[محمد77]

السلام عليكم اخواني انا ودي اشتري فقاسه اتوماتيك سعه 500 بيضه
لاكن المشكله مادري ايش اخذ ابيكم ترشدوني ابي فقاسه كويسه وتتحمل ونسبه تفقيصها كويس وتكون اصليه وقطع غيارها متوفر وسعرها مناسب
انا حصلت وطنيه قطع غيارها صيني ووطنيه قطع غيرها ايطالي ووطنيه قطع غيرها محلي وحصلت صناعه ايطاليه بس سعرها غالي
ابيكم تشورون علي ايهم افضل وبالنسبه للي مستخدمين اي نوع استخدمتوا وكيف تعاملكم معه
اخوكم محمد

[أبو نايف]

انا عندي وطنيه قطع غيارها ايطالي
اول استخدام لي وضعت 588 بيضه وكلها خربت

وبعد ما رحت للي شتريتها منه وقلت له السالفه قال نزل الحساس من عند السخان وخله بنص الفقاسه من الجنب
وحاليا شغاله معي عال العال
وانتظرها تخلص تفقيس عشان احسب نسبة نجاحها واقولك

[أبوالوليـد]

اخوي الكريم لايهم هي صيني ام ايطالي مايهم خامة الفقاسة وحفاظها على الحرارة والرطوبة بالتساوي في ارجاء الفقاسة وه>ا مايهم حتى لو كانت سيراليوني اهم شي حرارة ورطوبة ممتازة ومتساوية ويكون البدي حقها عازل واي خدمة انا جاهز ولو قريب مني بالرياض او حولها افيدك اكثر فديتك

[ahmedaly]

كلام ابو الوليد تمام اهم حاجة الحرارة و الرطوبة

[محمد77]

اقتباس المشاركة الأصلية كتبت بواسطة أبو نايف انا عندي وطنيه قطع غيارها ايطالي اول استخدام لي وضعت 588 بيضه وكلها خربت وبعد ما رحت للي شتريتها منه وقلت له السالفه قال نزل الحساس من عند السخان وخله بنص الفقاسه من الجنب وحاليا شغاله معي عال العال وانتظرها تخلص تفقيس عشان احسب نسبة نجاحها واقولك

اله يباركلك فيها اخوي وعلمني وش يصير معك

[محمد77]

اقتباس المشاركة الأصلية كتبت بواسطة أبوالوليـد اخوي الكريم لايهم هي صيني ام ايطالي مايهم خامة الفقاسة وحفاظها على الحرارة والرطوبة بالتساوي في ارجاء الفقاسة وه>ا مايهم حتى لو كانت سيراليوني اهم شي حرارة ورطوبة ممتازة ومتساوية ويكون البدي حقها عازل واي خدمة انا جاهز ولو قريب مني بالرياض او حولها افيدك اكثر فديتك

اخوي كيف اعرف جودتها بالحراره والرطوبه والبدي انا بالقصيم ياليتك تساعدني وترشدني لاختيار الصحيح اكون شاكر لك

[محمد77]

اقتباس المشاركة الأصلية كتبت بواسطة ahmedaly كلام ابو الوليد تمام اهم حاجة الحرارة و الرطوبة

الله يجزاك خير

[أبو نايف]

اقتباس المشاركة الأصلية كتبت بواسطة محمد77 اله يباركلك فيها اخوي وعلمني وش يصير معك

هلا اخوي

وضعت في الفقاصه 440 بيضه
اخرجت منها 25 بيضه غير ملقحه
ومات تقريبا 88 صوص داخل البيضه
والباقي 327 حصلت منها 64 ميته بالحضانه بسبب مدري وشو يا مرض يا اي شي ثاني
بمعنا نسبة النجاح هي 78.7%

وهناك اسباب كثيره سببت لي موت بعض الاجنه منها ارتفاع الحراره في الظهر لين 40.8