[boshra]

خلاص ياجماعة انا تعبت
البارتشن كان شغال ومفيش مشاكل وفجاة قفل ومدى مساحة زيرو مع انه 150 .. دخلت المانج بتاع الاكس بى ومسحت البارتشن ومعرفتش ارجعه تانى عشان الكريت كانت مطفية , نزلت البارتشن ماجيك وشافه وكل مااعمل كريت مايكملش , حاولت افرمطه من داخل الاكس بى يعد لحد 99% ويوقف

خلاص ياجماعة ان اقربت اتجنن .. يعنى مش كفاية الداتا اللى ضاعت
ياريت ياجماعة احد حد عنده حل لمشكلة ديه ينقذنى قوام
وشكرا مقدماً

[hariedy]

بص يا اخ بشرى عايز ترجع البرتيشن بتاعك والدتا كمان هتوصل هاردك
على جهاز تانى متصطب عليه البرنامج ده
ومن جوة البرنامج ده هتعمل rebuild partition table هيرجعلك تقسمتك
والداتا وكأن شىء لم يكن .
ملحوظة لاتنسى من القائمة اعلاه اختيار هاردك المراد اجراء العمل عليه
لاننا هنا امام جهاز به اتنين او ربما اكثر من هارد ديسك ، وان قام البرنامج
بهذه الخطوة تلقائيا بمجرد فتحه اذاً هو التقط مشكلة الدريف السابق ذكره
منك اخى اتبع المراحل التى سيقوم البرنامج بها وقم بعمل save من داخله
ثم ريستارت .
ولا تنسى اخبارنا بالنتيجة .
والله اعلم .

[boshra]

شكرا يااستاذ هريدى على الاستجابة السريعة
اتبعت خطواتك واتحلت المشكلة .. اى نعم الداتا مرجعتش زى ماحضرتك بشرتنى لكن تتعوض ان شاء الله
ليا بقى استفسار تانى عند حضرتك
انا عايز اشترى دى فى دى وعايز حضرتك تدلنى على الماركة الاحسن اسوس ولا سونى ولا الجى ولا سامسونج ولا حاجة تانية خالص
وكمان عايز اسالك .. لما اجيب الدى فى دى ان شاء الله ينفع استعمل عليه السى ديهات القديمة اللى عندى فى القراية والنسخ ولا العملية ديه ممكن تتعبه و تأثر على كفاءة ادائه ؟

[boshra]

على فكرة يااستاذى الدى فى دى اللى عايز اشتريه داتا مش ساتا

[hariedy]

اعتقد ان الداتا منه غير متوفر نسبياً عموماً ان كنت تفضل ان تدفع اكثر
قليلاً لتوفر فيما بعد كثيراً ، اشترى lite-on من اى فروع رديو شاك مع
العلم انه افضل بكثير مما هو متوفر بالسوق بالنسبة للداتا والساتا
والسعر ليس اعلى من السوق الا بذيادة 135 جنيه فقط .
وبالنسبة للاسطوانات فالديفيدى القابل للنسخ يشغل وينسخ على
جميع انواع الاسطوانات ، ولا تقلق من كثرة الاستخدام طالما انك تستخدم
انواع جيدة منها واسطوانات ذات سطح سليم لا يوجد به خدوش .
ونحمد الله على تصليح الهارد .
والله اعلم .

[boshra]

معلش يااستاذ هريدى سؤال تانى بخصوص الدى فى دى
ايه هو احسن نوع سيدهات موجود فى السوق ؟ وايه هو النوع التى تنصحنى ماافكرش فى شرائه نهائى ؟