[sala7]

يا مهندسين و شباب المنتدى
السلام عليكم و رحمة الله و بركاته
انا كنت باعت مساعدة ان حد يعلمني ازاي ابقا فني لاب توب عاوز اتعلم صيانة اجهزة اللاب توب .
انا فتحت موضوع و استنيت ان حد يساعدني لكن ملاقتش مساعدة في القسم نهائياً .
انا قلت ابتدي اشوف جهاز و اتعلم يمكن استفيد
و جالي جهاز كومباك بريساريو f500 قاطع داتا يا ترى العيب منين بالظبط هل هو بايوس في حاجة تانية ؟؟؟
مع العلم اني شيلت البطارية و الرمات و كارت الوايرليس و جربت اشغله خطوة خطوة بعد تركيب كل قطعه احاول اشغله و بردوا ما يفتحش داتا
حد يقدر يفيدني او حد عنده الحل الامثل لتصليحة انا فعلاً عاوز اتعلم صيانة و اهه جت الفرصة لا تحرمونا من مساعداتكم يا شباب .

1- عايز اعرف خطوات تتبع العطل في هذه الحالة
2- هل لو احتاج شحن بايوس عاوز اعرف مكان البايوس فين و هل بيتشحن على الابروم العادي بتاع المازرات العادية ؟؟؟
افيدوني يا اهل العلم

[sala7]

معلش يا شباب لو اي حد يعرف نشتري منين كروت تستر كويسة للاب توب يفيدني لاني مش لاقيها خالص حتى في مول البستان ولو حد يقدر يجبهولي و قولي اقابله او اتصل بيه و اروح اخد منه الكارت يبقا كتر خيره .. و عاوز اعرف سعره كام ؟؟؟

جزاكم الله خيرا

[sala7]

منتظر حد من الاخوة يؤد على استفسراتي افادكم الله

[mohamed.mostafa]

اولا اهلا بك معنا ونتمنى لك الاستفادة
عطل ال presario f500 كأغلب أعطال hp compaq ينحصر غالبا في قصر التوصيل في شب الفجا vga chip وهذا الموديل هو نفسه dv6000 ، وهناك بعض الحلول بعضها المؤقت وبعضها الافضل .
يمكنك التسخين على شب الفيجا باستخدام الهوت جن والفلكس لبضع ثوان وستعمل باذن الله ، ولكن لن تصمد طويلاً وسيعود نفس العطل .
الأفضل أن يتم تغيير القصدير اسفل الشب عن طريق استخدام الشبلونة وهذا ما نعطي معه ضمان لثلاث شهور.
......................

[sala7]

اخي الفاضل محمد مصطفى
شكراً جزيلا للرد على استفساري .. للأسف انا معنديش هوت جين .. لكن انا حاولت اسخن على التشيب بالهوت اير بدون رأس و فلاكس ولكن للاسف مااشتغلتش بردو
هل اقول برفع التشيب بالهوت و اقوم كما زكرت بتغير القصدير ام يلزم هوت جن ؟؟؟
شكرا لك اخي على مجهودك