[walled_hoopoo]

بسم الله الرحمن الرحيم

فى البداية احب اقول كلمة صغيرة لسادة الى حكمو على الكارت من غير ما يكون عندهم اى فكرة عن الكارت وياريت مانحكمش على الشئ من غير مانجربة.

س1 :- ما هو كارت الPC 3000 ؟

ج1 :- هو كرت PCI وظفتة الاساسية هى استرجاع الداتا من الهاردسك التالف

بس فى بلد زى مصر طبعا مفيش عطلة يعنى احنا بنصلح بية الهاردسك التالف مش مهم الداتا.

س2 :- هل الكارت دة عملى ؟

ج2 :- هو الكارت بصراحة عملى جدا بس على شان الشغل علية مش سهل زى ما الناس متخيلة يصبح الكارت فاشل لكن خد منى بقى
الحمد لله انا مستوايا فى الكارت مش بطال وبقول ان الكارت دة مش ممكن فى كل انواع الهاردسك.

س3 :- منين اشترى الكارت ؟

ج2 :- طبعا مفيش شركات كتير بتبيع الكارت دة فى مصر والسبب هو ان الكارت دة غالى جدا
وكمان مفيش فية ضمان لنة تصنيع محلى فى الصين يعنى (معمول فى الشارع)
بس انا بحب أقول كلمة صغيرة جدا ممكن تحسب الموضوع صح ازى اقولك ازى

* مثال بسيط فى شركة بتبيع الكارت دة بــ 2800 جنية بس بيقولك مفيش ضمان ومفيش دعم فنى ومفيش تعليم طيب

* مثال تانى بس ركز معاية

لما واحد يقولك شركة بتبيع الكارت بــ 3450 جنية وكمان

فى ضمان سنة (ضمان 11 شهر)
فى دعم فنى عربى (موقع عربى فى كل مايتعلق بلكارت )
فى تعليم على الكارت (خط ساخن)
وكمان قرص فية صيانة جميع انواع الهاردسك (وستيرن & ماكستور & سيجيت & الخ )
س4 :- لية انا بقول الكلام دة ؟

ج4 :- انا بقول الكلام دة لان لانة شاغل ناس كتير ومش عارفة تاخد القرار المناسب .

xxxxxxxxx

[طه الهوارى]

ولكن الاسعار دى غاليه جدا
بالمقارنه باسعار الهردات

[sadfriend]

جايز فعلا زى ما أنت بتقول يا وليد ان الكارت عملى بس سعرة غالى جداً على رأي أخونا طه يعنى انا مش هدفع 3450 جنيه عشان اصلح كل كام يوم هرد ولا حتى كل يوم هرد هو أنا بلاقى الفلوس فى الشارع ... بس لما اكون شغال علطول فى الموضوع ده وماسك مقولات كبيرة و طرد كامل وأتعامل معاه ... انا ممكن اشترى لأثنين مش واحد

[الكوتش]

يا ناس حرام هو الى بيموت بيصحى يعنى ادفع 4000 جنيه دول يجوزو واحد
دى اسهل حاجه عند الزبون يقلك اشترى هارد جديد

[Salah Elsayed]

السلام عليكم ورحمة الله وبركاتة

سؤال بسيط
هل الكارت الى فى الصورة هو دة الى حضرتك بتبعة ب 3450
؟؟؟؟؟؟؟

[NOOOOR]

نفس سؤال صلاح وياريت تجاوب عليه لانه لو دا هجيلك اخهد واحد

[mohammedhagag]

وأنا مع رأى صلاح ونور لأن الكارت اللى فى الصورة هو الكارت الروسى الأصلى
د/محمد حجاج

[الكوتش]

يا باشمهندس صلاح
وحتى لو هو الكارت هو يعنى العائد من وراه يستاهل والله ده اسهل حاجه دلوقتى عند العميل يقلك اروح اشترى هارد جديد
ومعتقدش حتى لو العائد مجزى ان الكارت يستاهل المبلغ الخرافى ده ده الموتسيكل الصينى ارخص منه
مع ان احنا عندنا عباقره ممكن ينفذوه بعشر التكلفه ولا ايه رايكم يا جماعه