[حبيبة الجنة]

السلام عليكم ورحمه الله
ازيكم يارب تكونو بخير وصحه
انا بعد ازنكم عندى مشكله صغيرة ومعلش هاطول عليكو شويه
انا دلوقتى كنت فى 3 اعدادى كنت محتارة ادخل ثانوى عام
ام ادخل تجارة كنت محتارة جدا فى نا س قولولى على مدرسه الالكتورينات
والكمبيوتر انا رحبت بالفكرة اوى قوى قولت طيب كويس هاندس كمبيوتر وانا بحب كده انا بحسب هاندرس برمجه وسوفت وير وكده لقيت غير كده خالص لقيت مقومات وحاجات غيربه اول مره اسمع عنها بصراحه انا حبيت الدراسه دى وكمان انا كا بايدى ادخل ثانوى عام بس اللى شجعنى انا قوليلى ان دى بدخل هندسه وانا الصراحه نفسى ادخل هندسه بس ده صحيح ممكن ادخل هندسه منها ؟؟؟
ياريت حد يدينى امل انا سمعت عن المعادله وكده
بس الكارثه انها صنايع ودى مشكله عندى فى العائله ازى بنت وتدخل صنايع علشان كل العائله متاعتى شهادات عاليه ومافيش ولد دخل صنايع وانت لو واحده ادخل صنايع فى العائله الناس كتير بيضيقونى بكلمه صنايع دى .
بس انا عندى امل كبير اووى انى ادخل هندسه منها بس بصراحه الامل بيقل
كل ما اشوف البنات والصبيان قريبى فى ثانوى عام علمى وادبى وكل ما اقول لحد انا ان شاء الله هادخل هندسه مش يصدقنى بس انا جبت فى سنه اولى تقدير كويس الحمد لله بس مش عارفه مصيرى فين
هل زى ما بيقولو سبع صنايع والبخت ضايع ام لا
اسفه انى طولت عليكم بس ياريت حد حتى يعطينى امل .

[sanouber]

قرات موضوعك اختي الكريمة وارجو أنني
فهمت قصدك ،انك تتخوفين من استغراب
الناس في اختيارك لمهنة الصنعة وانت
تحبين هذه المهنة ثم خوفك من عدم النجاح
فيها .والحقيقة ان هذه المهنة اذا كانت
حرة تتعب الفتاة في مجتمعاتنا
ولكنك تستطيعين ان تمارسيها
في المصانع فهي تطلب تشغيل الفتيات
والنساء بكثرة لأن مردودهن يفوق
مردود الرجال في كثير من الاعمال.

[الباسم.حسن يوسف]

اقتباس المشاركة الأصلية كتبت بواسطة حبيبة الجنة السلام عليكم ورحمه الله ازيكم يارب تكونو بخير وصحه انا بعد ازنكم عندى مشكله صغيرة ومعلش هاطول عليكو شويه انا دلوقتى كنت فى 3 اعدادى كنت محتارة ادخل ثانوى عام ام ادخل تجارة كنت محتارة جدا فى نا س قولولى على مدرسه الالكتورينات والكمبيوتر انا رحبت بالفكرة اوى قوى قولت طيب كويس هاندس كمبيوتر وانا بحب كده انا بحسب هاندرس برمجه وسوفت وير وكده لقيت غير كده خالص لقيت مقومات وحاجات غيربه اول مره اسمع عنها بصراحه انا حبيت الدراسه دى وكمان انا كا بايدى ادخل ثانوى عام بس اللى شجعنى انا قوليلى ان دى بدخل هندسه وانا الصراحه نفسى ادخل هندسه بس ده صحيح ممكن ادخل هندسه منها ؟؟؟ ياريت حد يدينى امل انا سمعت عن المعادله وكده بس الكارثه انها صنايع ودى مشكله عندى فى العائله ازى بنت وتدخل صنايع علشان كل العائله متاعتى شهادات عاليه ومافيش ولد دخل صنايع وانت لو واحده ادخل صنايع فى العائله الناس كتير بيضيقونى بكلمه صنايع دى . بس انا عندى امل كبير اووى انى ادخل هندسه منها بس بصراحه الامل بيقل كل ما اشوف البنات والصبيان قريبى فى ثانوى عام علمى وادبى وكل ما اقول لحد انا ان شاء الله هادخل هندسه مش يصدقنى بس انا جبت فى سنه اولى تقدير كويس الحمد لله بس مش عارفه مصيرى فين هل زى ما بيقولو سبع صنايع والبخت ضايع ام لا اسفه انى طولت عليكم بس ياريت حد حتى يعطينى امل .

بسم الله الرحمن الرحيم

أختى

نعم من الممكن أن تدخلى كلية الهندسه
وأنت خريجة المدارس الصناعيه ولها تنسيق بعد تنسيق الثانوية العامه
مباشرة وفى نفس المكان وبنفس الأجراءت ولكن يلزمك التفوق وبجموع لا يقل عن 75 / 100 وليس هناك معادله ويمكنك بالصبر والجهد أن تحصلى على 90 / 100 أو أكثر وهذا سيجعلك تدخلين كلية الهندسه بكل يسر وسهوله والله الموفق ، ( قومى بتحدى بينك وبين نفسك وستحققين ما تريدين)

[kingmido]

السلام عليكم اختى الكريمة اما بعد,
انا رأيى ان المرأة نصف المجتمع وموجود نمازج مبشرة للمرأة فى المجتمعات العربية ولكن اذا كانت صاحبة شخصية قوية ومحترمة وخلوقة وبتاعة ربنا ففى مجال الالكترونيات الكثير من العمل فى كافة الشركات الالكترونية وبالنسبة للمعادلة فأنا فى اكاديمية هندسة وكنت بفكر ادخل معهد فنى صناعى (دة طبعا قبل الكلية) واعادل وادخل هندسة من غير فلوس ولاكن خفت من ضياع سنتين انما بالنسبالك فمتخافيش من اى حاجة وشدى حيلك وان شاء الله ربنا هيوفقك انما بخصوص عيلتك فأنصحك نصيحة اخوية بأنك متفكريش فى اى حاجة من كدة عشان كدة بجد مش هيبقا عندك امل وياما ناس كتير بتفضل تنصح وهى اساسا محتاجة النصيحة فمش عيب انك تدرسى صنايع وممكن بأذن الله تدخلى هندسة وتتفوقى على اللى جايين من ثانوية عامة وشدى حيلك وربنا معاكى ان شاء الله
اخوكى/محمد محمود (بندق)

[hg.udl]

اختى الكريمه ابشرك خير فانا لى اتنين اصدقاء مهندسين واحد مهندس معمارى والثانى مهندس كهرباء والتنين فى السعوديه بيشتغلو هناك والتنين كانو صنايع
فأبشرى اختى الكريمه

[سعيد شعراوى]

أختى العزيزة ( أنا توقفت عن المشاركات)
و دخلت مخصوص علشان أرد عليكى
أنا زيك بالضبط كان مجموعى يدخلنى ثانوى عام مرتاح وشجعونى بعض الزملاء
بدخول صنايع خمس سنين وكانت أيامها تحت أشراف خواجات من أنجلترا وكان المتفوق يكمل فى أنجلترا ودخلت على هذا الأساس وللأسف بعد حوالى سنة
أصبحت تحت أشراف المصرين
راح أملى فى الذهاب لأنجلترا لكن أجتهد وحصلت فى الدبلوم على ثانى الجمهورية على مستوى البلومات الفوق متوسطة
ودخلت كلية الهندسة ولظروف خاصة لم أكمل لكن زملائى كملوا وحصلوا على الشهادة العليا
==============
خلاصة الكلام أجتهدى وتفوقى خاصة فى الدبلوم وبأذن الله هتدخى هندسة وأنت

حطة رجل على رجل

[حبيبة الجنة]

السلام عليكم ورحمه الله وبركاته
بصراحه انا مش عارفه اقولكم ايه انا سعيده جدا جدا
بصراحه انتو ادتنونى امل كبير اوى بجد اشكركم واحد واحد
وجزاكم الله الجنه
وربنا يوفقنى ويوفقكم يارب