[سعودي بلازا]

السلام عليكم ورحمة الله وبركاته
تحيه طيبه محترمه الى كل الاعضاء بعد اطلاعي على المواضيع حبيت اعمل فقاسه وهاذي تجربتي الاولى
وعارف انه بيكون فيها اخطاء بس بمساعدتكم انشاء الله ماتكون فيه اخطاء للمعلوميه للحين اعمل فيها ماخلصت
اعلمكم الطريقه الي سويت فيها الفقاسه وابيكم تفيدوني عن الاخطاء
1- عملت صندوق خشب بشكل مستطيل خلية الباب من فوق
2- غطية داخل الصندوق بعازل حراره بشكل كامل
3- حطيت للمبتين وحده يمين ووحده يسار على جنب
4- بحط مروحه ثلاجه او مروحة شفط صغيره حديد في الوسط يمر الهواء وسط اللمبتين
5- عملة مكان اضع البيض فيه على شكل مواسير زي الي في الشكل منقوله من شخص ويكون فر البيض من بره يدوي عن طريق فر الماسوره [IMG]http://img101.***********/2010/08/09/486590276.jpg[/IMG]
6- خلية مكان تحت الماسوره لوضع الماء
7-عملة اربع فتحات من تحت تقريبا مقاس ماسوره ماء ثلاثة ارباع
والحين محتار كيف اتحكم في الحراره وثاني شي ماعرف شي عن الاجهزه الكهربائيه عجبني موضع سخان الماء بس ماعرفت شلون الطريقه
واخاف اجرب واروح في خبر كانا سوف اضع في اللمبه امبير تطويل وتقصير الاضائه اذا كان ينفع
ابي اعرف شنو فائدة المروحه
ابي نصيحتكم لاتبخلون علي

[s.sultan]

بسم الله الرحمن الرحيم

تحية احترام للجميع

بالنسبه للاسئله حول المفاقس الصغيره :-

اولا:- لكل مفقسه مواصفاتها حسب التصميم؟؟؟
ثانيا :- المروحه تستخدم لعمل تجانس حراري داخل المفقسه ( اي كل المفقسه بدرجه وحده تقريبا)؟
ثالثا:- ثرموستات السخان( بالنسبه لي لا اوصي به) قد نجح بعض الاعضاء الكرام
بالتفقيس به ولكن النسب كانت متواضعه نسبيا؟؟؟
رابعا:- بالنسبه ((للدمر)) المشاره اليه من قبلكم ( الذي يقلل ويزيد الاضاءه)
موضوعه صعب ( ولكن ممكن بثبوت دردة حرارة المحيط خارج المفقسه ؟؟؟؟

والله اعلم

ابو احمد

[سعودي بلازا]

هلا بك اخوي ابو احمد
شكرا على الرد السريع
يعني من كلامك كل شي في الفقاسه ماشي تمام بس الحراره اهي المشكله
اليوم بروح ادور على سخان حراري وانشاء الله احصل اذا ماحصلت الله يعين نشوف اي طريقه
بقية اسالك وضع البيض على المواسير ماعليه اي مشكله ؟؟؟

[s.sultan]

اقتباس المشاركة الأصلية كتبت بواسطة سعودي بلازا هلا بك اخوي ابو احمد شكرا على الرد السريع يعني من كلامك كل شي في الفقاسه ماشي تمام بس الحراره اهي المشكله اليوم بروح ادور على سخان حراري وانشاء الله احصل اذا ماحصلت الله يعين نشوف اي طريقه بقية اسالك وضع البيض على المواسير ماعليه اي مشكله ؟؟؟

بسم الله الرحمن الرحيم

تحية احترام وتقدير


توكل على الله

فاذا استطعت تقليب البيض بهذا الطريقه؟؟ فيمكن استخدامها؟؟؟ وهي فعلا مستخدمه في بعض المفاقس؟
بالتوفيق


ابو احمد

[سعودي بلازا]

ونعم بالله العلي العضيم
راح اكمل وانشاء الله خير
وراح اعلمكم بكل شي يصير معي
اشكرك اخوي ابو احمد لولاك ماصار شي وكنت اشوف عملها صعب لاكن
بعد الاطلاع على مواضيعك ومشاركاتك معنا صارت مافي اسهل من كذا

[s.sultan]

اقتباس المشاركة الأصلية كتبت بواسطة سعودي بلازا ونعم بالله العلي العضيم راح اكمل وانشاء الله خير وراح اعلمكم بكل شي يصير معي اشكرك اخوي ابو احمد لولاك ماصار شي وكنت اشوف عملها صعب لاكن بعد الاطلاع على مواضيعك ومشاركاتك معنا صارت مافي اسهل من كذا

بسم الله الرحمن الرحيم

تحية احترام وتقدير


بالتوفيق اولا وعلى بركة الله

ثانيا : فضلا لا امرا شرح طريقتك في التقليب بشكل مفصل وبالصور
لانها طريق جيده وتصليح لجميع انواع البيوض الكبيره والصغيره
ليستفاد منها باقي الاعضاء

ابو احمد

[osam]

السلام عليكم
اخوي سعودي الله يوفقك واقترح عليك اذا ما قدرت تسيطر على الحراره حاول تقلل من حجم الفتحات أتوقعها أكبر من اللازم بالنسبه للحجم
وأمام المروحه يوضع الماء بحيث يصطدم الهواء الساخن بالماء لزياده الرطوبه
والله اعلم

[سعودي بلازا]

الحمدلله تم تفيقيس بيضتين من الي حطيتهم تاريخ 16\10\1431
لاكن بعد 23 يوم وانتظر 6 بيضات بعد اربع ايام لاني ماحطيت كثير حطيت بس 20 بيضه و ليس وقت واحد لانه كل يوم اشيل من الدجاج 3 بيضات
وعلشان اخوي سلطان والقائمين على المنتدى راح اعرض فقاستي بالصور للاستفاده منها زي مانا استفدت من المنتدى
استفسار اخواني
1- عندي الماء بارد مو حار بس كل يوم احط 2 لتر
2- مومشكله لو جمعت البيض بدل كل يوم 3 بيضات اخليهم 5 ايام او 10 ايام
3- تكلمت اخوي سلطان عن التعقيم بالزنن ( الاشعه الفوق البنفسجيه ) هل هوا مهم للبيضه وهل هناك بديل عن الزنن اذا ماحصلت في المحلات
شكرا لكم جميع على المعلومات القيمه