[عمروعمرو]

تشغيل تلاجة 60 هرتز علي شبكة الكهربا في مصر طبعا بصرف النظر عن شرا محول ذبذبة.

رجاء تدوني رأيكم مع العلم اني وضعت الموضوع ده في قسم الكهربا و مش في قسم التبريد عشان استفيد من خبرة أساتذتنا في الكهربا لأن الموضوع كله يخص الكهربا أكتر من التبريد:

1- سرعة الماتور هتقل بنسبة 50 : 60 يعني حوالي 20% بمعني إزاحة الفريون هتقل بنفس النسبة ممكن يضعف التبريد من البداية او لما تبتدي تظهر مشاكل مستقبلا.

2- التيار هيعلي بنسبة اقل من ال 20% بسبب نقص مفاعلة الملفات الحثية اما مقاومتها اﻷومية ثابتة ، فيسبب تحميص الملفات بدرى، لو فيه كباسيتور سوا تقويم علي التوالي مع ملف التقويم او تشغيل علي التوازي هيقلل الممانعة زيادة.

3- قوة الماتور هتزيد بسبب زيادة اﻷمبير بس هتتأثر من ناحية تانية بالنقص في قوة المجال المغناطيسي.

4- ريليه التقويم لو عادي ممكن يتأخر قليلا سقوط القلب بس هيسقط لان تيار التشغيل اقل بكتير عن تيار التقويم ، يعني مفيش تأثير طبعا مع احتمال ان عمره يتأثر بسبب زيادة اﻷمبير.

5- لو ريليه ptc نفس الشئ و مفيش تأثير و أيضا نفس الكلام علي اﻷوفرلود سوا كان ثيرمو دسك او ptc.

7- السخانات هتقل كفائتها شوية بسبب نقص التردد فممكن التبريد يتأثر لو ان زمن التسييح محدود.

8- اللوحة الالكترونية هيتأثر التايمر فيقلل زمن التشغيل و زمن التسييح لو كان زمن محدد، أظن باقي المكونات و السنسورات لا تتأثر؟

الخلاصة انه ممكن نجربها لو ان هذا ممكن فمش هتتحرق اول ما تشتغل مع قياس امبير الماتور و لو اشتغلت كام يوم يبقي ممكن تكمل بس مش هتعيش كتير ولا ايه رأي حضراتكم؟

و يا ريت لو اساتذتنا الكرام يسمح وقتهم بقوانين العلاقة بين التردد و الحرارة و بين التردد و القوة المغناطيسية اكون شاكر و لهم مني الدعاء و العرفان بالجميل.

[ماجد عباس محمد]

اقتباس المشاركة الأصلية كتبت بواسطة عمروعمرو تشغيل تلاجة 60 هرتز علي شبكة الكهربا في مصر طبعا بصرف النظر عن شرا محول ذبذبة. رجاء تدوني رأيكم مع العلم اني وضعت الموضوع ده في قسم الكهربا و مش في قسم التبريد عشان استفيد من خبرة أساتذتنا في الكهربا لأن الموضوع كله يخص الكهربا أكتر من التبريد: 1- سرعة الماتور هتقل بنسبة 50 : 60 يعني حوالي 20% بمعني إزاحة الفريون هتقل بنفس النسبة ممكن يضعف التبريد من البداية او لما تبتدي تظهر مشاكل مستقبلا.

تقل السرعة ممكن لكن التبريد لا أظنه يتأثر لأن عندما يصل الغاز للضغط المناسب ستفتح الصمامات أى انه ببساطة سيعمل لفترة أطول قليلا

2- التيار هيعلي بنسبة اقل من ال 20% بسبب نقص مفاعلة الملفات الحثية اما مقاومتها اﻷومية ثابتة ، فيسبب تحميص الملفات بدرى، لو فيه كباسيتور سوا تقويم علي التوالي مع ملف التقويم او تشغيل علي التوازي هيقلل الممانعة زيادة.

ليست لهذه الدرجة فلا تصمم الموتورات على الحرف و ألحد الأخير فعادة عند قيام أى موتور يسحب من 2 إلى 3 مرات تياره و عادة لو الثلاجة تحتاج حصان واحد لن يوضع لها حصان ولا حصان و ربع لأن سمعة الشركة هنا على المحك فلو اشتريت ثلاجة و اتحرق الموتور بعد 3 سنوات لن تشترى منها و ستحذر كل أصدقائك و معارفك منها - لا أظن الثلاجة ذات السمعة الطيبة تتأثر من هذا الأمر و إلا سيوضع تحذير واضح عليها فلست أول من يشترى من مصدر 60 و يستخدمها على 50 بل هناك ثلاجات من الستينات أمريكية و مازالت تعمل فى مصر

3- قوة الماتور هتزيد بسبب زيادة اﻷمبير بس هتتأثر من ناحية تانية بالنقص في قوة المجال المغناطيسي.

انت لا تشغل موتور على حمله الأقصى و الحمل هو الذى يسحب من الموتور و ليس الموتور هو الذى يحطم الحمل فأنت تضع موتور 2000 حصان فى قاطرة تستطيع جر قطار بضائع محمل ب40 عربة محملة ثم تقودة بلا عربات للمخزن ولم يشكو

4- ريليه التقويم لو عادي ممكن يتأخر قليلا سقوط القلب بس هيسقط لان تيار التشغيل اقل بكتير عن تيار التقويم ، يعني مفيش تأثير طبعا مع احتمال ان عمره يتأثر بسبب زيادة اﻷمبير.

لو تيار القويم 7.5 أمبير مثلا هل ستضع ريلاى 7.5 أمبير؟ أطن الشركات المحترمة تضع 25 أمبير على الأقل

5- لو ريليه ptc نفس الشئ و مفيش تأثير و أيضا نفس الكلام علي اﻷوفرلود سوا كان ثيرمو دسك او ptc. 7- السخانات هتقل كفائتها شوية بسبب نقص التردد فممكن التبريد يتأثر لو ان زمن التسييح محدود.

ما علاقة الأوم بالتردد؟ السخان ممكن يعمل على مستمر أو متردد

8- اللوحة الالكترونية هيتأثر التايمر فيقلل زمن التشغيل و زمن التسييح لو كان زمن محدد، أظن باقي المكونات و السنسورات لا تتأثر؟

هذا لو تعتمد الزمن من 50 ذ/ث لكن لو بها كريستال فلن تتأثر

الخلاصة انه ممكن نجربها لو ان هذا ممكن فمش هتتحرق اول ما تشتغل مع قياس امبير الماتور و لو اشتغلت كام يوم يبقي ممكن تكمل بس مش هتعيش كتير ولا ايه رأي حضراتكم؟ و يا ريت لو اساتذتنا الكرام يسمح وقتهم بقوانين العلاقة بين التردد و الحرارة و بين التردد و القوة المغناطيسية اكون شاكر و لهم مني الدعاء و العرفان بالجميل.

للأسف تفرق بحسب نوع الموتور لكن عموما هنا
https://www.google.com/search?client...UTF-8&oe=UTF-8

[عمروعمرو]

نبهتني أستاذنا لان الماتور مش شغال بحمل أقصي فهيتحمل زبادة الامبير بنسبة حوالي 20 % لحين يبدأ النظام يضعف و الماتور يشتغل فترات أطول و حمله يكون أعلي.

و أنا فعلا شفت كباسات في مصر 50/60 هرتز و الفرق في قدرة التبريد فمثل حسب ما أذكر قدرة التبربد 180 وات عند 60 هرتز و 150 وات تبريد عند 50 هرتز و أظن هذا يرجع لان الكباس يخص التلاجات الصغيرة التي بها أنبوب شعري فهيرفع الضغط في الفريزر لإن إزاحة الغاز قلت بسبب قلة سرعة المحرك.

بس فيه سؤال أستاذنا ممكن التايمر اللي بيعتمد علي الذبذبة يتغير بكريستالة؟

و الحرارة الناتجة عن 1 أمبير 220 ف مستمر تساوي الحرارة الناتجة عن نفس اﻷمبير و الفولت متردد علي أساس ان الفولت rms للتيار المتردد بيكون أعلي بمقدر جذر 2 ؟

[ماجد عباس محمد]

اقتباس المشاركة الأصلية كتبت بواسطة عمروعمرو بس فيه سؤال أستاذنا ممكن التايمر اللي بيعتمد علي الذبذبة يتغير بكريستالة؟

كل شيء ممكن لكن تحتاج البحث عنه و معرفة وصلاته مع النظام ثم توفر آخر يعطى نفس الوصلات

و الحرارة الناتجة عن 1 أمبير 220 ف مستمر تساوي الحرارة الناتجة عن نفس اﻷمبير و الفولت متردد علي أساس ان الفولت rms للتيار المتردد بيكون أعلي بمقدر جذر 2 ؟

طبعا الإثنين متساويين
أكيد درست فى أساسيات الكهرباء من أين تم حساب جهد 220 متردد و كيف سمى هكذا و كيف حسب

ببساطة لأنه يعطى نفس استهلاك الطاقة الكهربية

[عمروعمرو]

بما ان الحرارة الناتجة عن مرور تيار الكهربا بتتناسب مع الوات ، إزاي رفع الجهد بيوفر في مقطع الكابلات؟

[ماجد عباس محمد]

لو تريد نقل 100 ك وات من ا الي ب
لو تبعت 100 فولت تحتاج مقطع يتحمل 1000 امبير
ولو رفعت الفولت الي 10 كيلو فولت تحتاج مقطع يتحمل 10 امبير فقط

[عمروعمرو]

لو الجهد 100 ف و التيار 1000 أمبير:

نفرض فاقد الجهد في الكابل 1% يبقي يساوي 1 ف و يبقي فاقد القدرة في الكابل =
1ف * 1000 أمبير = 1 ك.ف.ا


لو رفعنا الجهد ل 10000 ف و التيار بقي 10 أمبير :

فاقد الجهد 1% كما هو هيبقي 100ف و يبقي فاقد القدرة في الكابل=
100ف * 10 أمبير = 1 ك.ف.ا

هذا معناه نفس الحرارة الناتجة عن مرور التيار و مع ذلك بنستخدم كابل مقطعه أقل طبعا، فهذا أعرفه ، بس بحاول أفهم سببه.

[ماجد عباس محمد]

لا تفرض قيم ثم تحاول التبرير

أنت تريد نقل 100000 وات فلو 100 فولت ستحتاج نقل 1000 أمبير يمكنك فرض 4 مللى لكل 1 أمبير طبقا للمواصفات يعنى 250 مم2 أو قطر 18 مم و سيكلفك مال ثمنا للكابل و مال آخر لكون الكابل ثقيل الوزن و يحتاج حوامل لأوزان ثقيلة ثم تحسب مقاومة السلك للمسافة فتعلم أن الفقد سيكون مربع التيار مضروبا فى مقاومته و ليكن ما يكن أى 1000*1000* المقاومة
إن كان الفقد عاليا إما تزيد مقطع الكابل و ترفع ثمنه و ثمن أبراج النقل الخ أو ترفع الفولت إلى 200 فولت فيقل التيار للنصف و على ذات الكابل السابق 250 مم سيقل الفقد للربع أو تستمر فى الرفع للفولت فيقل التيار و يمكنك ذلك من اختيار كابلات أقل فى المقطع و الثمن و الوزن وثمن الابراج الخ
انت لا تثبت الفولت بين المصدر و الحمل فأنت لا تتصرف فى مقاومةالسلك بل هى مفروضة عليك بحكم مساحة المقطع و الطول و الخامة المستخدمة.