[drkalaf]

سلام عليكم
المكنسة الكهربائية الخاصة بالمسجد صوتها اصبح عالي و مزعج و سمعته بالصدفة
فقلت اوديها تتصلح يمكن محتاجة تنظيف فا الفني قالي ان المومتور بيتحرق و محتاج تغير و مش ينفع يتصلح
صحيح هو لسه شغال بس خلاص هيتحرق
زي ما في الصورة هي بتطلع شرار كدا من منطقة احتكاك الشاربون مع الموبينا ((الاسماء دي ممكن تكون غلط بس دا من خلال خبرتي البسيطة من مارش السيارة))
فهل فعلا لازم الومتور يتغير ولا ممكن يتصلح و يار يت لو حد يفهمني ايه اللي باظ من ناحية علمية
هي سانيو ياباني 1100 وات
هو بيقلي الموتور الكوري ب 110 جنيه و الصيني ب 85 فهل دا صحيح ان لازم يتغير كله

ارجو الرد بسرعة جزاكم الله خيرا

[احمد كزنوفا]

السلام عليكم ورحمة اللة وبركاتة
اخى السائل عندك عدة عيوب بتكون مواتير المكانس نظر لان شغلها دائما فى التراب ا
اولا يلزم الكشف بعد فك الماتور على البلى لازم يكون بحالة جيدة
ثانيا يلزم الكشف على الشربون لازم يكون السوست وراء الفحم فى بيت الشربون بحالة جيدة كل هذا يودى الى انبعاث شرز فى الماتور
اذا كان كل ذلك بحالة جيدة ومخدات الماتور بحالة جيدة مش محروقين
فالواجب على الفنى استخراج المبينة والقيام بصنفرة النحاس وتفتيحا بمنشار الحقن الصغير جدا الذى بيوجد مع الحقن الكزاز فى العلب وبعد ذلك غسلها بالبنزيم وتنشيفها جيدا وبعد ذلك تجمع الماتور فاذا الشرز كما هو بيكون الماتور محروق ويستوجب التغير
واسباب الحروق
-------------------
اولا اطالة فترة التشغيل دون راحة
ثانيا اختيار وقت التشغيل الغير مناسب وهو فترة الحرارة العالية فى الجو
ثالثا عدم الصيانة كل فترة للماتور وتغيير البلى عند تغيير صوت الماتور
رابعا عدم الكشف على الشفط الجيد ووجد خلل بالخرطوم مما يؤدى الى
اطالة فترة التشغيل دون نتيجة

[drkalaf]

جزاك الله خيرا علي الرد و علي النصيحة
بس ممكن سؤال ازاي هو محروق و هو بيشتغل؟؟

[دموع فلسطين]

هو مش محروق قصده الملف محمص وهذا ناتج عن حراره كبيره تعرض لها يعني بيشتغل من حلاوة الروح لو صح التعبير
لكن يوجد خلل اخر لماذا لم يشك في طقم البكس النحاس يمكن ان يكون به احتكاك
ولكن لاجيبك بشكل صحيح هل تخرج رائحه حرق او شياط عند تشغيلها ام ان المشكله فقط صوت

[drkalaf]

لا مفيش ريحة شياط المشكلة صوت حتي بعدا ما تطفيها بتاخد وقت علي ما الصوت يروح منها و تقف صوت خشن و مزعج

[الحريف]

السلام عليكم

اخى الكريم ..............

كما قال اخونا / احمد كزنوفا........العطل عندك اذا لم يكن هناك رائحة شياط ...

اذن قم بتغيير البلى ( رومان بلى الماتور ) ......


الحريف

[محمد كوفرتينا]

الاخ الكريم
غير رومان البلى
مع
صنفرة المبينة وشد سوستة الشربون
والتاكد من سهولة حركة الشربون
وباذن الله المكنسة سوف تعمل بحالة جيدة

والله الموفق

[drkalaf]

جزاكم الله خيرا و ان شاؤ الله هبدا في كدا من الصباح الباكر ان شاء الله لاني متاح للكام دا جدا