فلتر مياه فيه هيتر بيبخر المياه شغال من سنين طويلة، فيشة الفلتر و لقمة البريزة اتحرقوا.
فكيت الفيشة لقيت السلك جوة الفيشة محروق و عمل ماس و فردة فصلت و شكل باقي الكابل متأثرش، بعد ما نضفت السلك و جربت الفلتر بفيوز اشتغل و قست اﻷمبير طلع 10 و السلك 2مم2 شكله نضيف و خدم سنين طويلة،يعني الحمل كده مش عالي و مفيش اي وصلة مهوية.
علبة البريزة السلك فيها برضه متأثرش.
البريزة جنب الحوض بس استبعدت يكون جت مياه علي البريزة لإن الماس حصل بعدها جوه الفيشة، و قلت ان السلك قدم و الرطوبة القريبة منه كلت العزل في الحته اللي حصل فيها الماس و بسبب المقاومة بين طرفين الماس سخنت اسرع و فصلت قبل باقي الخط ما يتحرق.
المهم غيرت الفيشة و اللقمة و اتحلت المشكلة.
مفيش شهر اتكرر نفس العيب بالضبط فقلت العيب مش هيخرج عن سبب من 4 أسباب:
- مياه سببت ماس في البريزة، و ده مستبعد لان السلك محروق و فاصل بعد البريزة جوة الفيشة.
- زيادة حمل الجهاز ، و ده برضه مستبعد لأن اﻷمبير مش عالي بالنسبة لحمل السلك.
- وصلة مهوية حرقت السلك و اتحرك بسبب الحرارة و حصل ماس، وده برضه مستبعد.
- الحرارة في محيط السلك عالية مع أمبير مش قليل و بالفعال السلك وضعه قريب جدا من جسم الفلتر اللي بيكون سخن جدا و هو شغال حسب ما قالولي و هو ده اﻹحتمال الوحيد الباقي.
و علي ذلك، طولت السلك و غيرت مساره بعيد عن الفلتر عشان أبعده عن السخونة بعد تغير الفيشة و لقمة البريزة.
سؤالي : اللي وصلت له تاني صيانة صحيح ولا فيه احتمالات تانية و حل تاني؟ و في اول صيانة كان صح لما فرضت ان السلك اتاكل من الزمن و الرطوبة ولا ده مش سبب كافي لحصول الماس ؟
ما هو سبب حصول الماس؟
