[ماهر يونس]

مثلا بورد فيها 3 قنوات فى دايره البروسيسور كل دايره فيها 3 موسفت منهم واحد درايفر و 2 تغذيه
بالقياس بالآفو على وضع الجرس على الرجلين الى على الأطراف موسفتات الدرايفر أعطت قراة واجده تقريبا 605 وموسفتات التغذية 700
هل كده أقدر اقول أن أن 9 موسفتات سليمه ؟؟؟


سؤال تانى معلش :
بالنسبه لوضع الصفاره فى الأفو إيه هى العناصر لو الصفاره اشتغلت أقول عليها إنها شورت وايه هى العناصر لو الصفاره اشتغلت برضه أقول عليها شغال

وشكرا لكم جميعا

[م اسلام معروف]

اقتباس المشاركة الأصلية كتبت بواسطة ماهاريكو مثلا بورد فيها 3 قنوات فى دايره البروسيسور كل دايره فيها 3 موسفت منهم واحد درايفر و 2 تغذيه بالقياس بالآفو على وضع الجرس على الرجلين الى على الأطراف موسفتات الدرايفر أعطت قراة واجده تقريبا 605 وموسفتات التغذية 700 هل كده أقدر اقول أن أن 9 موسفتات سليمه ؟؟؟ سؤال تانى معلش : بالنسبه لوضع الصفاره فى الأفو إيه هى العناصر لو الصفاره اشتغلت أقول عليها إنها شورت وايه هى العناصر لو الصفاره اشتغلت برضه أقول عليها شغال وشكرا لكم جميعا

السلام عليكم ورحمة الله وبركاته
شوف يا باشمهندس
بداية أنا لا اؤيد قياس الترانزيستور علي البورده لانه بيبقي ليه نتائج خداعه غالبا .
وكمان لا اؤيد قياس الترانزيستور بالأفو الديجيتال لان الديجيتال طبعا شغال ببطاريه بتشحن معاك الترانزيستور مما يضطرك لتفريغ شحنته بعد كل قياس من ال6 لضمان نتائج سليمه .
أما قياس الترانزيستور علي البورده بيعطي معاك نتائج خداعه وذلك لان مكان لحام الترانزيستور مثلا كوليكتور وايميتر والبيس يكون مرتبط عبر ايسيهات او شيب او مقاومات ومكثفات اخري علي حسب وضع الدايره
والدليل انك لو فكيت الترانزيستور من مكانه وقسته برا مش ها يديك نفس قياسه في المازر
وكمان لو شلته وقست مكانه ها تلاقي معاك ارقام علي اي طرف تقريبا من اطرافه
فالاصح انك تقيسه بره وبافو انالوج أو اذا شكيت فيه جدا غيره بواحد زيه من التقطيع او ببديل مناسب

ثانيا حكاية القطع اللي تصفر معاك وتبقي سليمه فدول مش كتير
تلاقيهم مثلا الملف
ولو عايز تتاكد من تراك
تقريبا فقط
والباقي المفروض ما يديش صفاره الا في حالات معينه
زي انك بتقيس مثلا ترانزيستور بدامبر مثلا
طبيعي انه يديك صفاره بين رجلين وده للحمايه فقط
وباقي المكونات تتوالي معك تباعا علي حسب خبرتك ومجموع محصلتك في الشغل
يعني كل يوم انت بتزداد تقدم

والله الموفق

[ماهر يونس]

متشكرين يا أستاذى على التوضيح يبقى الواحد يتعلم ما يقيس حاجه على البورده نهائى بس أعتقد أن الملف هو الوحيد اللى ممكن قياسه على البورده علشان أعرف منه داسرة البورسيسور شغاله ولا لأ من الفولت الواصل عليه
وأنا عارف أن كل الحاجات ده هتدوب وتتفهم مع مرور الوقت وده شئ طبيعى لأنى حتى ما كنتش اعرف أركب هارد بس مع الوقت وسؤال كل ذى علم الواحد بيتعلم

ياريت يبقى فى فيلم كامل عن قياس كل شئ فى البورده ويكون واضح ويوضح الفرق بين العنص السليم والعنصر العطلان

وفى النهاية شكرا لتعبك مع العبد لله

[ماهر يونس]

ولو عايز تتاكد من تراك

معلش لو فيها تعب ممكن توضحلى النقطه ده وإزاى بتتعمل


وده كمان ( هل الترانزيستور اللى بدامبر ده موجود فى بورده الكمبيوتر وايه هو الدامبر بعد إذنك )


زي انك بتقيس مثلا ترانزيستور بدامبر مثلا
طبيعي انه يديك صفاره بين رجلين وده للحمايه فقط

معلش تقلت عليك استحملنى شويه لأن لسه فى أمور غامضه بالنسيه لى وأكيد سعادتك برضه مريت بالمرحله ده


والله الموفق[/COLOR][/SIZE][/CENTER][/B][/QUOTE]

[م اسلام معروف]

اقتباس المشاركة الأصلية كتبت بواسطة ماهاريكو ولو عايز تتاكد من تراك معلش لو فيها تعب ممكن توضحلى النقطه ده وإزاى بتتعمل وده كمان ( هل الترانزيستور اللى بدامبر ده موجود فى بورده الكمبيوتر وايه هو الدامبر بعد إذنك ) زي انك بتقيس مثلا ترانزيستور بدامبر مثلا طبيعي انه يديك صفاره بين رجلين وده للحمايه فقط معلش تقلت عليك استحملنى شويه لأن لسه فى أمور غامضه بالنسيه لى وأكيد سعادتك برضه مريت بالمرحله ده والله الموفق[/COLOR][/SIZE][/CENTER][/B]

[/QUOTE]

السلام عليكم ورحمة الله وبركاته
عزيزي العملية أسهل مما تتخيل
لو انت قدامك تراك في بورده ومخدوش كده وانت شاكك انه مفتوح في النص يعني
(OPEN) تتاكد بالآفو علي وضع الجرس
وتحط اسود الآفو علي اول التراك مثلا لو مقاومه او بف او ايسي وتحط الاحمر علي آخر التراك
لو صفَّر يبقي سليم وغير كده يبقي تالف

ثانيا
الترانزيستور ابو دامبر وده تلاقيه كتير ترانزيستور اخراج افقي في الشاشات CRT
والدامبر ده عباره عن دايود بداخل الترانزيستور يكون حمايه
وقياسه بكدا يختلف عن الترانزيستور العادي او الموسفيت
حيت انه سيعطي معك صفارة في وضعين من ال6


والله الموفق

[en.mohamedsaid]

جزاك الله خيرا اخى م /اسلام على مجهودك الملحوظ بالقريه
ادام الله عليك التميز

بالنسبة للموسفت وقايسه على الماذر بورد
فقد يكون هناك طريقه لقياسه على الماذر بورد فى حاله عطل البور
ضع طرف الافو السالب على القاعده واجعل الطرف الموجب بيدك الاخرى وقيس بهم المجمع والمشع
ان اعطاك صفاره على الطرفين فهذا الموسفت شورت
يتوجب عليك فك الموسفت وقياسه خارج الدائرة

قد توفر عليك الطريقة عناء فك جميع الموسفتات

اما فى حاله الشك فينصح بقياسهم خارج الدائرة

دمتم بخير

[ماهر يونس]

اقتباس المشاركة الأصلية كتبت بواسطة en.mohamedsaid جزاك الله خيرا اخى م /اسلام على مجهودك الملحوظ بالقريه ادام الله عليك التميز بالنسبة للموسفت وقايسه على الماذر بورد فقد يكون هناك طريقه لقياسه على الماذر بورد فى حاله عطل البور ضع طرف الافو السالب على القاعده واجعل الطرف الموجب بيدك الاخرى وقيس بهم المجمع والمشع ان اعطاك صفاره على الطرفين فهذا الموسفت شورت يتوجب عليك فك الموسفت وقياسه خارج الدائرة قد توفر عليك الطريقة عناء فك جميع الموسفتات اما فى حاله الشك فينصح بقياسهم خارج الدائرة دمتم بخير

معلش ياسيدى الفاضل القاعده هى الرجل اللى فى النص ولا لأ

[ماهر يونس]

شاكرين يا ستاذ اسلام على معلوماتك القيمه
وفعلا من علمك حرفا صرت له عبدا
انا حاليا مركز فى الماذربورد بس يعنى موسفتات بس مش عايز أشتت تركيزى بأنواع الترانزيستور التانيه
بالنسبه لموضوع التراك فهمته طيب
1*-طيب لو جزء مثلا من التراك اتحرق او حتى شاط شياط خفيف اواحد يعمل ايه
بالنسبه للبفات سواء كانت مكثفات أو مقاومات لو صفرت تبقى سليمه وهل من الممكن الواحد يحرف بف مثلا جنب ترانزيستور وهو بيفكه