[wezo122]

بسم الله الرحمن الرحيم
انا املك لاب ديل inspiron 1545 لم يتعدى الشهرين وفجاة كنت شغال لقيت الجهاز قطع كل حاجة مع العلم انى محافظ على الجهاز كويس جدا وكل حاجة فصلت ومبقاش ينطق خالص لا بشاحن ولا ببطارية ولا حتى لمبة الباور لما بوصل الشاحن بتنور مع العلم انى جربت شاحن جديد ولكن بلا جدوى ارجو منكم توضيح هذ العيب وعلاجه

[POWERMAN3D]

اقتباس المشاركة الأصلية كتبت بواسطة wezo122 بسم الله الرحمن الرحيم انا املك لاب ديل inspiron 1545 لم يتعدى الشهرين وفجاة كنت شغال لقيت الجهاز قطع كل حاجة مع العلم انى محافظ على الجهاز كويس جدا وكل حاجة فصلت ومبقاش ينطق خالص لا بشاحن ولا ببطارية ولا حتى لمبة الباور لما بوصل الشاحن بتنور مع العلم انى جربت شاحن جديد ولكن بلا جدوى ارجو منكم توضيح هذ العيب وعلاجه

أخى العزيز .. الأفضل ان كان الجهاز مازال فى الضمان أن تستبدله بآخر من التوكيل أو الجهة التى قمت بشراء الجهاز منها .. لانك لو قمت بأى محاولة لفك الجهاز سيعتبر خارج الضمان .

(( والله الموفق ))

[wezo122]

ممكن بس حد يوضحلى العيب وهل لى علاج انا وديت الجهاز المحل الى انا اشتريت منه بس الجهاز ده مش ضمان وكيل مصر ده ضمان الشركة فهل ليه صيانة ولا يتبدل

[حافظ إبراهيم]

السلام عليكم
أخى العزيز ياريت توضح الجهاز فصل إزاى كنت شغال عليه وفصل ولا أخرمرة كنت مشغله فترة طويلة ولا شغلته فتره عادية وفصلته وجيت تجربه لقيته فاصل ياريت ياأخى توضح

(بس حاول تشوف الضمان الأول )

سبحانك لا علم لنا إلا ما علمتنا إنك أنت العليم الحكيم

شكراً ... أخوكم حافظ إبراهيم

[wezo122]

شكرا لكم انا كنت مشغل الجهاز عادى حوالى ساعتين وراح فاصل مرة واحدة ومبيقومش ولا بينور ولا اى حاجة ووديته الضمان امبارح واستلمته انهارده اشتغل ساعة وفصل تانى وفى الشركة بيقولولى ملقناش فيه حاجة ياريت حد يدلنى اعمل ايه مع الشركة دى وهل دا عيب خضطير ولاالتصليح هيفيد ولا تبديل بجهاز اخر افضل وشكرا

[إبراهيم جاد]

اقتباس المشاركة الأصلية كتبت بواسطة wezo122 شكرا لكم انا كنت مشغل الجهاز عادى حوالى ساعتين وراح فاصل مرة واحدة ومبيقومش ولا بينور ولا اى حاجة ووديته الضمان امبارح واستلمته انهارده اشتغل ساعة وفصل تانى وفى الشركة بيقولولى ملقناش فيه حاجة ياريت حد يدلنى اعمل ايه مع الشركة دى وهل دا عيب خضطير ولاالتصليح هيفيد ولا تبديل بجهاز اخر افضل وشكرا

أخى
أعد الجهاز مره ثانيه إلى التوكيل وخليهم يكشفوا عليه أثناء تواجدك عندهم وإشرح لهم الحاله مره ثانيه
وألاحظ أن العيب غريب ومش سهل
وممكن يكون فى أحد الأيسيهات وقد قاموا فى التوكيل بالتسخين عليها بالهوت جن وعاد العطل ثانية
ولا تقوم بفك الجهازوحتى لو كان العطل بسيط
لانك لو فكيت الجهاز وحاولت الاصلاح سوف يخرج الجهاز من الضمان
وتدخل فى مشاكل أخرى مع مراكز الصيانه وممكن بعد ذلك تستبدل المازر بورد
أنت الان فى غنى عن ذلك وتمسك بحقك ولا تيأس من العوده للتوكيل أكثر من مره

[wezo122]

اولا احب اشكركم على هذا المجهود انا اتاكدت من العيب وهو كالتالى عندما اقوم بفتح الجهاز يشتغل عادى ومرة واحدة يروح فاصل كل حاجة ومفيش اى لمبة تتور ولمايتساب مدة كام ساعة كدا يشتغل تانى القصة بللظبط اول مرة قالولى مفهوش حاجة خدت منهم الجهاز شغال تمام اشتغلت بيه ساعة على البطارية فصل خالص سبته بعديها بست ساعات جربته تانى مشتغلش خدت الجهاز وروحت التوكيل بنجربه اشتغل وفصل واشتغل تانى فتاكدت من حكاية انه لمابيتساب ييشتغل وانهم فى التوكيل مكدبوش عليا فارجو منكم توضيح الموضوع وهل لو اتصلح هيبقى حل مؤقت ولا البوردة تتغير ولا الجهاز كاملا اضمن واسف على الاطالة وجزاكم الله خيرا

[حافظ إبراهيم]

السلام عليكم ورحمة الله

أخى العزيز ياريت تنزع البطارية من الجهاز خالص
وتشغل الجهاز وتوافينا بما حدث ويريت توضح
حالة الجهاز وهو شغال هل شغال بسرعته
الطبيعية ولا بيتقل فى الشغل لأن موضوع الفصل
ده لى أكثر من حل


سبحانك لا علم لنا إلا ما علمتنا إنك أنت العليم الحكيم