بسم الله الرحمن الرحيم

الأخوة الكرام

مقتبس:- صناعة كاوية لحام تعمل ب 5فولت او 12 فولت تيار مستمر
طريقة جديدة وعملية جدا من ابتكاري
تجيب سلك سخان شبه السوستة من عند بتوع الخردوات تمنه لايتعدي 20 جنيه
وتجيب سلك لحام حديد 3 مل برضه من عند بتوع الخردوات تمنه لايتعدي 1 جنيه
المادة المشتعلة علي سلك اللحام بتكون عازلة للفولت الضعيف فهنعمل بيه كاوية قصدير علي بطارية سيارة 12 فولت

هتقطع من سلك السخان قطعة من 5 ل 10 سم حسب نوع السلك وقوة الحرارة اللي انت عاوزها وتدخل القطعه دي علي طرف السلك وتسيب مسافة صغيرة 1 او 2 سم مثلا وتشيل المادة المشتعله اللي عليها علشان هتكون هيا سن اللحام وتخلي طرف سلك السخان متصل بالحتة الغير معزوله دي علشان هتوصل السلك اللي هيغذيها من البطارية بالطرف الاخر المعزول البعيد من سلك اللحام عشان مش هينفع اصلا توصل سلك الكهربا ويمر من فوق السلك المشتعل
وطرف سلك السخان التاني هتوصله بالطرف التاني من السلك اللي جاي من البطارية
يعني باختصار الفكرة ان طرفين سلك السخان بيتوصلو بطرفين البطارية لعمل دايرة مغلقه يشتعل فيها سلك السخان بمرور التيار ويسبب تسخين سلك اللحام بداخله والاستفادة بالمادة المشتعلة علي سلك اللحام كطبقة عازلة للتيار ولكن موصلة للحرارة وميزة الفولت القليل 12 فولت انه مبيكهربش ومش محتاج للتأمين
وومكن عمل نفس الفكرة بمحول 12 فولت او بطارية او محول 5 فولت مثلا لكن مع تقليل طول سلك السخان للحد الذي يسمح باشتعاله

https://m.youtube.com/watch?v=ykByvseV3Ts