متهيالي ما يلي :-
طالما ان صوت الموتور طبيعي و المياة بتوصل يبقى المشكلة فى الاوتوماتيك
الاوتوماتيك دة وظيفته انه يحافظ على ضغط المياة بين ضغط اعلى وضغط ادنى
بما ان الضغط لما بتفتح الحنفية يبقى قوي يبقى الضغط الاعلي تمام
والمشكلة فى الضغط الادني
افتح الغطاء الرصاصي (مشفتوش قبل كدة بلون تاني) تحت البالونة وفوق الموتور اللى داخل عليه سلك الكهرباء اللي نازل من الشقة وطالع منه سلك رايح على الموتور
هتلاقي تحتيه عدد 2 ياي (سوستة) كما فى الصورة
الياى الكبير و دة مسئول عن الضغط المنخفض : يعني لو ضغط المياة قل عن الضغط المحدد الموتور هيشتغل
الياى الصغير و دة مسئول عن الضغط العالي : يعني لو ضغط المياة زاد عن الضغط المحدد الموتور هيقف .
المطلوب :-
بالتليفون او باى طريقة تخلي تخلي حد يفتح المياة وتقرأ عداد الضغط تشوف هو الموتور بيشغل عند كام ويفصل عند كام
وبعدين هتحرك الياى سواء الكبير او الصغير حسب الحاجة وتخلي الموتور يشتغل عند ضغط 20 ويفصل عند ضغط 40 ولانك فى الدور الخامس ممكن تخليه يشتعل عند 30 ويقف عند 50
متنساش
علشان تتحكم فى ال 20 او 30 بتحرك الياي الكبير
وعلشان تتحكم فى ال 40 او 50 بتحرك الياي الصغير
دة على قد معرفتى والله اعلم
مشكله في ماتور المياه
اظنها مشكلة اوتوماتيك
