السلام عليكم ورحمة الله وبركاته
الثلاجه كريازي2باب حديثه نو فروست كان حد بيحاول يفك الثلج م الفريزر بسكينه او اله حاده خرم السطح الداخلي للفريزر ومعاه ماسوره من مواسير الفريزر وضاع الفريون
المشكله لما جيت ادور علي طريقه افك بيها الفريزر ملقيتش
الثلاجه كلها متجمعه حته واحده والدوره كلها من الداخل تحت الكفر الخلفي وحتي ده برضو ملوش طريقه يتحل بيها
زمان كانت مواسير تجميع المرايه والفريزر والمكثف في الظهر وكنا بنخرم ظهر الفريزر ونركب دواه فريزر جديد لكن بنلغي النو فروست الي واخد كويل من خط الضغط بتاع المكثف وماشي تحت الفريزر وراجع للاكسبنشن
لكن لو عملت كدا هاشغل الفريزر بس والثلاجه هاجيبلها خط تغزيه منين
ارجو ان حد يديني حل للموضوع ازاي افك الفريزر عشان الحمه وارجعها نو فروست بدون ما اشوه منظرها او الغي الديفروست والنو فروست
لو فيه فيديو او صور عن طريقه فك الفريزر او الثلاجات دي عموما يكون افضل لاني ملاحظ ان كل الحديث كدا بل بالعكس فيه ثلاجات حتي المكثف من الداخل وكلها فوم حقن ومفيش مسامير ولا طريقه لفك المكونات الداخليه
ساعدوني سكينه خرمت الفريزر
