[taha emara]

بسم الله الرحمن الرحيم

اقدم لكم مشروع جديد للراسبيري باي عبارة عن مشغل ملفات mp3 عن طريق الفلاشة مباشرة زي الموجودة في التكتك وتسجيلات العربيات ,الجهاز شكله بسيط ودي كانت رؤيتي المبدئية له لكن الموضوع كبير نوعا ما.عارف ان ممكن يكون في ic or soc or boc بتعمل الكلام دا لكني قررت ان انفذه بالسي كاملا على الراسبيري باي ,وبحثت ملقتش حد نفذ الموضوع دا على الراسبيري باي .

عمل المشروع باختصار :
المشروع – البرنامج -شغال في ثلاث مسارات"threads"
اول thread بتعمل scan لو لقى فلاشة موجودة في احد usb ports يتنور ليد ولو العكس يطفئ الليد
تاني thread لو لقي الفلاشة موجودة يعرف مسار الفلاشة وبعدين يرسله لدالة تعمل scan لكل الملفات ال mp3 و تحفظ كل ملف بمساره في vector وبعدين يشغل اول ملف موجود في ال vector تلقائيا.
وتالت thread مسئولة عن ازرار التحكم اللي هي واحد للوقف والتاني لتشغيل الملف التالي.ان شاء الله في التطوير القادم ساضيف ازرار اخري لل fast forward and fast backward وغيرها ....

المكتبات المستخدمة في المشروع :
:libusb
مكتبة كبيرة للتعامل مع اجهزة usb بصفة عامة وانا استخدمتها علشان اعرف اذا كانت الفلاشة موجودة او مش موجودة واعرف مسارها .
wiringPi:
للتحكم في ال GPIO بالسي
pthread:
مكتبة بتمكني ان اعمل البرنامج بتاعي multithreading يعني اقسم البرنامج بتاعي لاقسام كل قسم كانه شغال في endless while loop وطبعا مكتبة كبيرة ومحتاجة فهم .

المكتبات المطلوبة قبل تشغيل البرنامج :
Sudo apt-get install mpg321
Sudo apt-get install libusb-1.0-0-dev
وتسطيب مكتبة ال wiring Pi موجود في الرابط دا
http://wiringpi.com/download-and-install/

ودا فيديوا بجرب فيه المشروع :
http://youtu.be/bORdOhtCSYQ

ودا رابط الكود على github:
https://github.com/emara-geek/raspberry-pi-mp3-player

حاولت بقدر المستطاع ان اشرح الكود خلال التعليقات .....
منتظراسئلتكم واستفساراتكم .....