[جبارة محمد احمد]

قلمي الحر أب سنونا بره
ما بتنهان ما بتنداس مابتنتر
لا حبرا مدادك كان
لا جلدا رهيف ينطر
مابترضى الكلام الشين
وللحوبات ما بتنجر
أحساسك شريف ونزيه
ما بينزاح ما بينضر
كاسيك الحياء والزين
زي زولا عزيزونفسو حرة
ماتكسف شباب الحور
ما تكسر رجال الكر
أكتب عن ظلام الليل
عن نجم السما الأنشر
أكتب عن شعاع الشمس
يختال الأرض ينفر
أكتب عن جبين الأرض
بي عزم الوليد اخضر
أكتب عن عذارى الحي
وتوبا بالعفاف ينجر
أكتب عن هوى العشاق
وعن سهد الليالي المرة
وعن ديني الفي قلبي يقين
وعن علم الحياة والذرة
أكتب ثورة الأحرار
تاريخ العباد الحرة
أكتب بكرة قول الحق
ما يهمك سهام تنسل
أكتب ما يصيبك شق
وحبرك ما يسيل ينحل
يا زولا ظلمني وصاح
ما كان العشم تنغر
ماكان العشم تنداح
لي سيل الغضب تنجر
تجرح حرفي ليه يا صاح
في يوم فزعتك ما فر
قال الحق فيك ماخاف
من قول العوازل تر
قلبي الصافي كله جراح
ما شال لك ضغينتًا مرة
يادارا هواها عليل
نقدل فيها دوم نتنى
يوم نسهر نغني خليل
وندي العاشقين الجنة
ويوم نتبارى في التحليل
يوم نقصد سلام ومحنة
ولي سيدك بقولوا كلام
يرضي الحاضرين والملة
يافارس الوغى المقدام
زولي الفي حماك يتهنى
أسرج في خيولك تيه
ولي صروح العلا اتمنى
أكتب فكر جود بالفيك
أوصف في العليل والعلة
أنشر في المكارم زيد
والياباك تب ينشل








اتمني ان اجد مساحة بينكم ولعلي اكون خفيفا عليكم

[اشرف]

اهلا وسهلا بك في بيتك وفي قريتك ..

في انتظار تفاعلك والمواضيع المتميزة ان شاء الله ..


اشرف

[ahmedfarghaly]

حللت أهلا و نزلت سهلا

و بعون الله يطيب لك المقام في قريتنا


و كل عام و أنت بخير

[ahmedqatar]

أهلا و سهلا بكم