السلام عليكم ورحمة الله وبركاته
فيه انواع كتير من اللاب توبات وخاصة انواع ACER و DELL وخاصة موديل 1525 و ا1545 وباقي انواع الديل , بيكون فيهم مشكلة انه قاطع باور تماما
بدخولي علي المنتديات الانجليزيه لقيت طريقة ممتازه جدا وانا جربتها بالفعل علي 2 لاب توب كانوا رافضين يشتغلوا باور نهائي ولله الحمد اشتغلوا تمام
خطوات الحل :
1-فصل الشاحن والبطاريه نهائي من الجهاز
2-الضغط علي زر الباور لمدة تتراوح من 30 ثانيه الي دقيقتين ضغط مستمر من غير ما تشي ايدك من علي الزر
3-ترك الجهاز لمده 5 دقائق علي الاقل ثم توصيل الشاحن
بعدين سمي بسم الله وشغل وان شاء الله يشتغل
طبعا هو حل للأجهزه اللي بيكون مافيهاش مشكله في البورده
العطل بيكون شحنات زائده علي القطع في البورده واعتقد الطريقه دي بنتخلص بيها من كل الشحنات الزائده وبالتالي يعمل الجهاز
واسأل الله عز وجل ان اكون وفقت وان موضوعي هذا يفيد من يقرأه واسألكم الدعاء لأمي وامنا جميعا
مصر ان تمر من ازمتها بخير وان يحفظها الله ويحررها من الطغاه الفاسدين
طريقه مجربه لحل مشكلة الباور في اللاب توب
)"
