[عمروعمرو]

عندي مفتاح 6 اطراف، فيه 2 مشترك لكل مشترك طرفين، اوضاعه : كل مشترك موصل مع طرف يمين او كل مشترك موصل مع طرف شمال كما في الصورة.

ممكن استعمله مفتاح قلاب 2 فاز بحيث يفصل اللاين و الارث عن الحمل بس المفتاح حمله 16 امبير علي كل مشترك و انا عاوز استعمله مع حمل 32 امبير فهوصل الارث علي الحمل علي طول و اللاين هفرعه علي المشتركين.

السؤال ، تفرق طريقة توصيل اللاين علي المشتركات في التيار المار في كل فرع من المفتاح، يعني لو وصلت اللاين علي مشترك1 و كوبري الي مشترك2، يبقي لازم اخد الراجع من فرع 2 مع كوبري من فرع 1 علشان مقاومة المسارين تبقي واحدة و التيار يتوزع بالتساوي علي الفرعين 16 امبير علي كل فرع كما في الرسم؟

[عمروعمرو]

الخلاصة

[عمروعمرو]

مستني رأيك يا بشمهندس ماجد

[ماجد عباس محمد]

أخى الكريم هناك نقطتين فى هذا الموضوع
أولا ما يضمن لك تساوى التيار فى الوصلتين فمقاومة التوصيل تعتمد على الضغط الميكانيكى (زنبرك التحويل من وضع لآخر) و مساحة السطح و نوعه ( بعد اسبوع من التصنيع سيصدأ واحد أكثر من الثانى الخ) و القاعدة العامة فى الحياة أنه لا يوجد تطابق و الإختلاف أساس كل شيء فى الحياة
ثانيا بالتغاضى عن البند السابق فعند التوصيل يرتفع التيار تدريجا حتى يصل للقمة لكن عند الفصل و التيار بقيمته الكاملة ، لن يفصل التلامسان معا بل سيفصل واحد أسرع قليلا من الآخر تاركا الحمل كله على الثانى مما يجعله يفصل تيار أعلى بكثير مما هو مصمم له فكما تعلم شرارة القطع أسوأ أثرا من التوصيل لحدوث حرق
لذا لا ينصح بهذا لكن
لو أمكنك تقسيم الحمل على مسارين كل منهما على مفتاح سيكون هذا ممكن
هذا رباط يتحدث عن هذا
https://electronics.stackexchange.co...rrent-capacity

وهنا المواقع التى تتحدث عن السويتشات العادية و باقى الأنواع
https://www.google.com/search?client...UTF-8&oe=UTF-8

[عمروعمرو]

بما ان الرؤية ثبتت ان هذا اﻷمر مكروه فلا داعي له.

بس سؤالي: لو اضطرينا ينفع نحمل كل لقمة 75% مثلا من حملها و نكون ضمن حدود اﻷمان برضه ولا كده خرجنا برة حدود اﻷمان؟

اقصد لو زاد تيار التشغيل في لقمة يكون ضمن الحمل اﻷقصي و لو انطفئ القوس في لقمة قبل التانيه عند فصل الحمل و ينتقل الحمل كله علي اللقمة الباقية ويكون القوس بدا ينطفي فنكون في المعقول؟

فمثلا المفتاح ده 16 أمبير علي كل لقمة فلو شغلته 24 امبير يعني 12 امبير علي علي كل لقمة و فرعت اللاين علي اللقمتين ينفع؟

[ماجد عباس محمد]

المشكلة أنه عند الفصل ستفصل واحدة أسرع و يبقى الحمل كله على الثانية
فما يصير على مفتاح محمل بمرة و نصف المقنن له سيكون بصرف النظر عن هذا المفتاح هو جزء من ريلاى أو سكينة أو مفتاح عادى أو سمه ما شئت حتى لو كان Solid State relay فالخطر واحد

[عمروعمرو]

اسمحلي يا أستاذنا اعرض وجهة نظري و انت تصحح.

لو ان كل تلامس يستحمل 16 و انا محمله 12 امبير بس ، فعند الفصل واحد من التلامسين هيفصل اﻷول و يتنقل الحمل كله علي التاني فيصير حمله 24 أمبير ، بس هيكون التلامس اللي لسة موصل قرب نهاية مشواره و ده معناه ان مقاومته صارت كبيرة جدا زي لمبة النيون اكيد اكتر من 1ميجا في حين الفولت علي التلامسات مش هيزيد عن 220 .

حرارة القوس في هذا الوقت=مربع الفولت/ المقاومة = 220*220 / 1000000
يعني أقل من واحد وات.

انا فاهم ان الحساب اللي عملته محتاج قوانين تحدد العلاقة بدقة بين فولت و مقاومة للتلامسات بس هذا في حدود ما فهمته و ارجو منك المراجعة و التصحيح.

[ماجد عباس محمد]

الموضوع دة مشروح فى أماكن كتيرة لكن أغلبها انجليزى
المشكلة ليست 1 ميجا فى كذا
المشكلة أن الهواء يتأين وهذا ما معنى الشرارة و يتحلل كيمائيا لذرات نشطة تؤكسد التلامسات فتحترق

الريلايات المطلوب أن تتحمل الإساءة مع العمر الطويل تملأ بغاز خامل مثل النتيروجين حتى لا تكون الشرارة مدمرة
ولا أظن أن هذا يتناسب مع سكينة فى شقة لتوفير ثمن واحدة أكبر قليلا فنشترى واحدة أغلى من الإثنين