[gosht12]

السلام عليكم مهندسينا الكرام
انا عندى ناشواتيك DSM635 إمبارح حشرت ورقة فى السخان فا حاولت انى أخرجها لكن للأسف الورقة كانت لزقة فى رول لونة اسود لكن بعد تنظيفة اكتشفت ان الرول دا اصلاً لونة فضى المهم الحمد للة نظفت الرول دا وجيت اركبة اكتشفت ان المسند بتاعت الرول دى مكسورة مش عارف بقى اتكسرت منى ولا اتكسرت ساعت الحشر المهم انا مش عارف اركب الرول دا على كدة وطبعاً هو مبيركبش ولا اشترى سخان تانى ولو هشترى سخان تانى سعرة كام مستعمل او جديد ولو الكفر بالرول بتاعة بيتباع لوحدة بكام مستعمل او جديد لو ممكن يتصلح إزاى اصلحة هل ممكن الأمير يوفى بالغرض ولا أعمل إية معلش يا جماعة طولت عليكم بس الموضوع بجد مهم وشكراً

[Ghost 2003]

بسم الله الرحمن الرحيم

اخي العزيز

يمكنك لحام تلك الجزء الذي كسر منك كحل مؤقت حتى تتمكن من شراء هذا الكافر (الغطاء) مستعمل فهو يباع.

تحتاج فقط إلي:
1. زجاجة Super Glue تباع بالمكتبات.
2. عبوتان تسمي بـ "ناكر ونكير" تتحمل درجة الحرارة العالية Steel Epoxy تباع بمحال بيع الحديد والبويات.

طريقة الاستخدام:
ضبط الجزء المكسور في مكانة الصحيح ويمكنك وضع Super Glue ثم خلط Steel Epoxy بحسب النسبة المحددة له فهو يختلف من نوع لأخر والأفضل شراء الأغلى سعراً لأن يوجد نوعان نوع ردئ بسعر 7 جنية مصري والنوع الأفضل 10 جنيهات أو أعلى من ذلك المهم خلطهم كي يتغير اللون بعد المزج إلي لون فاتح رمادي وليس لون رصاصي غامق وحسب الكمية المطلوبة.

نسب الخلط مكتوبة علي العبوة
أما 1:1 (صناعة مصرية) ، أو 3 عبوة اللون الأسود : 1 عبوة اللون الأبيض (صناعة أمريكية)

الصور التوضيحية

[gosht12]

بعد اذنك حضرتك نسيت تقولى سعر الغطاء بكام وشكراً للأهتمام واسف على الازعاج