صيانة شاشات CRT صيانة الشاشات التقليدية CRT

أدوات الموضوع

I-IEMA
:: مهندس متواجد ::
تاريخ التسجيل: May 2009
المشاركات: 96
نشاط [ I-IEMA ]
قوة السمعة:0
قديم 17-05-2009, 10:55 AM المشاركة 1   
x3 مشكلة الوان فى شاشة Acer v551 15 inch CRT Twitter FaceBook Google+





الســـلام عليكم و رحمة الله و بركاته

أولا احيى كل من فى هذا المنتدى الرائع على مجهوداتهم الرائعة
جـــــزاكم الله خيرا
:hry:

مشكلتى مع شاشتى Acer 15 inch V551 CRT

هى ان الالوان بتروح و تيجى
بمعنى : ان احيانا الاحمر فيها بيروح ,, و احيانا الاخضر يروح
و احيانا يطغى عليها اللون الاصفر , و احيانا الاخضر


المشكلة دى كانت عندى من حوالى 3 سنين ( لكن كانت مع اللون الاحمر فقط ) , و كنت بضرب على الشاشة الشاشة بايدى , لحد ما ترجع للونها الاصلى
و مع الضرب المستمر لقيت الصورة بقت بتتعرض فى تلت الشاشة السفلى

روحت لواحد بيصلح فيهم و غير اتنين IC و قال ان IC الالوان هو المسئول عن مشكلة اللون الاحمر و التانى باظ بسبب الضرب على الشاشة
لكن تقريبا كان غيرهم بـ 2 مستعملين أو قدام , لإنه جابهم من المحل عنده

لذلك انا اعتقد ان المشكلة فى الـ IC برضه

الكابل اعتقد مافيهوش مشكلة لإنى حركته على اساس اشوف ان ليه اى تأثير لكن لم يؤثر على الالوان

----
فى انتظار رأى المهندسين فى المشكلة دى

لإنى محتاج مساعدة فى معرفة مكان الـ IC ده علشان اغيره
انا عندى دراية باللحام و الحاجات دى , و عندى الادوات المطلوبة
و عندى الآفوميتر , لكن ماعرفش طريقة القياس للـ ICs

لذلك محتاج منكم التوجيه و إن شاء الله اقدر اغير الـ IC
انا ممكن امدكم بصور تفصيلية للشاشة أو اصورهالكم فيديو لو دا ممكن يساعد فى العملية




و شكــــــــــــرا لكم

اعلانات

ghanim2008
:: مهندس متواجد ::
تاريخ التسجيل: Dec 2008
الدولة: الاردن
المشاركات: 58
نشاط [ ghanim2008 ]
قوة السمعة:0
قديم 17-05-2009, 12:52 PM المشاركة 2   
افتراضي


اخي الكريم تأكد من اللحام الموجود على سوكت الشاشة واذا كان هناك فصل فاعد لحامه جيدا واذا كنت متاكد من الكيبل بالقياس بالافوميتر ثم قم بتشغيل الشاشة وقم بتحريك البورد الموجود عاى سوكيت الشاشة فأذا عادت الالوان فقم بتغيير السوكيت التي تركب على عنق الشاشة فأن لم يتوفر فقم بتنضيفها بمادة التنر واصبر عليها حتى تنشف جيدا وان شاء الله سوف تعمل الشاشة

اعلانات اضافية ( قم بتسجيل الدخول لاخفائها )
  

I-IEMA
:: مهندس متواجد ::
تاريخ التسجيل: May 2009
المشاركات: 96
نشاط [ I-IEMA ]
قوة السمعة:0
قديم 17-05-2009, 04:15 PM المشاركة 3   
افتراضي


اخي الكريم تأكد من اللحام الموجود على سوكت الشاشة واذا كان هناك فصل فاعد لحامه جيدا واذا كنت متاكد من الكيبل بالقياس بالافوميتر ثم قم بتشغيل الشاشة وقم بتحريك البورد الموجود عاى سوكيت الشاشة فأذا عادت الالوان فقم بتغيير السوكيت التي تركب على عنق الشاشة فأن لم يتوفر فقم بتنضيفها بمادة التنر واصبر عليها حتى تنشف جيدا وان شاء الله سوف تعمل الشاشة
شكــرا أخى على مساعدتك

و لكن احتاج منك ان تشرح لى ماذا تقصد بـ سوكت الشاشة ؟
اعذرنى فهذه اول تجربة لى فى اصلاح الشاشات , و مازلت لا اعرف مصطلحاتها

لو امكن ان تشرح لى بواسطة صور


الصورة الرمزية إبراهيم جاد
إبراهيم جاد
:: عضو ماسى ::
تاريخ التسجيل: Aug 2007
الدولة: مصر --الفاهره
المشاركات: 1,821
نشاط [ إبراهيم جاد ]
قوة السمعة:161
قديم 17-05-2009, 04:34 PM المشاركة 4   
sun


اخي الكريم تأكد من اللحام الموجود على سوكت الشاشة واذا كان هناك فصل فاعد لحامه جيدا واذا كنت متاكد من الكيبل بالقياس بالافوميتر ثم قم بتشغيل الشاشة وقم بتحريك البورد الموجود عاى سوكيت الشاشة فأذا عادت الالوان فقم بتغيير السوكيت التي تركب على عنق الشاشة فأن لم يتوفر فقم بتنضيفها بمادة التنر واصبر عليها حتى تنشف جيدا وان شاء الله سوف تعمل الشاشة
بسم الله الرحمن الرحيم

أخى العزيز

كما تفضل أخى غانم بالاجابه فعلا المشكله فى نقاط اللحام الرديئه فأرجو إتباع ما ذكره

ولكن كما طلبت كيف تعرف هذه ال
IC

أخى نهاية كابل الداتا داخل الشاشه مكون من مجموعه من الاطراف على شكل سوكت واحد أو إثنين وسوف تجد فيهم ثلاثة كابلات كل كابل منهم طرفان طرف أرضى والطرف الثانى إشارة اللون فإن كان نهاية كابل الشاشه داخل الشاشه عباره عن سوكتين سوف تجد الثلاثة كابلات فى سوكت واحد وبقية الاسلاك فى سوكت اخر
تتبع أسلاك اشارة اللون سوف تصل الى
IC الماتريكس وكذلك توجد IC أخرى مثبته على تبريد من الالومنيوم خاصه خاصه بتكبير إشارات الالوان

سوف تجد ال
IC,S على بورده مثبته فى نهاية الTUBE أى على سوكت الشاشه

أعد اللحام على هذه ال
IC,S وعلى نهاية كابل الداتا وعلى سوكت الشاشه

أرجو التواصل

ونتابع معك جميعا إن شاء الله
ابراهيم جاد



I-IEMA
:: مهندس متواجد ::
تاريخ التسجيل: May 2009
المشاركات: 96
نشاط [ I-IEMA ]
قوة السمعة:0
قديم 17-05-2009, 10:36 PM المشاركة 5   
افتراضي


الاستاذ الفاضل ابراهيم

شكـــرا لك على ملاحظاتك
انا حاولت تطبيق كلام الاستاذ غانم

لقيت الكابل طالع منه 3 كابلات
الاول : سوكت به 6 اسلاك مثبت بالدائرة الصغيرة الرأسية ( فى آخر الشاشة )
الثانى : سوكت به العديد من الاسلاك الرفيعة متعددة الالوان , مثبت فى الدائرة الكبيرة ( اسمها الشاسيه تقريبا ؟ )
الثالث : سلك واحد اسود ملحوم فى الـ cover الموجود على الدائرة الرأسية

ضغطت على السوكيت الاول و الثانى اثناء عمل الشاشة بالمفك و لكن لم اجد تغير ( كان وقتها الشاشة كانت بتعطى اصفر و تختفى و اثناء اختبار السوكت ظل الامر بلا تغيير ) .

و لكنها كانت تجربة سريعة علشان اعرف نظام الشاشة من الداخل
و إن شاء الله هاعمل الموضوع دا بكرة تانى و الحم السوكت

لكن وددت معرفة إذا كنت انا شغال لحد دلوقتى صح ؟


I-IEMA
:: مهندس متواجد ::
تاريخ التسجيل: May 2009
المشاركات: 96
نشاط [ I-IEMA ]
قوة السمعة:0
قديم 18-05-2009, 02:52 PM المشاركة 6   
افتراضي


قمت بفك الشاشة اليوم مرة تانية

طلعت الشاسية خالص بعد طول صراع علشان اعرف بيتفك ازاى
و بصيت على السوكت اللى فى الشاسية و على اللحام لقيت ان اللحام الموجود مظبوط و ثابت

كنت عاوز اشوف السوكت التانى لكن الدايرة الـ cover اللى عليها ملحوم !
افك اللحام و اشوفها ولا اعمل ايه ؟

و ايه السوكت اللى الاحتمال الاكبر ان يكون العيب منه ؟ ولا الاتنين ممكن يكون منهم المشكلة ؟

على فكرة : انا لاحظت ان الالوان التانية مابقتش بتظهر بقالها حوالى 3 ايام , و بقت المشكلة فى ظهور الاصفر فقط

فى البداية خالص كانت المشكلة من اختفاء اللون الاحمر فقط , و بعدها فضلت حوالى 10 ايام بتعطى الوان كثيرة , و منذ 3 ايام إلى الآن بقت فى اللون الاصفر فقط بالتناوب مع اللون الطبيعى للشاشة

هل هناك احتمالات ان يكون العيب من شىء آخر ؟


-------
طلب آخر : مفيش موضوع فى المنتدى بيشرح قطع الشاشة و اساميها بالصور ؟
علشان يكون فيه سهولة فى الوصف و الشرح


I-IEMA
:: مهندس متواجد ::
تاريخ التسجيل: May 2009
المشاركات: 96
نشاط [ I-IEMA ]
قوة السمعة:0
قديم 30-05-2009, 05:28 PM المشاركة 7   
افتراضي


الاخوة الكرام اعضاء و مهندسى المنتدى

لى عتاب عليكم

احتجت منكم المساعدة و لم تترددوا فى تقديمها لى
و لكن لم تتابعونى فى تطبيق الحل

بعد ان انتظرت طويلا الرد على استفساراتى الاخيرة ,,, انتهزت وقت فاضى كان عندى النهاردة و فكيت الشاشة

و قولت اتبع الخطوات اللى قولتوهالى واحدة واحدة
فكيت السوكتين ( الكابلين ) و نضفتهم بـ تنر و كذلك السوكت فى البوردة بتاعتهم
و طلعت البوردة الرئيسية و اعدت على اللحام

لكن زى ما قولتلكم مش عارف ازاى اوصل للبوردة التانية علشان الـ cover المعدنى اللى عليها .


و مازالت المشكلة زى ما هى , لكن مع تغير الالوان
اصبحت المشكلة فى اللون الازرق , لكن الاغلب حاليا هو اللون الطبيعى للشاشة

هل المشكلة فى السوكت اللى انا ماقدرتش اوصله , و اوصله ازاى ؟
ام احتاج لتغيير سوكت ؟ أم ماذا ؟


مش فضلكم يا اخوانى احتاج مساعداتكم

اعلم ان كلامى و مصطلحاتى قد تكون خاظئة أو غير مفهومة نظرا لعدم المامى بأسماء القطع الشائعة
لذلك لو فيه اى كلام ليا مش واضح يا ريت تقولولى و انا هاحاول اوضحه على قد ما اقدر ( تصوير القطع و رفع الصور على المنتدى )

فى انتظاركم يا شباب


الصورة الرمزية إبراهيم جاد
إبراهيم جاد
:: عضو ماسى ::
تاريخ التسجيل: Aug 2007
الدولة: مصر --الفاهره
المشاركات: 1,821
نشاط [ إبراهيم جاد ]
قوة السمعة:161
قديم 30-05-2009, 07:56 PM المشاركة 8   
sun


بسم الله الرحمن الرحيم
أخى العزيز

كلنا من أول مشاركه لك كتبا لك الحلول وأنت لم تنفذها كامله
وعموما إحنا كلنا معاك قلبا وقالبا ومتابعين معاك المهم أنت تتابع معنا حتى الانتهاء من تصليح العطل

أخى العطل فى البورده التى على زور الشاشه من الخلف والتى عليها الغطاء المعدنى (الصاج الخفيف )
1 : بحرص شديد إبدأ فى رفع هذا الجزء كاملا من على زور الشاشه حتى لا تكسر مؤخرة الشاشه وتتلف الشاشه وتخسر كل شيىء
2 : فك لحامات الغطاء الصاج بالكاويه حتى ترى البوردة المثبت عليها أيسيهات الالوان
3 : أعد اللحام على جميع الايسيهات وخاصه المثبته على التبريد وبحرص شديد وكذلك أعد اللحام على سوكت الشاشه
وبعد ذلك جمع الشاشه وجرب الشاشه ووافنا بالنتيجه

ونتابع معك جميعا إن شاء الله
ابراهيم جاد

إضافة رد

العلامات المرجعية

«     الموضوع السابق       الموضوع التالي    »
أدوات الموضوع

الانتقال السريع إلى


الساعة معتمدة بتوقيت جرينتش +3 الساعة الآن: 02:32 PM
موقع القرية الالكترونية غير مسؤول عن أي اتفاق تجاري أو تعاوني بين الأعضاء
فعلى كل شخص تحمل مسئولية نفسه إتجاه مايقوم به من بيع وشراء وإتفاق وأعطاء معلومات موقعه
التعليقات المنشورة لا تعبر عن رأي موقع القرية الالكترونية ولايتحمل الموقع أي مسؤولية قانونية حيال ذلك (ويتحمل كاتبها مسؤولية النشر)

Powered by vBulletin® Version 3.8.6, Copyright ©2000 - 2025