[sam_pon]

السلام عليكم ورحمة الله وبركاته

شاشة فيو سونيك e40 مشكلتها أن كل حاجه سليمة جدا لكن لمبة الباور بتفتح على اللون البرتقالي فقط يعني ومش بتحس بكابل الداتا خالص

وفصلت كابل الداتا تماما وبالرغم من كده أول ما أوصلها بالكهرباء وافتح زرار الباور بتفتح على اللون البرتقالي مش اللون الأخضر

الجهد على المكثف الكبير موجود وحوالي 319 فولت
وعلى بوابة الموسفت موجود
وعلى محول الشوبر موجود

جربت أفك اللاين وبالافو قست طرف الشاشه مع باقي اطراف اللاين ولم أجد أي شورت
هل معنى كده أن اللاين سليم أم لا

الشاشة كانت بتتهز وبتفصل وبعدين ترجع تشتغل وقلت يمكن يكون لحام جاف وقمت باعادة اللحام على كل اجزائها ولكن لا حياة لمن تنادي

بصراحة أنا عارف أنه ممكن يكون عيب بسيط جدا على خبراء أمثالكم ، لكن على مبتدىء شاشات مثلي فإن الموضوع حيجنني

أرجو من الله ثم منكم المساعده في حل مشكلتي

وجزاكم الله كل خير

[م اسلام معروف]

ارفع ترانزيستور الاخراج الافقي
وقم بقياس الفولت الواصل اليه علي الطرف C
اذا كان موجود قم بتغيير هذا الترانزيستور
ببديل قوي او بنفس الرقم

وقم بقياس فولت G1, G2
وابلغنا بقياساتهم

ونتابع معك جميعا
والله الموفق

[sam_pon]

ربنا يكرمك يا باشمهندس اسلام

جاري تنفيذ تعليماتك وموافاتك بالنتيجه إن شاء الله

[sam_pon]

مرة أخرى أشكرك يا باشمهندس اسلام على ردك على استفساري

الحمدلله أتحلت المشكلة

وكانت حاجه بسيطة جدا وهي لحام مكسور

ولكني كنت قد استبعدت هذا الإحتمال تماما لأني شيكت بالعدسة على معظم نقاط اللحام ولم أرى أي شيء

ولذلك قمت بالبحث في كل شيء وكنت سأتجنن لأن كل شيء سليم

المهم أن الحمدلله الشاشة اشتغلت دلوقتي والفضل لله وحده وأكيد أكيد لا أنكر إن وشكم كان حلو عليا جدا

دمتم بكل صحة وعافية
وجزاكم الله كل خير

والسلام عليكم ورحمة الله وبركاته