[thebigmaster]

السلام عليكم ورحمه الله وبركاته
الاخوه الاعزاء والمهندسين الافاضل...ايه رأيكو يكون الموضوع ده مخصص للمناقشه حول اعطال الافيشيو ريكو 350 - 450 ومشتقاتها من جيستتنر وريكس روتري ولانير ونشواتك
اي حد عندو عطل او مشكله ينقلها في الموضوع ده وان شاء الله اخواننا المهندسين الكبار يشاركونا في الوصول لحلول الاعطال والمشاكل اللي بتواجه البعض ...وربنا يجعلنا سند لاخواننا في الخير دائما

[thebigmaster]

ايه...محدش عندو اي اعطال يقولها؟؟؟
طيب انا سمعت ان اصعب كود في الآله دي او اكتر كود بيتعب المهندسين فيها هو كود الليزر 322 و 326
السبب الاساسي لحدوث الكود ده بيكون تسرب بعض الحبر وسقوطه داخل وحده الليزر واللي بيتسبب في تعتيم شعاع الليزر الخارج من الوحده وبالتالي تعطي الاله الكود 322 لما شعاع الدايود الاول يحصل عليه تعتيم و326 لما يحصل تعتيم على شعاع الدايود التاني ...اما السبب التاني هو حدوث قطع او تشويش في الاشاره القادمه لوحده الليزر نفسها من الكارته الرئيسيه وسبب القطع ده هو كابل الداتا (الكابل الابيض الخاص بوحده الليزر)
العلاج بسيط وسهل ....عند حدوث الكود يقوم المهندس بفك وحده الليزر وينضفها جيدا من الحبر بالمنفاخ اليدوي لان البلاور احيانا بيسبب مشاكل ويحدد بالتنظيف الجزء اللي فيه الدايودين وينزع الاستيكر اللي فيه البار كود من الفتحتين اللي بيغطو المكان الخاص بنقل الشعاع من الدايودين وينظف كويس ويعمل تنظيف سريع لعلبه الليزر وكمان يتأكد من نظافه كابل الداتا وصلاحيته....وبعد كده يرجع كل حاجه زي ما كانت ويركب الوحده ويجرب تشغيل الاله وان شاء الله يتحل الكود
اي حد عندو استفسار يتفضل ...على فكره الكلام ده يعتبر سر من اسرارنا لاني والحمد لله من الناس القليلين اللي في الاسكندريه اللي بيتعاملو مع اعطال الليزر بسهوله ...
الناس بتسمع الكود ده تتلبش بس هو في الحقيقه علاجو بسيط وسهل بس اهم حاجه في علاجه اتقان العمل والدقه في التعامل
صح انا نسيت حاجه مهمه....لازم نقطع التيار عن الاله قبل التعامل مع وحده الليزر
يالا اي استفسار.......!!!!!!!!

[الملك الشارد]

مشكور يا أخي
بس انا جربة الي انت قلتو بس ما ظبط وكتير انا بواجه المشكلة هادي بمعظم مكن الريكو لإنو عنا بييجي من النفق وبيتبهدل المكن على الآخر
وياريت شو في أسباب ممكن تكون مأدية للكود هادا

[thebigmaster]

اقتباس المشاركة الأصلية كتبت بواسطة الملك الشارد مشكور يا أخي بس انا جربة الي انت قلتو بس ما ظبط وكتير انا بواجه المشكلة هادي بمعظم مكن الريكو لإنو عنا بييجي من النفق وبيتبهدل المكن على الآخر وياريت شو في أسباب ممكن تكون مأدية للكود هادا

الاول قوللي انت منين يا ملك ؟
افضل وسيله للحفاظ على الاله من الكود ده هي حفظ وحده الليزر من تسريب الحبر اليها من البدايه...بمعني ان قبل توريد الاله للعميل يتم لف الوحده(وحده الليزر) بطبقه بلاستكيه ويراعى عدم استخدام البلور(ضاغط الهواء) لتنظيف الحبر الزائد او المتسرب في الاله
اما ان لم تفلح معك طريقه المعالجه اللي انا ذكرتها في الاول ...جرب تنظيف الجزء اللي بيحتوي على الدايودين اللي بيخرج منهم شعاع الليزر باستخدام سائل تنظيف عضوي خفيف(اسبراي اكاي جاف مثلا)وبعد كده يتم تجفيف الوحده بهواء ساخن
على فكره الطرق اللي انا ذكرتها دي بتنجح معايا بنسبه 75 % تقريبا من حالات كود 322 و326
بس ماتنساش يا ملك تقولي انت منين ...وياريت تكون من سوريا

[thebigmaster]

ايه الحكايه؟؟؟
محدش عندو مشاكل مع الطياره ولا ايه؟؟؟
الحقوني قبل ما اخلص...

[Abufaress]

اقتباس المشاركة الأصلية كتبت بواسطة thebigmaster ايه الحكايه؟؟؟ محدش عندو مشاكل مع الطياره ولا ايه؟؟؟ الحقوني قبل ما اخلص...

السلام عليكم
لي استفسار بسيط
عندي ماكينة 2035e وهي مستعملة ومشاكلها كتير
بس المهم عندي الان هو انى لما بصور صورة اكثر من نسخة (50 نسخة مثلا) بكون جودة النسخ الاخيرة اقل كثير من النسخة الاولى وكانها متصورة من صورة مش من الاصل
عايز اعرف ايه السبب وهل ده عيب في الركو بصفة عامة
وشكرا

[salem805]

السلام عليكم ورحمه الله وبركاتو وجزاك الله خيراً كثيراً اخى ونفعنا الله بعلمك
يوجد عندى استفسار بخصوص الافيشيو 450 بتعطى كود sc-547
ماهو علاجه وكيفيه التعامل معه وليا عند حضرتك طلب
أريد رقم التليفون المحمول وشكراً

[thebigmaster]

اقتباس المشاركة الأصلية كتبت بواسطة Abufaress السلام عليكم لي استفسار بسيط عندي ماكينة 2035e وهي مستعملة ومشاكلها كتير بس المهم عندي الان هو انى لما بصور صورة اكثر من نسخة (50 نسخة مثلا) بكون جودة النسخ الاخيرة اقل كثير من النسخة الاولى وكانها متصورة من صورة مش من الاصل عايز اعرف ايه السبب وهل ده عيب في الركو بصفة عامة وشكرا

الاخ العزيز ابو فارس...الاله 2035 ليها تونر معين وديفيلوبر معين لو اتونر والديفيلوبر حالتهم كويسه وتغذيه التونر مظبوطه يبقى العطل اللي حضرتك بتتكلم عليه ده السبب المحتمل ان الشحنه اللي بتتبعت لوحده الدرام والديفيلوبر من كارته الجهد العالي بتضعف مع الاستمرار في العمل ...بس ده عطل غريب شويه واعتقد انها مشكله ضعف في تغذيه الفولت من الباور سابلاي او الهاي فولتاج سابلاي بورد...على فكره ماركه الريكو ماركه محترمه جدا ...الاله ممكن تعمل كميات كتير وبنفس الكفاءه يعني انا مثلا مره عملت امر طباعه لعدد 3700 ورقه من آله 450 ريكو وكانت كفاءه النسخه الاولى زي الاخيره ...يعني شيل من دماغك ان العطل عام في الريكو
انا معاك لو احتاجت اي استشاره تاني ونورت يا استاذ ابو فارس