[mohammed_sayed]

عندي موتور عصارة غسالة نص اوتوماتيك قدرة 60 وات احترق و اردت ان اعيد لفه فوجد ان عدد لفات التشغيل في كل قطب 400 لفة سيان التقويم او التشغيل مع العلم ان كل من التقويم و التشغيل اربع اقطاب اذا عدد لفات الشغيل كلها مساوي لعدد لفات التقويم و من غير قياس فان السمك قريبا مساوي ايضا فهل هذا صحيح او اني اخطأت في شئ حيث ان معلوماتي ان مقاومة التقويم تكون اكثر من التشغيل و في هذا الموتور فانهم متساوون

[Ahmed Elbhiry]

الموتور ده يصلح للعمل كموتور غسيل
يعمل على الاتجاهين بغير طرف التيار على المكثف
بمعنى كلا الملفين يصلح تشغيل او تقويم
لفه عادى ولاتقلق

[mohammed_sayed]

ده موتور عصارة انا متاكد و القدرة بتاعته 60 وات صغيرة جدا علي موتور غسالة
انا حسبت اللفات بالقانون لاقيتها 450 لكل قطب يعني اقل من الواقع ب 50 لفة

[Ahmed Elbhiry]

لف العدد كما أخذته من الموتور

والتزم بقطر السلك والعدد
ودعك من الحسابات

[mohammed_sayed]

انا خايف ليكون الموتور متصمم غلط لانه صيني و ممكن يكونوا بيوفروا سلك عشان السعر يرخص و يكون بيسخن من الشغل المتواصل لاني قرات ان العدد ممكن يقل 20 في المية عن الحسابات بس الموتور يسخن لو اشتغل كتير

[Ahmed Elbhiry]

أسأل الزبون الموتور شغال بقاله عمر كام لو عمر معقول لفه

وتوكل على الله ولو عمره قصر اسأل عن الأستعمال ممكن يكون

الزبون بيملأ العصارة ملابس غير مفروده (بعد عصرها باليد) أما

اذا كان الموتور عمره قصير مع الاستعمال الصحيح غير الموتور

[mohammed_sayed]

عموما جزاك الله خير علي الاهتمام و سرعة الرد و حقيقي ده ذوق عالي منكم
انا صاحب الموتور و انا هاوي و ليس محترف ثمن الموتور جديد اصبح 165 جنيه و ثمن لفه ممكن يوصل ل 60 جنيه بس ده الدافع الاساسي ورا اصلاحه اما استعماله فهو 3 شهور فقط بعدها كاوتشه العصارة جابت ميه و الموتور قطع ملفات التشغيل لما فورته لاقيت السلك بتاع التشغيل كله ملف واحد مفيهوش وصلات فيبقي الميه معملتش فيه قفلة فغالبا هو اتحرق من سخونية استخدام

[Ahmed Elbhiry]

جزانا وجزاك الله كل خير
بالتوفيق