[mizo2004]

السلام عليكم ورحمه الله وبركاته

عندى شاشه 17 بوصه ibm نزل فيها مياه نشفتها تمام اوووووى ولقيت الترنزيستور j6815 الخاص بخرج الهورزنتل عطلان غيرته من شاشه تانيه بس مش نفس الرقم فحرق الترنزيستور irf 630a يرتهم 2 بس مش لاقى الترنزيستور j6815
كل ما اركب بديل له تشتغل لمده 5 دقائق وتفصل والترنزيستور يسخن جداااااااااا
المشكله ان مش لقيه ولا لاقى داتا شيت له

فى حل للشاشه دى

[amarmessaad]

سبحان الله وبحمده سبحان الله العظيم

انشاء الله تجد الدعم من الأساتذة الكرام

وفقك الله وأصلح ما بين يديك

تقبل مني الاحترام

-----------------------

إنما الأمم الأخلاق ما بقيت فإن هموا ذهبت أخلاقهم ذهبوا

[الباسم.حسن يوسف]

بسم الله الرحمن الرحيم
أخى
IBM من الشاشات التى تحتاج الى فنى متمكن جدآ
ومتمرس فى الصيانه ،وعرضك للمشكله يجعل الأنسان يتردد لعدم
وضوح عرض المشكله وما تم من خطوات من جانبك ،فمجرد أن تقول قمت بتجفيف الماء ليس كافيآ ماذا فعلت لتتأكد من ذلك وما هى الضغوط الموجوده من الشوبر وتصل الى اللاين وأيضآ سوكت الشاشه عرض ما تم من خطوات وكذلك قيم الفولتيات تجعل الرد سهلآ وممكننآ

[mizo2004]

السلام عليكم ورحمه الله وبركاته
شكرا جزيلا يا بشمهندس على الاهتماما

بسم الله الرحمن الرحيم أخى IBM من الشاشات التى تحتاج الى فنى متمكن جدآ ومتمرس فى الصيانه ،وعرضك للمشكله يجعل الأنسان يتردد لعدم وضوح عرض المشكله وما تم من خطوات من جانبك ،فمجرد أن تقول قمت بتجفيف الماء ليس كافيآ ماذا فعلت لتتأكد من ذلك وما هى الضغوط الموجوده من الشوبر وتصل الى اللاين وأيضآ سوكت الشاشه عرض ما تم من خطوات وكذلك قيم الفولتيات تجعل الرد سهلآ وممكننآ

الشاسيه من النوع الصغير
تتبع الفولطات فى الجهاز
البور تمام جدااااااااا والخرج مطابق للفلطات المكتوبه على الشاسيه

خط 50 فولط خارج من الشوبر 50 فولت تمام
بيددخل على ترنزيستور الموسفت irf634a ويخرج بعد الديود المتصل بالطرف d للترنزيستور وبيكون 90 فولت
بيدخل عن طريق مقاومه للين

وبعدين طرف اللين متصل ب ترنزيستور الهورزنتل

الترنزيستور كان رقمه j6815 مش لقيه فى السوق ولا حتى داتا شيت ليه على النت

90 فولت لدخل اللين ممكن يكونو كتير فى شاشه؟ بس اللين بيخرج فوطات صح زى الى مكتوب على الشاسيه مثلا فى خط -160 مظبوط وخط 40 مظبوط وخط 400مظبوط

كمان الصوره اكثر من رائعه وابعدها تمااااام اوووى
بس شويه والترنزيستور يسخن ويفصل او يتحرق


بالنسبه للتجفيف انا فكيت قطعه قطعه ونشفت جمبها وبعدين غسلت الشاسيه بثنر ونشفته بلهوت اير وكمان سبته طول النهار فى الشمس يعنى بقى تمااااام

انا غيرت الترنزيستور irf634a اكتر من مره بردو نفس المشكله

رجعت على كل الديودات والترنزيستورات الصغيره حتى ديود الدمب الى جمب الترنزيستور رجعت عليه


ياريت لو الرسم الفنى او حتى الدتا شيت الخاص ب j6815 او حتى رقم بديل يكون موجود فى السوق بس يكون مجرب انه بيشتغل مكنها

[الباسم.حسن يوسف]

بسم الله الرحمن الرحيم

أخى
فين الكلام الجميل والشرح الوافى ده من الأول
النت لا يساعد على معرفة الداتا الخاص J 6815 ولكن يمكنك
تجربة الترانزسيستور D 25 27 AZ وأخبرنى بالنتيجه

ملحوظه:
لاتأخذ سوى الطبعه التى سطحها يلمع فقط

[mizo2004]

بسم الله الرحمن الرحيم

بسم الله الرحمن الرحيم أخى فين الكلام الجميل والشرح الوافى ده من الأول النت لا يساعد على معرفة الداتا الخاص J 6815 ولكن يمكنك تجربة الترانزسيستور D 25 27 AZ وأخبرنى بالنتيجه ملحوظه: لاتأخذ سوى الطبعه التى سطحها يلمع فقط

بارك الله فيك اخى الكريم وجزاك الله خير

يعنى حضرتك توفقنى الرئى ان العيب فى الترنزيستور بس؟

حضرتك جربت البديل دا مكان الj6815 وشتغلت؟؟

حتى d2527az مفيش ليه دتا شيت

ان شاء الله هسال عليه بكرا وربنا يسهل ولقيه


وان شاء الله اكتب لحضرتك النتيجه

[mizo2004]

السلام عليكم ورحمه الله وبركاته
شكرا يا بشمهندس ركبت الترنزيستورD 25 27 AZ والحمد لله اشتغلت تمام

الف شكر لحضرتك

[الباسم.حسن يوسف]

اقتباس المشاركة الأصلية كتبت بواسطة mizo2004 السلام عليكم ورحمه الله وبركاته شكرا يا بشمهندس ركبت الترنزيستورD 25 27 AZ والحمد لله اشتغلت تمام الف شكر لحضرتك

بسم الله الرحمن الرحيم
أخى
الحمد لله على أنتهاء المشكله
وأعلم بأنك قمت بتركيب الترانزسيستور أول أمس ولكنك فضلت
عدم الرد حتى تطمئن على أدائها تحياتى اليك وشكرآ على المتابعه للأستفاده منها