السلام عليكم ورحمة الله وبركاته
رجاء من الإخوة المهندسين عايزكم تساعدونى وترشحولى ماكينة تصوير تكون عملية وتصلح لمكتبة
لأن بصراحة كده أنا جتلى عقدة من ماكينات التصوير، وكنت ناوى ألغى موضوع التصوير ده عندى فى المكتبة، بسبب ان مهندسين ماكينات التصوير عندنا زهقونى من ماكينات التصوير بسبب الاعطال الكتيره والصيانة اللى كل شوية محتجاها الماكينة وكنت كل لما اشترى ماكينة كان صاحبها يقنعى بان دى اللى هتصلح معايا فى المكتبة، وبعدها بفترة قليلة تطلع ماكينة اى كلام فى شغلها
اولاً: انا نفسى أسألكم سؤال وهو..
هل ممكن فى مصر اشترى ماكينة تصوير جديدة زى البرنتر كده مثلا تكون بالكرتونة؟؟
ثانياً: لو افضل ليا انى اشتريها استيراد..
ما هو افضل ماكينة تنفع معايا فى المكتبة، مع العلم ان معدل التصوير عندى فى المكتبة يتعدى 500 صورة فى اليوم؟ (امكانياتها وسعرها ومكان الشراء)
الماكينات اللى انا جربتها لغاية دلوقتى هى:
Canon NP6050
Canon NP3325
هى دى الماكينات اللى انا اشتريتها لكنها ليست عملية فى شغلها بسبب اعطالهم الكتيرة، فأرجو منكم أن تقترحوا على افضل ماكينة تتناسب مع شغلى..
ولكم جزيل الشكر والاحترام،،
رشحولى ماكينة تصوير لمكتبة
