[abdo1992]

السلام عليكم ورحمت الله وبركاتة .

انا كان مطلوب مني عمل غواصة ROV مشروع في الكلية ومشطرتين عليا اني اعملها من غير ميكروكنترول اعملها ال(logic gates) والمشكلة ازاي اعمل communcation بين الuser والغواصة .
انا تقريبا هحتاج ارسل 16 bit .وهستقبل اشارة من الكاميرة هوصلها علطول بالكمبيوتر .

المشكلة في الاتي :

1 : احول الداتة من parallel ot serial و العكس واتوقع المشكلة دة ممكن تتحل بال register .

2 : ازاي اعمل latch للداتة بعد كل 16 بيت وازاي اوفق بين الكلوك بتاعت كل واحد .

3 : طريقة التوصيل الكبل يعني هل مثلا استخدم max485 وابعت سلكين وكدة هيكون المدي اكبر والاشارة تبقا اقوي ولا هي اصلا مش هتفرق فممكن استخدم max232
او مش مستهلا اصلا ممكن اوصلهم علطول .

واخيرا لو انا عاوز اتعلم عن البروتوكولات بتاع الاتصال والطرق دة والكلام دة كلة ممكن اقراء الكلام دة فين ؟؟؟

[abdo1992]

مفيش حد رد عليا لية انا بصدد اي معلومة .
انا في السيرش بتاعي علي النت وجت ان افضل حاجة استخدمها هي rs485 علشان ليها مقاومة عليا للنويز وكمان مدا الارسال بتعها يصل الي 1200 متر .
بس ازاي احول الداتة من serial to parallel وازاي اضبف start and stop bit باستخدام الرجستر .
والمشكلة الثانية :
ازاي اوصل الكاميرة بالكميبوتر فاللي انا اعرفة ان اقصي مسافة لل usb تقريبا 10 متر ودة مسافة صغيرة جدا وانا محتاج اني ازودها فمش عارف ممكن استخدم اثنين ic max485 وهي مثلا تقوي الاشارة ولا اعمل اية وبعدين هو المفروض البرتكول بتاع ال usb اية وبيشتغل ازاي ...

وشكرا

[abdo1992]

هو فية اية ؟؟؟؟؟؟؟؟؟؟؟
هو الموضوع فية حاجة غلط ولا انا اللي فيا حاجة غلط ولا في اية ؟؟؟؟؟؟؟؟؟
لية مفيش حد من اساتذة المنتدي المحترمين عاوز يرد عليا ولو حتي يقولي اي حاجة ؟؟؟؟؟؟؟؟؟
انا فعلا مستاء جدا جدا ........

المهم :
انا وانا بدور علي النت لقيت الدايرة دة هي بتحول من ال serial to parallel وهو مستخدم الرجيستر وحاجات انا مش عارف ها بالضبط وكنت عاوز حي يفهمهاني ويقولي هي ممكن تتعمل ولا لا وارقام الاسي وكدة
وطبعا هو inpout كان عبارة عن 1bit start , 2bit stop and 8bit data
الصورة



وشكر

[zamalkawi]

معذرة لمشاركتي مع عدم التخصص
ولكن فقط أريد أن أبدي اندهاشي من أستاذك الذي يشترط عليك عدم استخدام مايكروكنترولر، وبالتالي عليك أن تعيد اختراع العجلة، بينما ما تريده يكلف فقط مايكروكنترولر ثمنه جنيهات قليلة وبضعة أسطر من الكود!
ملحوظة: أتحدث هنا عن المشكلة الأولى الخاصة بالاتصال والتحويل من متوالي إلى متوازي أو العكس

بخصوص مشكلة توصيل الكاميرا، توجد كاميرات تدعم الإيثرنت والآي بي، وكذلك الواي فاي
فقط ابحث في جوجل على IP webcam أو ethernet webcam أو WiFi webcam وستجد نتائج كثيرة
هذا الحل يجعلك قادرا على إرسال صورة الكاميرا إلى كمبيوتر بعيد جدا، دون الحاجة إلى اليو إس بي المحدود ب5 متر فقط
ولكن توقع أن هذه التكنولوجيا أعلى سعرا من الكاميرات العادية ذات اليو إس بي

[abdo1992]

اولا احب ان اشكر حضرتك انك رديت عليا وانا سعيد جدا اني وجت حد مهتم بالموضوع ...

ثانيا : الدكتور مادة هي logic gates فهوا عاوز يعلمنا ازاي نستخدم ال logic gates في كل حاجة لان كل حاجة اصلا مبنية من خلالها وعاوزنا نبقا متمكنين جدا منها وهو دة هدف الدكتور .

ثالثا : بالنسبة لموضوع الكاميرة فانا مش فاهم قصدك تماما بس اللي انا عرفة ان ال WiFi webcam دة لاسلكي والمفروض ان الكاميرة دة تكون تحت المياة يعني لازم استخدم سلك وإن كان قصد حضرتك ان في انواع بتشتغل زي كبل الشبكة او حاجة من هذا القبيل فارجوا ان توضحها لي ..
ولكن انا كان الفكرة عندي هي اني احول من برتكول ال usb الي TTL ومن ثم احولة الي برتكول RS485 ودة لية السماحية للوصول الي مسافة بعيدة تصل الي 1200 في سرعة 100kbit وحوالي 12 متر في سرعة 35Mbit ....
ويمكن استخدام IC ft232 لتحويل الusb الي ttl ومن ثم استخدام Ic max485لتحويل الي برتكول RS485 ...

بس المشكلة هي هو سرعة ال usb كااام ؟؟؟؟؟؟؟؟؟؟؟؟؟؟؟؟
لان هو دة اللي هيحدد مسافة الكابل

وشكرا

[zamalkawi]

هو طبعا زي ما قلتلك أنا مش متخصص
بس على حد علمي البروتوكول بتاع اليو إس بي معقد بعض الشيء، مش سهل ومباشر زي ال RS232 مثلا
فطالما مش عاوز تستعمل مايكروكنترولر، فالأفضل انك تدور على قطعة جاهزة تقرا بروتوكول اليو إس بي لصيغة تانية سريال أو بارالل
انت بتقول في متكاملة ft232، أنا معرفهاش، بس لو حتؤدي الغرض قشطة
وإن كنت مش عارف بصراحة، لان الداتا دي (الصور) حتتقري بالكمبيوتر، اللي المفروض عليه درايفر يتعامل معاها. طاب هل الكمبيوتر حيعرف يتعامل معاها وهي جاياله rs485؟ ولا ساعتها حتحول السيجنال تاني من rs485 إلى يو إس بي؟ ولا حتحط الدرايفر بتاع الكاميرا على جنب، وتكتب انت درايفر كاستم؟ كل دي تعقيدات تضاف للمشكلة

أنا كنت بتكلم على تكنيك تاني ربما يكون أقل تعقيدا
انت عاوز تستعمل كاميرا، وحيث ان أكثر وسائل الاتصال شيوعا هي اليو إس بي، فانت عاوز تستعمل كاميرا يو إس بي وتحولها لبروتوكول آخر
أنا بقى كنت بقول، مش لازم الكاميرا تبقى يو إس بي. في كاميرات بتتصل بالكمبيوتر بالإيثرنت (معنديش أي معلومات عنها للأسف، لكن تقدر تدور في جوجل) وطالما هي من الأصل بتنقل الداتا بتاعتها بالإيثرنت، يبقى مش محتاج تعمل أي تحويل إشارات أو بروتوكولات، ومش محتاج تغير حاجة في الدرايفر
وطبعا الإيثرنت بيوصل لمسافات أبعد من اليو إس بي
بالنسبة للواي فاي، معرفش هو بيشتغل تحت المياه ولا لا، لكن لو بيشتغل تحت المياه يبقى ريحك بقى من الأسلاك والعك بتاعها والغواصة حتبقى براحتها، لكن لازم تتأكد من المدى بتاع الإشارة ,اقصى بعد ممكن بين الكمبيوتر والكاميرا
بس أكيد الكاميرا سواء إيثرنت أو واي فاي حتبقى أغلى من الكاميرا اليو إس بي

بالمناسبة، لو هي مشكلتك المسافة، طيب ما تشوف كاميرات المراقبة في المباني بتبقى شغالة بإيه. أكيد دي مش يو إس بي. ربما تكون شغالة إيثرنت زي الاقتراح بتاعي، وربما تكون شغالة حاجة تالتة كانت تايهة عن بالنا

[zamalkawi]

بالمناسبة، حاجة تانية جت في بالي...
هو دة مشروع مادة ولا مشروع تخرج؟
لو مشروع مادة، والأستاذ عاوزكم تعملوا كل دة، ومتوقع انكم تخلصوه، معرفش بقى
المفروض ان مشروع المادة بيبقى الواحد مش متفرغله زي مشروع التخرج، وعدد الساعات بتاعته بيبقى قليل
فإزاي عاوزكم تعملوا كل دة في مشروع مادة؟؟
الحاجة التانية، عشان تعمل نظام اتصال متكامل بالبوابات المنطقية فقط، أكيد حتاخد مجهود هاردوير رهيب
طيب ليه ما تستعملوش FPGA ويبقى التعامل مع البوابات المنطقية بالسوفتوير مش بالهاردوير
بالمناسبة، أنا مافهمش فيها برضو، ومعرفش ايه حدود إمكانياتها وعمري ما استعملتها
بس اللي أعرفه عنها انك تقدر تبرمجها بحيث تعمل بيها دواير البوابات المنطقية اللي على مزاجك
ودي بتختلف اختلاف جذري عن المايكروكنترولر (لو هو يعني رفضها عشان بتتبرمج)
فكر فيها كدة وشوف

[abdo1992]

الف شكر ان حضرتك مهتم وربنا يبارك فيك .

اولا :احب اقولك ان الدكتور كان كاتب في البرنامج بتاع المشروع
No microprocessors nor
microcontrollers are to be used.
وعلي حد علمي ان ال FPGA دة عبارة عن microprocessors .وفي حالة ان مش كدة فانا اكيد مش هعرف اتهامل مع حاجة بالمستوي دة اطلاقا .

ثانيا :انا الفكرة اللي كنت بتكلم عنها هي اني احول من ال usb to Rs485
ثم من RS485 to usb
انا شوفت الدايرة كانت عبارة عن اثنين IC بس علشان كدة حسيت انها هتكون سهلة .بس هو الفكرة اني عارف ان الكامية بتاعت المراقبة او الحاجات دة التكلفة بتاعتها غالية او حتي بتاعت ال بالإيثرنت .
هو انا مسالتش بس شوفت حاجات علي النت كان اقل حاجة 450 جنية تقريبا وميزانية المشروع لا تتحمل .

ملحوظة هو كان الدكتور كاتب ان الغواصة تتفادي الاصدطام وكان الحل انك تستخدم التراسويند او سونار وطبعا دة كان مستحيل من الناحية المالية والتقنية فقلي خلاص استخدم كاميرة .....


وفي حاجة كمان هو دة مشروع مادة صحيح بس هو الدكتور قالب الموضوع الي مسابقة في القسم وهو عاملة كأنة بالضبط مشروع تخرج وحاطط علية درجات كتير وهو مش موحد المشروع علي الدفعة كلها فهوا حاطط مشاريع كتير بس هو دة المشروع اللي اخترناة