[محمد جابر مصطفي]

للمهندسين اللي بيشتغلوا في الماكينات الريكو 2022 أو 3025 أو 3030 أو اي موديل على نفس الشكل :
أيه أكتر مشكله بتقابلك في الموديلات دي ؟
عارف تروس تانك الديفولبر
تركب طقم التروس من دول ولو ربنا كرمك واشتغل ومعملش معاك مشاكل القفش والذي منه تروح تلاقي العميل بيكلمك وتسمع المقوله المشهوره
"أنت مكملتش لا خر الشارع والعيب رجع تاني "
بص ياسيد المهندسين
اول شئ لازم تفهمه كويس انك لو ركبت طقم تروس وبعد ماتقفل مجموعة الدرام على تانك الديفوبر وتقفل مساميرك وجيت تلف الجلبة اللي بتلف التروس وتلاقيها قافشه مع انك لسه مجربها قبل ماتقفل مجموعة الدرام على التانك اعرف ان في أكس معوج
وطبعا مفيش غير أكسين بس في تانك الديفولبر الاكس بتاع رول مجناتك "اللي بيركب فيه الترس النحاس" وده الاحتمال الاكبر
والاكس التاني اللي بيكون في cover التانك وده احتمال ضعيف شويه
المهم لو في اكس فيهم مايل متحاولش تعدله وغيره عشان تريح دماغك
تاني شئ لازم تعرفه الاسباب اللي بتخلي التروس تتكسر من الاساس
اول سبب انك ياهندسه لما بتركب التروس مش بتشحم الاكسين اللي فاتوا وبالتلي لو كل حاجه زي الفل وشغاله العمر الافتراضي مش هيعدي 20000 ورقة
تاني سبب لتكسير التروس تسريب الديفولبر اللي بيحصل من التانك لعلبة التروس والتسريب ده ممكن يحصل حتى لو انت عامل احتياطاتك
ومشكله التسريب بالزات انه مش بيسبب تكسير التروس بس لا ده غالبا ما هيكسر اكس cover التانك وهيعوج اكس رول مجناتك
واحسن اجراء ممكن تعمله عشان العمليه متوصلش للخراب ده انك تخرم قاعدة التانك من تحت التروس عشان لو حصل تسريب لعلبة التروس التسريب ده يتسرب للماكينة وده هينتج عنه مشاكل اقل بكتير من تكسير التروس ان الماكينة هتتوسخ والديفولبر هينقص شوية صغييرررررين اوبح
وكقاية عليكم كده دلوقتي عشان الحق اناملي ساعتين ولو حد مهتم انه يعرف بقيت الاسباب يعمل لايك عشان احس ان الكلام ده في حد غيري بيقراه مش قاعد في صحرا ,,,,, ومتنسوش دعوه حلوه لاخوكم اللي بيطلع اسرار المهنه محبه في اخواته لمزيد من الاعطال الشائعة في موديلات الريكو
https://www.facebook.com/pages/%D8%B...08225332546462