[grand]

الثلاجة دي اتشحنت اكتر من ٦ مرات في اقل من سنه واخر شحنه كان من اسبوعين وكنت مغير الماتور بواحد جديد زانوسي ثلث حصان وغيرت الكابلري بكابلري 036 ونظفت الدايره من الزيت اللي كان فيها اصلها كان فيهازيت بلاك اسود لحمت وشحنت وفصلت ثيرموستات كذا مره ومشيت
بعد اسبوعين كلموني لقيت الثلاجه مش مشمعه غير ملف واحد والامبير منخفض والضغط تفريغ ١٥ قولت هاخد الثلاجه عندي واختبر التنفيس لقيت كل حاجه تمام مفيش تسريب شحنت ونظفت تاني واشتغلت وفصلت ثيرموستات قولت اشيل الفيشه من بالليل للصبح حطيت الفيشه تاني يوم لقيت الضغط تفريغ ١٥ والشبكه بارده
سخنت علي المبخر والفلتر الشبكه بدائت تسخن والكويل شمع كله والضغط بقي تمام
ياتري ايه سبب السده دي وهل لو وديت الثلاجة علي كده ممكن تعمل مشكله تاني ارجو الرد بالله عليكم محتاج مساعتدكم

[عمروعمرو]

شوف ياباشا، السدد مش هيخرج عن رطوبة او زيت بيخف و يتحرك مع التسخين.

فرأيي معلش اعملها فاكيوم تاني و استني عليها ساعة مثلا لو الضغط زاد يبقي ممكن رطوبة لان الفاكيوم -٣٠ بيبخر الرطوبة فبترفع الضغط و تغشك انها تنفيس.

لو كان كدة لازم الرطوبة تطلع خالص .

لو فضل الضغط زي ما هو و ده الحتمال الاقرب يبقي فيه زيت لسة في الكويل، حاول تنضفه كويس.

لو مفيش فايدة ينضف غيرّ الكويل و امرك لله.

معلش انا عارف المواقف دي بس شد حيلك و ان شأ الله تخلص علي خير.

[grand]

اقتباس المشاركة الأصلية كتبت بواسطة عمروعمرو شوف ياباشا، السدد مش هيخرج عن رطوبة او زيت بيخف و يتحرك مع التسخين. فرأيي معلش اعملها فاكيوم تاني و استني عليها ساعة مثلا لو الضغط زاد يبقي ممكن رطوبة لان الفاكيوم -٣٠ بيبخر الرطوبة فبترفع الضغط و تغشك انها تنفيس. لو كان كدة لازم الرطوبة تطلع خالص . لو فضل الضغط زي ما هو و ده الحتمال الاقرب يبقي فيه زيت لسة في الكويل، حاول تنضفه كويس. لو مفيش فايدة ينضف غيرّ الكويل و امرك لله. معلش انا عارف المواقف دي بس شد حيلك و ان شأ الله تخلص علي خير.

انا والله نظفت الدايره جامد نظفت الكويل كله بالهواءضغطه بالهواء حتي ضغط ٣٦٠ psi وضغط الشبكه برضوا بالهواء ورجعت تاني ضغط الكويل تاني بفريون ٢٢ بسائل وطلع السائل بدون اي شوائب وبرضوا الشبكه ضغطه بفريون ٢٢ بسائل برضوا وركبت الكويل ولحمت الفلتر وعملت فاكيوم بطلمبه لمده ٢٠ دقيقه وشحنت الثلاجة بالوزن واخدت حوالي ١٢٠ جرام زي المكتوب عليها واشتغلت يوم وفصلتها من بالليل للصبح وجيت اشغلها لقيت العداد بيقرأ فاكيوم ١٥ تحت الصفر سبتها شغاله شويه الضغط ثابت برضوا تفريغ فتحت الباب وسبتها شغاله برضوا الضغط بيقرا تفريغ فصلت الثلاجه الضغط زاد وبقع حوالي ٢٧ psi سخنت علي الفلتر والفريزر ودخول الكابلري وشغلت لقيت الدنيا ظبطت والشبكه سخنت
بصراحة انا مليت من الثلاجةدي وقولت اوديها علي كده لصاحبها وفعلا وديتها وقولتله متشغلهاش غير بكره الصبح فهل ممكن تعمل المشكله دي تاني ولا اطمن انها باذن الله هتشتغل اصل انا بصراحه بقي شكلي وحش خالص قدام الزبون وقالي لو باظت تاني مش هصلحها وانا والله عملت كل حاجه صح ولدرجه ان شحنها المره دي وكلفت ومطلبتش منه فلوس يارب حد وقع معاه نفس المشكله يرد عليا ويقولي انا اخطأت في ايه ماتور جديد شبكه جديده كابلري ٠٣٦ جديد مفيش غير الكويل هو بتاع بلاده انا اخطأت في ايه يامهندسين

[عمروعمرو]

ضغط ٢٧ و التلاجة واقفة قليل ، يتهيألي كان اعلي من كده اول ما شحنتها، و انت بتقول مفيهاش تنفيس ، فهي فعلا مشكلة غريبة،و كانت حصلت لي مرة ان تلاجة ايديال ٨ قدم القديم و كانت كل ما اشحنها تشتغل يومين و تدفي، الاقيها عاملة فاكيوم، و لما اوقفها الاقي ضغط التعادل قل بدرجة كبيرة عن آخر مرة شحنتها، المهم اتأكدت ان مفيش فيها تنفيس في الدايرة كلها و من بلف الشحن، ثم زودتها فريون فاشتغلت كام يوم و تاني و تاني، رأي سيبها و ربنا يعوض عليك.