[ghazawy2]

السلام عليكم و رحمة الله و بركاتة

من يومين كان اللاب شغال عادى الصبح ... و لم المس الجهاز و جيت شغلته بالليل حسيت بحاجة غريبة
لقيت اللاب شغال على البطارية مع انى موصل الشاحن و لا كأنى حاطط الشاحن
مع العلم انى لما اخلع الشاحن من اللاب شاشة اللاب تغمق و يعرفنى انى شغال على البطارية
ولما اوصل الشاحن باللاب الاقى الشاشة فتحت و يعرفنى ان اللاب وصل بس ولا كأنه موجود و يخلى الشاشة فيها هزه كده وهوه متوصل لما اشيل الشاحن الهزه تروح
ولما وصلت شاحن تانى اشتغل اللاب
اتمنى انكم تساعدونى

ولكم جزيل الشكل

[إبراهيم جاد]

بسم الله الرحمن الرحيم
أخى العزيز / ghazawy2

من أشهر أعطال شاحن الدل هو كابل الشاحن الذى يتصل بالجهاز
وبالاخص عند نقطة الخروج من الشاحن نفسه وهذا من المؤكد فى حالتك هذه أو عند السوكت

وتابع معنا

[م اسلام معروف]

اقتباس المشاركة الأصلية كتبت بواسطة إبراهيم جاد بسم الله الرحمن الرحيم أخى العزيز / ghazawy2 من أشهر أعطال شاحن الدل هو كابل الشاحن الذى يتصل بالجهاز وبالاخص عند نقطة الخروج من الشاحن نفسه وهذا من المؤكد فى حالتك هذه أو عند السوكت وتابع معنا

تمام ياباشا
كلام سليم وزي الفل
ربنا يزيدك من علمه
اخيك/اسلام معروف

[ghazawy2]

على فكرة انا مكنتش متوقع ان حد يرد قبل يومين زى ما اتعودت فى كتير من المواقع لما تطلب مساعده تستنى على الاقل يومين
بس بجد ألف شكر على سرعة الرد وعلى المساعدة

بس طلب تانى علشان انا كنت فقدت الامل و كنت هغير الشاحن
هل ينفع اغير الكابل ما بين الادابتور و بين اللاب توب علشان الشاحن مفهوش اى مسمار علشان أفك الشاحن ؟؟
وكم سعر هذا الكابل و أجيبة منين و مين يقدر يركبهولى ؟؟ علشان انا من المهندسين و أكتر المولات بتبقى بيع فقط على ما اعتقد

انا عارف ان اسألتى كتيرة بس بجد أول مرة تحصلى مشكلة بالشكل ده

[إبراهيم جاد]

[quote=;324372]

بسم الله الرحمن الرحيم
أخى العزيز /ghazawy2

عند الفنيين طريقه لفتح الشاحن المغلق بدون مسامير
وممكن قطع حوالى 5سم من الكابل التى بهم التلف فى أول الكابل ويمكن تركب الكابل مره أخرى ولا تشترى كابل جديد
أما إذا كان إضرارى شراء كابل جديد فهو موجود عند شركة الامين فى مول البستان ولكن لازم فنى ممارس لفتح الشاحن حتى لا يتلف مظهره الخارجى

[ghazawy2]

شكرا لمشاركتكم
بس انا لفيت على اكتر من مركز صيانة فى مول البستان و سفنكس و سوق الكمبيوتر ولكن كله يرد عليا نفس الرد ((الفولت مفهوش مشكلة بيقرأ 19.5 فولت لكن المشكلة فى الامبير وهوه الى فيه المشكلة و مينفعش يتصلح اشترى واحد جديد ))
اقولهم طب غيرولى الكبل يقولوا الكبل مفهوش اى مشكلة علشان بيدى الفولت مظبوط لكن مشكلته فى الامبير ممكن يكون مكثف بايظ اوى حاجات جوة بايظة

فهل فعلا مفيش حل للامبير ده ؟؟؟؟؟؟؟؟؟؟؟؟

[إبراهيم جاد]

اقتباس المشاركة الأصلية كتبت بواسطة ghazawy2 شكرا لمشاركتكم بس انا لفيت على اكتر من مركز صيانة فى مول البستان و سفنكس و سوق الكمبيوتر ولكن كله يرد عليا نفس الرد ((الفولت مفهوش مشكلة بيقرأ 19.5 فولت لكن المشكلة فى الامبير وهوه الى فيه المشكلة و مينفعش يتصلح اشترى واحد جديد )) اقولهم طب غيرولى الكبل يقولوا الكبل مفهوش اى مشكلة علشان بيدى الفولت مظبوط لكن مشكلته فى الامبير ممكن يكون مكثف بايظ اوى حاجات جوة بايظة فهل فعلا مفيش حل للامبير ده ؟؟؟؟؟؟؟؟؟؟؟؟

عندما يكون عطل الشاحن فى الأمبير له دليلان
1 / اللاب يعمل على الشاحن ولكن الليد الذى على واجهة اللاب والذى يدل على أن البطاريه بتتشحن من الشاحن
تجد هذا الليد لا يضئ
مع أن البطاريه تحتاج شحن
2 / العلامه التى تظهر على task bar والتى تدل على أن الشاحن يشحن البطاريه لا تظهر
بمعنى أن البطاريه تحتاج شحن ولكن عند توصيل الشاحن تظهر علامة أن الجهاز يعمل على الشاحن فقط
ودليل أن الكابل تالف أنه يحدث عندك تلامس ضعيف الأن بين أطراف الكابل
ولاحظ على ليد الشاحن أثناء هذا الإهتزاز فى الشاشه تجد ليد الشاحن يضئ ويطفى بسرعه
وتابع معنا

[ghazawy2]

لما اوصل الشاحن بيقولى انه بيشحن البطارية بس شغال على البطارية و بيسحب منها
سورى يا باشمهندس انا مفهمتش الحل فين ؟؟
يعنى اغير الكابل الى بين الادابتور و اللاب ؟؟