[a raafat]

السلام عليكم
انا يا جماعه عندى مشكله ان شاحن اللاب توب كل ما السلك يتهز الشاحن يفصل ولازم اقعد اطلعه وادخله اكتر من مره واهز السلك او ارفعه عشان يلقط
المشكله دى حصلتلى كتير حصلت مره وجيبت شاحن جديد قعد شهرين ورجعت المشكله تانى وفى الوقت ده مكانش عندى بطاريه وشغال كهرباء بس وبالتالى مع اى هزه للسلك الجهاز بيفصل فاخدت اللاب توب وروحت مركز صيانه محترم قالولى هنغيرلك السوكيت ولاقيتهم غيروا السوكيت بتاع الشاحن شالوا كل السلك اللى طالع من الشاحن وركبوا واحد جديد والجهاز كان كويس لمده شهرين ورجعت برده المشكله مع اى هزه الشاحن بيفصل وبسبب كده اطريت استعمل البطاريه مع انى كنت قررت اشيلها خالص عشان اوفرها واركبها لما اكون نازل بس او لما النور يقطع لكده طبعا مش هينفع اعمل كده و الشاحن كل شويه بيفصل لان ساعتها الجهاز كل شويه هيفصل منى
ملحوظه : انا لاحظت ان السوكت بتاع الشاحن بيسحن اووووووووى
ممكن حد يقولى اعمل ايه ؟

[POWERMAN3D]

اكيد السبب وضعية الجهاز أثناء استخدامك له .. مثل وضعه على سطح غير مستوى ( السرير مثلاً ) أو تعرج وأنثناء الكابل بشدة

[a raafat]

اقتباس المشاركة الأصلية كتبت بواسطة POWERMAN3D اكيد السبب وضعية الجهاز أثناء استخدامك له .. مثل وضعه على سطح غير مستوى ( السرير مثلاً ) أو تعرج وأنثناء الكابل بشدة

صح يا فندم كلام حضرتك مظبوط انا دايما ببقى عالسرير وفعلا السلك ساعات بيبقى متنى لان مثلا الفيشه بتبقى عاليمين وفتحه الشاحن فى اللاب على اليسار
انا لما كنت صلحت الشاحن كان قعد فتره سليم ومهما السلك يتهز الجهاز شغال كويس لكن مره واحده مع كتره حركة السلك رجع تانى
طيب هل عند حضرتك اى نصيحه ليا عشان الموضوع ده ميتكررش؟

[مروان المدني]

السلام عليكم ..
المشكلة اما من سلك الشاحن .. او مدخل الشاحن في الاب توب ..

اذا كانت فتحة سلك الشاحن وسيعة والسلك يتخلخل في المدخل اذا المشكلة من السلك ...

[POWERMAN3D]

اقتباس المشاركة الأصلية كتبت بواسطة a raafat صح يا فندم كلام حضرتك مظبوط انا دايما ببقى عالسرير وفعلا السلك ساعات بيبقى متنى لان مثلا الفيشه بتبقى عاليمين وفتحه الشاحن فى اللاب على اليسار انا لما كنت صلحت الشاحن كان قعد فتره سليم ومهما السلك يتهز الجهاز شغال كويس لكن مره واحده مع كتره حركة السلك رجع تانى طيب هل عند حضرتك اى نصيحه ليا عشان الموضوع ده ميتكررش؟

أفضل حل لمشكلتك هو مسند الاب توب كما فى الصورة التالية :

[a raafat]

اقتباس المشاركة الأصلية كتبت بواسطة POWERMAN3D أفضل حل لمشكلتك هو مسند الاب توب كما فى الصورة التالية :

شكرا يافندم على الاهتمام وسرعة الرد بس ممكن لو حضرتك توضحلى المثبت ده فكرته ايه ؟ وايه الغرض منه ؟
وبجد أسف جدا على أزعاج حضرتك

[POWERMAN3D]

اقتباس المشاركة الأصلية كتبت بواسطة a raafat شكرا يافندم على الاهتمام وسرعة الرد بس ممكن لو حضرتك توضحلى المثبت ده فكرته ايه ؟ وايه الغرض منه ؟ وبجد أسف جدا على أزعاج حضرتك

اولاً : يحافظ على عدم انثناء كابل الشاحن وخصوصاً بالقرب من مدخل الجاك وبالتالى لا يتلف السلك .
ثانياً : يحافظ على الجهاز بإعطاء فرصة للهواء للدخول والخروج من الفتحات المخصصة للتبريد بسهولة على عكس الحال فى وضعه على السرير الذى يؤدى إلى حدوث احتباس حرارى يؤثر على الشيبات وقاعدة البروسيسور والبروسيسور وجميع المكونات الآخرى .
ثالثاً : وهذا التنوية للجميع يحذر وضع اللاب توب على الأرجل اثناء الاستخدام وخصوصاً لمن يستخدمه فى هذا الوضع لفترات طويلة لأن الحرارة الناتجة من تشغيل الجهاز تؤثر على الجهاز التناسلى للرجل والتى قد تصل إلى فقد الخصوبة .

[a raafat]

اقتباس المشاركة الأصلية كتبت بواسطة مروان المدني السلام عليكم .. المشكلة اما من سلك الشاحن .. او مدخل الشاحن في الاب توب .. اذا كانت فتحة سلك الشاحن وسيعة والسلك يتخلخل في المدخل اذا المشكلة من السلك ...

شكرا يا استاذ مروان على الرد والاهتمام وأسف على التأخير فى الرد لانى مكنتش واخد بالى من المشاركه
انا فعلا كان فى حد قالى ممكن يكون مدخل الشاحن نفسه اللى جوه اللاب هوه اللى فيه المشكله وعايز يتغير ووديت الجهاز يتصلح بناءا على كده لكن فوجئت ان المركز اللى وديته يتصلح فيه مفكش الجهاز ومغيرش المدخل ده مجرد غيروا السلك اللى خارج من الشاحن داخل فى اللاب والمشكله كانت اتحلت لمده شهر او شهرين لكن مع القعده بالاب عالسرير وكده ظهرت المشكله من تانى