في عطل شائع جدا في ماكينات موديلات 35 أو ال45 صوره
وهو ظهور علامة حبر بالرغم من وجود حبر في الزجاجه وسكة وصول الحبر للتانك سليمة وممكن يكون تانك الديفولبر كمان مليااااان حبر
العطل ده زئيب أوبح وفيه لف ودوران كتيررر
هتكلم في البوست ده عن طريقة تسكينه عشان تعرف تشتغل بالماكينة عشان حله نهائيا لفه طويله والوقت مش هيساعدني
وانت كمان ممكن يكون مفيش وقت عشان تحله نهائيا وعايز تشغل العميل على ما يتوفر الوقت او حتى بالتليفون تخليه يشغل نفسه
اولا العطل ده بيكون تهيس في الماكينة لعدة اسباب هنتكلم فيها باستفاضه في بوست تاني
طريقة التسكين بقى :
ادخل على برنامج 2208 هتلاقي الرقم اللي موجود قدام 0 خليه 1
وبعدين ادخل على برنامج 2209 هتلاقي الرقم اللي قدامك 60 خليه 150
وخلي بالك ان اللي انت عملته انك لاغيت علامة الحبر ولو الحبر خلص من الزجاجه الصورة هتفضل تبهت وعمرها ماهتجيبلك علامة حبر عشان كده الموضوع ده لازم يكون مؤقت مش دايم ولازم تفهم العميل ان لو الصورة بهتت يبص على زجاجة الحبر ويملاها ويعمل تقليب حبر في حالة انها وصلت لبهتان شديد عشان يعرف يشتغل
برنامج تقليب الحبر 2207 وعارف انكم عارفينه بس للتذكره فقط
يلا تصبحوا على خير
ادخل على صفحة
صيانة ماكينات تصوير المستندات
هتلاقي صورة البروفايل باسم المهندس
وفي الصفحه هتلاقي التكمله بتاعة حل عطلك واعطال شايعة كتير هتقابلك
https://www.facebook.com/pages/%D8%B...08225332546462
لو اللينك عطلان اعمل سيرش في الفيس باسم الصفحه
صيانة ماكينات تصوير المستندات
علامة احتياج الحبر
