[فني حاسب ألي]

السلام عليكم ورحمة الله وبركاتة

اولا وقبل اي شئ احمد الله عز وجل علي ما تعلمته في مجال الصيانة من هذا المنتدي العظيم

اخواني الكرام انا هفتح محل صيانة وحاليا بعمل ليه اعلانات ورقية توزع علي الناس ولاكن مشكلتي مش عارف اكتب ايه في الاعلان ومحتاج مساعدتكم في الكلام الا هكتبه في الاعلان

ده الكلام التجريبي الا انا كتبته لحد الان ومحتار مش عارف اعمل ايه وانا محتاج رايكم هل الاعلان ده كويس ولا عند حضرتكم اي اضافات او كلام اخر اكتبة؟



(العبقري)

(لصيانة جميع أجهزة الكمبيوتر)

(صيانة بلا حدود)

(سوفت وير - هارد وير)

صيانة جميع أعطال الكمبيوتر

تنزيل أحدث نسخة ويندوز في أقل من 10 دقايق

فرمطة وتقسيم الهارد

مسح كلي وشامل لجميع أنواع الفيروسات بدون فرمطة الهارد

بيع وأستبدال وتحديث وتجميع جميع أجهزة الكمبيوتر

العنوان / ............ ت /.........

انا عارف ان الكلام ده مش كافي للاعلان بس ده الا عرفت اكتبة ومحتاج منكم شوية اضافات في الاعلان ولو حد يقدر يساعدني ويكتبي لي اعلان جديد علي زوقة اكون شاكر ليه جدا انا عاوز كلام يشد الزبون ويعرفة بطبيعة شغلي كويس ارجو الرد بسرعه لاني غدا نازل اعمل اطبع الاعلان

[حماس]

شركة صيانة بلا حدود


بيع استبدال صيانه



هاردوير سوفتوير شبكات


خدمة فنيه متميزه ودعم فنى متواصل

افضل الخامات وارخص الاسعار

ده اللى انا فاكرة دلوقتى

لاكن الاهم من الاعلانات هاقولك نصيحه وعن تجربه

حط فى اعتبارك ان اى محل بيتفتح جديد الزبون بيبقى متشوق لمعرفة مستوى الفنى اللى واقف فى المحل

خلى بالك هايتعمل لك اختبارات كتير من العملاء

هايجيلك ناس عندها معلومات هاتسالك وكمانها موش عارفه اجاباتها حاول تكون انتا بنفسك متواجد دايما فى المحل وموش حد شغال معاك

وحاول دايما يكون عندك فكره بالجديد فى مجال الهارد والسوفت

وحط فى اعتبارك ان المحل عشان يشتغل ويجيب ربح لازم تصبر عليه موش اقل من سنه

وما تستعجلش بعد فتره من الشغل هاتلاقي ابواب رزق بتتفتح انتا ماكنتش عامل حسابك عليها

اهم شىء اتقان المهنه والامانه والناس دايما تحب الفنى (((( الساكت ))) يعنى موش كتير الكلام

واحد صاحبى زمان كان لسه فاتح محل جديد وهو كانت معلوماته ضعيفه شويه فى المهنه

دخل عليه زبون بيساله عنك فيروول

صاحبى رد عليه وقال له لاء عندى كريتيف

طبعا صاحبى ماكنش يعرف يعنى ايه فييروول ومن حسن حظه الزبون ماكنش يعرف يعنى ايه كريتيف

هههههههههههههههههههههه طبعا خلى بالك من المواقف دى

وربنا يوفقك ويحسن حالك ويرزقك العلم يارب

[حمادة الجامد]

اقتباس المشاركة الأصلية كتبت بواسطة فني حاسب ألي تنزيل أحدث نسخة ويندوز في أقل من 10 دقايق فرمطة وتقسيم الهارد

أولا الف مبروك اخى الحبيب عالمحل الجديد وربنا يكرمك بس لصراحه وبدون زعل انا لو زبون وشفت الكلام اللى انت كاتبه ده مش هدخل المحل خالص والاسباب كالتالى
1- هقول ايه العبقرى اللى كاتب ( فرمطه ) دى ممكن حد يقول انه حتى مبيعرفش يكتب او مش مثقف يا تكتبها انجليش format او تهيئة

او عالاقل خالص ( فورمات )

2 - لو زبون فاهم قرأ جملة تزيل الويندوز فى اقل من 10 دقايق هيفهم

انه backup من نسخة universal جوست او غيره ودى عيوبها كتيره

فمش هيدخل يعمل الجهاز ( كاروته) وعالسرييييع

دى مجرد نصائح لاخ فاضل وربنا يتمملك بخيير

[gorgegorge]

اقتباس المشاركة الأصلية كتبت بواسطة حمادة الجامد أولا الف مبروك اخى الحبيب عالمحل الجديد وربنا يكرمك بس لصراحه وبدون زعل انا لو زبون وشفت الكلام اللى انت كاتبه ده مش هدخل المحل خالص والاسباب كالتالى 1- هقول ايه العبقرى اللى كاتب ( فرمطه ) دى ممكن حد يقول انه حتى مبيعرفش يكتب او مش مثقف يا تكتبها انجليش format او تهيئة او عالاقل خالص ( فورمات ) 2 - لو زبون فاهم قرأ جملة تزيل الويندوز فى اقل من 10 دقايق هيفهم انه backup من نسخة universal جوست او غيره ودى عيوبها كتيره فمش هيدخل يعمل الجهاز ( كاروته) وعالسرييييع دى مجرد نصائح لاخ فاضل وربنا يتمملك بخيير

كلام الاخ حمادة صحيح