[( أبو محمد )]

السلام عليكم
وكل عام وأنتم بخير
عندى مروحتين صينى ستاند فيهم عيب مكرر ( أعنى بيتكرر كل شوية )
وهو
المروحة تكون شغالة تمام لساعات وفجأة تتوقف وتسخن جدا والموتور يزن
أقوم بفكها فأجد الريشة ثقيلة وعند وضع الزيت المعدنى على بداية العمود الدوار تعمل المروحة تماما ويتكرر العطل بعد ساعات
قمت بفك الموتور قبل وضع الزيت فوجدت عند الجلب مادة تشبه الزفت سوداء
وهى التى تعوق الحركة فنظفتهاوغيرت الجلبتين ووضعت زيت معدنى فاشتغلت تمام والجلب القديمة تمام مفيهاش أى بوش
إلا أن المروحة بعد ساعات توقفت لنفس السبب وهو وجود هذا الزفت الصمغى مكلبش الجلب فى العمودفمن أين تأتى هذه المادة السوداء ؟؟
وما الحل
والمشكلة دى فى المروحتين
أرجو المساعدة ساعدكم الله

[Ahmed Elbhiry]

فك المروحة ونظف الاكس والجلب جيداً
مع غسل مادة اللباد الموجود حول الجلب بالبنزين
وزيت بزيت 50 موبيل او شيل
هتبقى تمام ان شاء الله

[( أبو محمد )]

اقتباس المشاركة الأصلية كتبت بواسطة Ahmed Elbhiry فك المروحة ونظف الاكس والجلب جيداً مع غسل مادة اللباد الموجود حول الجلب بالبنزين وزيت بزيت 50 موبيل او شيل هتبقى تمام ان شاء الله

بارك الله فيك أخى الكريم

هجرب وأخبركم
وقال لى أحد الفنيين أن المادة السوداء اللى بتكلبش الجلب فى الأكس دى ( من الورنيش اللى على الملفات ) لكن مش عارف أعمل لها إيه

[مسلم11]

اضافة لماقاله الاخ احمد البحيري .
ان الباك او مكان دخل المحور الدوار الذي يدير الشفرات مصنوع من الحديد المطاوع قم بتغييره وضع بدلا منه باك من النحاس الكربوني او المشبع بالزيت وتجد هذا الباك في اماكن تصليح كهرباء السيارات .
المادة التي تراها هي برادة حديد محروقة احضر مغناطيس وانظر .
ويبقى الباك النحاسي احن على المحور و خاصة ان النحاس يفرز زيتا كلما ارتفعت درجة حرارته .
اهلا وسهلا بكم جميعا .

[Ahmed Elbhiry]

اقتباس المشاركة الأصلية كتبت بواسطة ( أبو محمد ) بارك الله فيك أخى الكريم هجرب وأخبركم وقال لى أحد الفنيين أن المادة السوداء اللى بتكلبش الجلب فى الأكس دى ( من الورنيش اللى على الملفات ) لكن مش عارف أعمل لها إيه

للاسف ان الجلب فى اغلب المراوح ليست جرافيت حر بل يضاف اليها نسبة
من الحديد والمادة السودة بتيجى من صدا الحديد وزيت محروق
لو تقدر تغير الجلب بجلب جرافيت حر (لا يجزبها المغناطيس) مشكلتك سوف تنتهى

[( أبو محمد )]

اقتباس المشاركة الأصلية كتبت بواسطة Ahmed Elbhiry للاسف ان الجلب فى اغلب المراوح ليست جرافيت حر بل يضاف اليها نسبة من الحديد والمادة السودة بتيجى من صدا الحديد وزيت محروق لو تقدر تغير الجلب بجلب جرافيت حر (لا يجزبها المغناطيس) مشكلتك سوف تنتهى

والله يا أخى أحمد --- تفسيرك وتحليلك تمام وينهى الحيرة
فعلا الزفت ده من الزيت المحترق ومادة اخرى من حديد الجلبة أو العمود

[( أبو محمد )]

اقتباس المشاركة الأصلية كتبت بواسطة مسلم11 اضافة لماقاله الاخ احمد البحيري . ان الباك او مكان دخل المحور الدوار الذي يدير الشفرات مصنوع من الحديد المطاوع قم بتغييره وضع بدلا منه باك من النحاس الكربوني او المشبع بالزيت وتجد هذا الباك في اماكن تصليح كهرباء السيارات . المادة التي تراها هي برادة حديد محروقة احضر مغناطيس وانظر . ويبقى الباك النحاسي احن على المحور و خاصة ان النحاس يفرز زيتا كلما ارتفعت درجة حرارته . اهلا وسهلا بكم جميعا .

الله ينور عليك كده تماااااام
وهذا الباك نسميه فى مصر ( جلبة )
لكن الجديد الذى عرفته من حضرتك هو إن النحاس الكربونى وهو ما نسميه عندننا بمصر ( الجرافيت ) يفرز زيتا كلما ارتفعت درجة حرارته
مرة أخرى أقول : الله ينور عليك
وشكرا جزيلا على المعلومة