[shenosheno]

السلام عليكم ورحمة الله وبركاتة ..

قصتي طويله وموضوعي طولي ,, واحب القرقره واجد ! ..

يا طويلين قبل شراء THOMSON TG185N كان اخوي عامل شبكه ولا احلى ,, زي الفل ..

طبعاً الشبكه ويرلس مع لاب توب قديم وهذا اللاب توب شابكين فيه هاردسكين كل واحد ,, واحد تيرا والطابعه ..

والحياه زي الفل ,, قمة الفله في الصيف الرائع الي فجدة سيتي ×_×" ..

ما علينا المهم ..

اول ما شبك اخوي THOMSON TG185N مدري ايش صار وصرت ما اقدر ادخل على الشبكه مدري ايش الهرجه كذا فجأة هوا من THOMSON TG185N ولا مو من THOMSON TG185N مدري ؟ ..

برضو ما علينا ..

دحين يا طويلين العمر المودم Linksys WAG325N عاملين له فلتر ماك ,, وندخل ونخرج واحنا مبسوطين ومرتاحين على الملفات الي في الهاردسكات لأنو فيها اشياء جداً جداً خاصة ..

دحين نبغى نشبك Linksys WAG325N مع THOMSON TG185N بفلتر ماك ,, طبعاً اضفت رقم الماك يدوياً حق THOMSON TG185N لـ Linksys WAG325N لكن ..

أولاً : مني عارف اصلاً كيف اشبكهم على بعض فـ ابغا الطريقه لا هنتوا ..
ثانياً : هل لما اشبكهم ,, يصير اي احد يقدر يدخل على الشبكه ؟ من THOMSON TG185N يعني قصدي بدون الفلتر ! ..
ثالثاً : هل يوجد اصلاً رقم اكتبو في المتصفح اقوم دخل على صفحة THOMSON TG185N ؟
رابعاً : مني عارف اوصلكم ايش ابغا بالضبط لكن ان شاء الله الصوره وضحت ,, واهم شي فلتر ماك يكون موجود ..

والسلام عليكم ورحمة الله وبركاته .