[alkomandh]

عندى جهاز c1000من اول ما نزل فى السوق وكان ثمنة تقريا 1300 ج المهم بعد فترة حوالى سنة ونصف وجت البطارية مش بتقعد زى اول ما جبتة وبقت تفضى بع 3ساعات تقريبا وديتة لواحد ربنا يجازية بقة المهم جبت اكتر من 3 بطاريات دون جدوى والى الان مش عارفلة صرفة المشكلة كلها دلوقت انة بشحن البطارية على الدسك توب واركبها متقعدش اكتر من ساعة وحتى الشاحن بتاعة خدوة ما جبهوش يا ريت اصحاب الخبرة يفيدونى ولو استدعى الامر انى اقوم بالصيانة بنفسى مع مساعدة حضراتكم طبعا مع الشرح ويكون مدعم بالصور رجاءاالمشكلة كلها فى الشحن ومدة استمرارية البطارية فى التشغيل

[محمودابويوسف]

بسم الله الرحمن الرحيم

اخي alkomandh

هل الجهاز بة سخونة(بتحس ان الجهاز سخن شوية)

متابع معاك ان شاء الله

[alkomandh]

شكرا اخى الكريم على اهتمامك .. نعم اول ما ابتدى يخلص شحن البطارية بسرعة لاحظت ان الشاشة بتسخن لما بيكون معى تليفون لدرجة انى على ما اخلص المكلمة اجد خدى عرقان جدا .. وبعد ما اخدة الاخ الفنى الله يجازية اليوم لاحظت شيء جديد انا طبعا كما اسلفت انى بشحن البطارية بالدسك توب واركبها علشان متبظش هى الاخرى يعنى اركبها واشغلها شوية وافصلها تانى على طول وهى فيها الشحن فوجئت اليوم وهو الجهاز مطفى نهائى انة اشتغل وفتح لوحدة شفت الهنا اليى انا فية.اسف على تطويلى فى الحديث ولاكن حبيت اعرف حضرتك كل شيء علشات تحدد العطل كما يجب وشاكر جدا لاهتمام حضرتك

[محمودابويوسف]

بسم الله الرحمن الرحيم

اخي
مشكلتك في اي سي البلوتوث
ارفع اي سي البلوتوث من البوردة
وشغل الجهاز
الشحن حيقعد معاك زي الاول
والسخونية حضيع

[alkomandh]

فرحتنى والله فعلا البلوتوث بعدها مشتغلش الله يكرم اصل حضرتك ..معلش انا طمعان فى كرم حضرتك ممكن تحددلى اى سى البلوتوث على صورة مثلا من بردة او توصفلى شكلة وانا اشيل امة لان انا تعبت ومستخصر الجهاز لان بصراحة امكانيتة حلوة وكان شغال مية مية

[alkomandh]

وتنصحنى باية حضرتك اشيل اى سى البلوتوث خالص ولا اذا كان هناك امكانيت تغيرة اغيرة ولحضرتك جزيل الشكر والاحترام

[محمودابويوسف]

اقتباس المشاركة الأصلية كتبت بواسطة alkomandh وتنصحنى باية حضرتك اشيل اى سى البلوتوث خالص ولا اذا كان هناك امكانيت تغيرة اغيرة ولحضرتك جزيل الشكر والاحترام

بسم الله الرحمن الرحيم

اخي
ارفع اي سي البلوتوث من البوردة شيلة

ومكان اي سي البلوتوث تحت علبة الجرس بجوار الكاميرا علي اليمين

لحين تحضير الصورة

[alkomandh]

الف الف شكر وتقدير وجعلة الله فى ميزان حسناتك ان شاء الله.. منتظر الصورة مع الايضاح والله ولى التوفيق