[roza_suez]

السلام عليكم
انا عندى ديل انسبيرون 1545 شاشته 15.6
الشاشة اتكسرت من عند الكاميرا والكسر نازل على شكل 8 كده
المهم ان الشاشة وهى مكسورة كانت شغالة
جيت فكتها وركبتها اصبحت مش شغالة
روحت لواحد صاحبى وركبنا شاشة مستعملة ل اتش بى
المهم اشتغلت بس النصف اللى تحت مش شغال
جبنا شاشة جديدة وركبناها لم تشتغل
فقالى ان العيب فى كبل الفلاتة وراح حط مغنطيس على الكابل
بيقولى انه كده زود مقاومة الكبل
المهم ان الشاشة اشتغلت وسيبت الجهاز شغال ساعتين وتمام
وقفلت وتفتحت الجهاز وشغال تمام
اخدت الجهاز البيت وبعد ساعتين الشاشة الجديدة مش عاوزة يشتغل
رجعتلوا وراح جرب عليها شاشات جديدة ومش عاوزة تشتغل وغيرلها حاجة اسمها
شيلد وبرضه مفيش راح قالى ان العيب فى الشيب اللى على كارت الشاشة
هل ده صحيح
وفى راى اخر بيقول ان ممكن يكون السويتش بتاع الشاشة معلق اللى هو بيعمل قفل للشاشة لما بيقفل الغطاء بتاع اللاب توب
ارجو الاهتمام والرد
ولكم جزيل الشكر

[mohamed.mostafa]

زود مقاومة الكابل """! ممكن
ــــــــــــــــــــــــــــــــــــــــــــــــــ ـــــــــــــــــــــــــــــــ
حضرتك الشاشة دلوقت لما بتشغلها بتبقى قاطعة اضاءة فقط يعني بتعرض بيانات والاضاءة خافتة ؟؟ لو كده تبقى عيب اضاءه وده سهل أكيد في تغذية قاطعه من البوردة .

[اكزي]

السلام عليكم أخي الكريم

هل تأكدت من التوصيلات التي تربط الشاشة مع الطرف الأخر وهل خرج الأنفيتر سليم مع لامبة الشاشة ؟ وبالنسبة للسويتش فليس هو العيب

أرجو التوظيح أكثر

[roza_suez]

شكرا ليكم يا شباب
انا روحت لواحد شكله كده فاهم
قالى ان العيب ( شاشة و كبل فلاته و هاى تنشن)
ب 1250 ج
هوشوف اللاب النهاردة باليل وهرد عليكم

[ghass]

اخي الكريم هل من الممكن ان تكون كل هذه المكونات معطوبة مرة واحدة لا اظن ابحث جيدا

[POWERMAN3D]

اقتباس المشاركة الأصلية كتبت بواسطة roza_suez شكرا ليكم يا شباب انا روحت لواحد شكله كده فاهم قالى ان العيب ( شاشة و كبل فلاته و هاى تنشن) ب 1250 ج هوشوف اللاب النهاردة باليل وهرد عليكم

عطل فى 3 أجزاء .. صعب
بس ممكن يكون بيحصر لك الأجزاء اللى ممكن تتسبب فى العطل ده .

[اكزي]

لا أدري أخي مدا أقول 3 أعطال

ربما كما قال مشرفنا الكريم على أنه دكر لك العطل في انحصاره في 3 أجزاء