[kareemsi]

جهاز ديل بيفصل من السخونه فكيتوا وعملت اختبار للمروحه ببور خارجى طلعت شغاله
الجهاز dell inspiron core i3
يترى المشكله فى الخارح من البورده للمروحه ولا ايه الحل

[فهد المنصور]

بحسب خبرتي المتواضعة .. حاول تجدد معجون الحرارة compound الفاصل بين المعالج والمبدد الحراري

[kareemsi]

اقتباس المشاركة الأصلية كتبت بواسطة Fahad بحسب خبرتي المتواضعة .. حاول تجدد معجون الحرارة compound الفاصل بين المعالج والمبدد الحراري

انا نسيت اقول انى وانا فاكاك الجهاز وصلت الكيبورد واشتغلت عليه استنيت اشوف المروحه تشتغل محصلش فصل على طول والكلام ده وانا شايف المروحه مبتشتغلش علشان كده فكتها زجربتها بره

[kareemsi]

اقتباس المشاركة الأصلية كتبت بواسطة Fahad بحسب خبرتي المتواضعة .. حاول تجدد معجون الحرارة compound الفاصل بين المعالج والمبدد الحراري

عملت كده والمروحه بتشتغل و الجهاز بيفصل برضوا

[kane_eg]

طالما الجهاز بيسخن اوي كده و بتحس السخونه علي جسم الاب وانت وضعت ماده التبريد ولسه برضو بيفصل
يبقي ممكن من المشتت نفسه
مش بتنقل الحراره بسرعه وبشكل كامل
ودي ممكن تعمل تسيت عليها من بره هات المشتت وبالهوت اير علي اول الماسوره النحاس سخن بالهوت ومن عند الشبكه اللي في الاخر حط ايدك لو لاقيت الحراره ما وصلتش بسرعه او الحراره ضعيفه يبقي العيب منها
وتتحل بالتغيير

[م اسلام معروف]

كلام جميل فعلا
الا اني شايف ان المشكله اصلا في عدم التصاق سطح المشتت بالبروسيسور
وده لان لما يلتصق بيه
السخونه تنتقل اليه والمروحه سمارت فان مش هتشتغل الا لو سخن جدا
فثبته كويس
او ممكن تضع شريحة نحاس بينهما

[kareemsi]

السلام عليكم انا متشكر على الردود
اولا انا جربت اشغل الجهاز وهو مفكوك وفضلت حاطط ايدى على الشبكه بتاعت المشتت ايدى كانت هتتلسع والمروحه فضلت واقفه ماشتغلتش وجربت مروحه جديده برضوا نفس العيب مبتشتغلش ممكن البورده مبطلعش تغذيه للمروحه فمبتشتغلش رغم انها مره قبل كده اشتغلت

[فهد المنصور]

تأكد من اعدادات المروحة في برنامج Bios