[محمد جابر مصطفي]

اخواتي مهندسين الصيانة :
اكيد بيقابلك كتير العطل الغلس بتاع 350 و355 و352 واخوهم بس مش توأمهم 990 في الموديلات 35 و 45
وكتير من اخواتي المهندسين بيكون تصرفهم مع العطل ده اخر ماغلبوا انهم يلغوا حساس قراءة الحبر في تانك الديفولبر عن طريق برنامج 2208
العطل ده بقى بالزات عايز كلام كتير هنخليه على جزئين
الجزء الاول :هي الماكينة بتعرف ازاي ان نسبة الحبر في تانك الديفولبر قليلة ولا كتيره ؟
والجواب هو عن طريق حساسين
1- حساس قراءة نسبة الحبر في تانك الديفولبر TD SENSOR
2- حساس قياس كثافة الحبر على سطح الدرام ID SENSOR
والحساسين دول هما الوسيلة الوحيدة اللي الماكينة بستخدمهم عشان تتحكم في نسبة نزول الحبر من الزجاجة لتانك الديفولبر
ملحوظة " في نظامين للتحكم في عملية نزول الحبر من الزجاجة للتانك
1- الاتوماتيك " عن طريق استخدام الحساسات اللي ذكرناها فوق
وده بيكون في حالة ان 2208 =0
2- اليدوي " وده انت بتحدد نسبة نزول الحبر على مدار الثانية
وده بيكون في حالة ان 2208 = 1
حلو كده بناءا عليه لو انت بتستخدم النظام اليدوي فانت اللي بتحدد الكمية اللي هاتنزل من الزجاجه كل ثانيه فالماكينة معندهاش مشاكل في كده حتى لو انت النسبة اللي محددها كتيره وسببت سواد في الورقة برده الماكينة معندهاش مشكله وهتفضل تنزل الحبر زي مانت محدد
اما بقى لو انت بتستخدم النظام الاوتوماتيك فهي بتعتمد على الحساسات اللي قولنا عليها في انها تحدد هتنزل حبر من الزجاجه دلوقتي وقد ايه وكده
طيب لو في حساس من الاتنين مش بيدي قراءه أو بيدي قراءة متفاوته في وقت صغير أو حساس منهم بيقرأ نسبة الحبر في التانك كبيره والتاني بيقرأ كثافة الحبر على سطح الدرام قليله
ساعتها الماكينة مش هتعرف تنزل قد ايه حبر وتعتمد على اي حساس فيهم وساعتها يظهرلك عطل من الاعطال السابقة عشان انت تفهم ان نظام التحكم في نسبة نزول الحبر فيه مشكله وان الماكينة مش هتقدر تاخد قرار في نسبة نزول الحبر الا لما سيادتك تصلح المشكله
اسف للتطويل وده كان الجزء الاول من الكلام ولو مقمتش اتسحرت دلوقتي أهلى هيرموني من البلكونه عشان بقالهم كتير بينادولي
سحور سعيد وشهر اسعد ان شاء الله واتمنى انه يكون بفايده واشوفكم في في البوست اللي جاي ان شاء الله
لمتابعة الجزء الثاني المحتوي على طرق حل العطل
https://www.facebook.com/pages/%D8%B...08225332546462