخرى وهى الشاشه مسح مرئيات مع وجود مفناطيسيه وفعلن غير متكامله الفرتكال وكان معها زنير 5.1 فولت يوجد به راجع وتم تغيره ومازال العيب على ما هو بعد ذلك قلت اجرب tda8374 وجربتها من بورده عندى مكسوره واشتغل الجهاز 100% ملحوظه اخى العزيز يوجد الكثير من الفنين يخافون المغامره انت عملت كل شى فى العيب فكان عليك تجربه tda8374 علشان تريح نفسك منه زى ما انا عملت فى جهازى 
التعديل الأخير تم بواسطة : wayak بتاريخ 08-02-2005 الساعة 05:01 PM |
|
||||||
|
|
|
|||||
|
|
