[عمروعمرو]

ميكروويف دايو ، فيه صوت عالي، فكيت الماتور الصوت زي ماهو، الصوت زي ما يكون زنة و صوت رفة، المروحة متثبتة بمسمار معقول و بتلف بسهولة، السلوك ثابتة معقول، الجهاز بيسخن الاكل مفيش مشاكل، بس خايفين تحصل مشكلة بسبب الصوت ده، رجاء الرأي و النصيحة.

[ماجد عباس محمد]

معروف عن فرد الميكروويف انه ليس صامتا وهو به محول 1 ك وات على الأقل و دائرة توليد جهد عالى و ماجنيترون به مغناطيس قوى جدا لتوليد ترددات ميكروويف و مروحة تبريد قوية أيضا لذا غالبا سيكون هناك صوت من هذا المحول و المولد و المروحة
اسأل الوكيل أو من لديه جهاز مثيل إن كان هذا الصوت طبيعى فتقبل الأمر
أما لو كان أعلى من الطبيعى فتوجه به للوكيل للصيانة

[عمروعمرو]

صباح الخير يا بشمهندس ماجد 😊.

قبل كده كان الصوت اهدي، انا باقول غالبا بدأ يقدم و صوت الرفة بيجي من المروحة عند السرعة العالية او من المحول صوت الزنة بسبب ان العزل بدا يضعف.

المروحة ممكن اجربها لوحدها و هي راكبة مكانها في الشاسيه و اشوف الصوت. بس بالنسبة للمحول ينفع اوصله فولت علي الدخل من غير حمل علي الملف الثانوي عشان اشوف صوت الزنة منه ولا لا؟

عموما بالشكل ده يستحسن الجهاز يتساب زي ما هو بما ان الصوت في المعقول مش مزعج؟

بالنسبة للمولد بصراحة مش عارفه و لو فيه صوت ايه سببه و اذا كان يتساب ولا يتعمله صيانة او يتغير لو يضر اجزاء تانية؟

اظن الماجنترون ميسسبش الصوت ده؟

[ماجد عباس محمد]

الماجنيترون عادة لا صوت له لكن لو المستمر الذى يتغذى منه ناتج من تقويم موجة كاملة للمتردد 50ذ/ث بدون فلتر قد يسبب هذا الزن

غالبا الزن من المحول نتيجة التحميل و يمكنك التأكد ببساطة بتشغيل الميكروويف على 50% فهو بذلك يعمل نصف الوقت و يتوقف نصف الوقت ربما 30 ثانية ثم 30 ثانية أو اكثر بحسب نوعه
يمكنك تمييز الزن فى هذه الفترات ولو الجهاز مفكوك ستعرف الزن من المحول أم ماذا

[عمروعمرو]

اظن النوع ده مفيش فيه التشغيل ٥٠٪، فيه مفتاح start و stopو انواع الاطعمة اللي بيحدد زمن التشغيل بس.

قرأت في الموضوع ده
http://www.qariya.info/vb/showthread...=23171&page=20
ان الدايود الخسران ممكن يعمل صوت زمزمة ، فبما ان المحول و الدايود و الماجنترون بيشتغلوا في نفس الوقت مش عارف ازاي احدد مصدر الصوت.

لأني خايف لو الدايود او الماجنترون خسر يفتح دايرة الملف الثانوي في الترانس و يحرق الملف الابتدائي، او ان الملف الابتدائي لو حصل فيه شورت سركت يحرق الكارتة.

فإذا كان مش هيحصل كده يبقي مفيش داعي للقلق و لما جزء يخسر نغيره.

ولا نقولهم يودوا الجهاز التوكيل و هم ادري بأجهزتم؟

[ماجد عباس محمد]

الدايود التالف سيسبب قصر و يضرب الفيوز لو كان هو شورت
أما لو تالف بكونه فاصل فالماجنيترون لا يعمل لغياب الجهد العالى
المكثف لو به انتفاخ يعنى انه تالف و يجب تغييره
من قال أن فصل المحول الثانوى يتبف الإبتدلئى فى المحول؟؟؟
لو تريد اختبار المحول افصل اطرافه ثم صل طرفى 220 فولت بالتغذية فإن لم يسبب زن اتركه نصف ساعة فى الكهرباء، لو سخن بدون حمل يبقى فيه مشكلة و يودوه التوكيل أحسن

[عمروعمرو]

كتر خيرك يا بشمهندس ماجد ،و لو سمحت بسؤالين كمان :

١- فيه طريقة لقياس جهد الخرج لهذا المحول ؟ و القدرة؟ و فيه خطر لو ان المحول بيزن او يسخن علي الكارتة مثلا ولا ممكن يتساب علي حاله بما ان الجهاز بيأدي وظيفته؟

٢- بالنسبة لل٢٢٠ف بحسب سعة المكثف عن طريق توصيل ال ٢٢٠ علي المكثف و تطبيق القانون:
سعة المكثف = التيار *٣١٨٠ / ٢٢٠ ، ممكن احسب بيها سعة هذا المكثف مع تغيير ٢٢٠ بجهد خرج المحول؟

[ماجد عباس محمد]

خرج هذا المحول من 1500 فولت إلى 2500 و معه دائرة مضاعف فولتية لتغذية الماجنيترون
احترس فالجهود و التيارات خطيرة جدا و المكثف إما تالف أو سليم ولا أظن انه سيغير قيمته
الدايود أيضا سيكون قصر أو سليم ولا اظنه سيكون بين بين
سيكون من الصعب تحميل المحول لإختباره
يمكنك تشغيله و ملاحظة هل الزن من المحول أم هناك أشياء أخرة غير مثبته جيدا