[احمد المصراوى]

سلام الله عليكم ورحمته وبركاته
اخوانى انا واقع فى ورطة بحصوص جهاز لينوفو
الجهاز كان شغال تمام على الشاحن بدون بطارية
قمت اتنقلت بالجهاز من مكان لاخر لاحظت ان الاضاءة بهتت
المهم طفيت الجهاز وفتحته اشتغل مظبوط وثوانى ورجع تانى الاضاءة باهته وانا رافعها لا على مستوى
انا ملاحظ ان اسفل الشاشة زى ما يكون فيه حوالى 7 لمبات طفيين يعنى طالع منهم شعاع زى الظل كدا
وملاحظ كمان ان الاضاءة بترف كدا مع ان الظل دا موجود على طول
الشاشة مش ضلمة للدرجة يعنى بس ملحوظة انها غامقة
المشكلة ان الجهاز مش باعتى الجههاز بتاع واحد صاحبى والمفروض انه هياخده الاسبوع الجاى
وانا مش عارف اصرف ازاى
انا مليش فى الصيانه
بس اقدر افك اللاب توب بالحتة واركبة تانى
ياريت حد يساعدنى
وبسسسسسسسسسسرعه الراجل هياخد الجهاز بعد اسبوع يعنى يوم الاثنين الجاى ومش عارف اعمل اية

[احمد المصراوى]

الحمد لله
الحمد لله
بعد الموضوع اللى عملته دا
وطبعا محدش عبرنى
الحمد لله
بعد عده محاولات مع الهاينشن انحرقت الفيوز
اخد اللاب ونزلت بيه مول فى باب اللوق بدون ذكر اسماء واللى خصل معايا كان نصيب فى الاول وفى الاخر
الرجل فك الشاشة وقالى ياخسارة صعبت الموضوع على نفسك بإنك فكيت اللاب
المهم ياسيدى الجهاز مش بتاعى وعايز اتصرف واعمله عشان صاحبه
قالى ربنا يستر عمل كوبرى على فيوز الهايتنشن
الجهاز اضاء الاضاءة الاولانية وفيه حوالى 6 خيالات تحت والاضاءة ضعيفة جدا
وقالى هو كدا كويس
قلت له لا كدا مش عادى الاضاءة مش حلوة
قالى خلاص اغيرلك لمبة واللمبة ب 200 جنية غير شغلى طبعا
رديت
ياسيدى ريحنى شوية واعرف ان الخهاز انا لبسته
قالى انا جايب معاك من الاخر والله
المهم
قلتله توكل على الله
بيفك الشاشة قطع جزء من الفلاتة بتاعه الاضاءة
وقالى تصدق الفلاتة مقطوعه
قلتله طيب والحل
قال الحل انك تروح تجيب الجزء دا اللى هو اللمبا بالفلاته
لفيت الدنيا عليه قالوا مش موجود الحل شاشة كاملة وثمنها 550 جنية وتركيب 100
يبقى 650 جنية
وهو كمان عايز حساب الفيوز
المهم قررت انى مش هعمل الجهاز
وقلتله طيب حسابك كام اخد 50 جنية بالعافية مع انى انا اللى فكيت اللاب وركبته
قلتله طيب معلش حاول عمل اى حاجة للفلاته لان الجهاز انا شربته
قالى مش هنفع تانى
اديته ال 50 جنية ورحت مول البستان لفيته بالمحل كله قال القطعه مش موجودة والفلاته مش بصلح ولا ينفع شغل عليها
يعنى عشان 3 سلوك مقطوعيين فى الفلاته المفروض انى اغرم 700 جنية
اخذت الجهاز ومشيت
وحالتى يعلم بيها ربنا
اشتريت افوميتر وكاوية وقلت احاول بنفسى
وللعلم اقسم بالله اننى لم اعكل فى الصيانة فى حياتى سوى حب الاطلاع
ولا اعلم عن الافو سوى قياس الشورت
والحمد لله نجحت فى عمل 3 كبارى بدل الى هو قطعهم
اضاءت الشاشة لكن فيها ال6 خيالات دول برده
على فكرة الاضاءة شغالة لدات
بصيت فيها كويس لاحظت وجود سواد على احد اللدات عملت عليها شور والحمد لله الجهاز رجع زى الاول ما عدا لد واحد اللى هو محروق وغير ملحوظ بالمرة
نصيحتى بقى للناس اللى بحصلها مشاكل زى كدا
اوعى تثق فى اى حد وخلاص انا عشان وثقت فى واحد قطعلى الفلاتة وقالى مفيش حل واخد 50 جنية مع انى مبعرفش حاجة فى الصيانة صلحت المشكلة وعملت اللى كل المهندسيين رفضوا يعملوه وقالوا الحاجة دى مفيهاش شغل ومحدش بيشتغل فيها
فحاول بنفسك مرة واثنين وعشرة ولكن احذر
وحسبى الله ونعم الوكيل
وانا الان اتحدث اليكم من الجهاز اللى كان فية المشكلة
منتظر اراءكم
استودعكم الله

[Technician king]

الحمد لله علي اصلاح العطل

يا عم كنت تعالي عندي في تكنولوجي مول ، كنت هخلصلك الموضوع ، عندنا مهندسين علي أعلي مستوي

نصيحة مني لك ، لا تذهب الي مهندس لابتوب الا وقد تكون سمعت عنة و يكون محل ثقة و ضمير ، وربنا يوفقك

[احسان 333]

والله يا اخي الكريم المشكلة دي بقت مشكلة اغلب الناس وللأسف الشديد جدا ان بعض الفنيين في الصيانة يقولون مالايفعلون والعكس صحيح وبيستلم الجهاز منك وهو يقولك كلام احلى من الشهد وعندما تحل الكارثة يقولك انا مليش دعوة او انه ماعملش حاجة غلط وشغله مية مية واكثر الناس عندها غشومية في الموضوع ده وبيصدق كل كلام بيتقال لأنه المسكين مبيعرفش حاجة . المهم لاتتصور او يتبادر في ذهنك ان الله غافل عن كل شخص على وجه البسيطة سواء كان راعي صيانة او اي شخص اخر يأخذ مبلغ على حاجة ماعملهاش او يأخذ علشان حاجة هو عامله فعلا ولكن طلب فيها مبلغ باهض او بيعطل عنده جهاز ويقول انا ماعملت حاجة يا أخي والله انا اعجب فيها ايه لما تعترف بذنبك والاعتراف بالذنب فضلية وتريح ضميرك وزبونك وترضي الله اولا واخرا لا اعتقد انه راح يقل من قيمتك وسمعتك طالما انك بتراقب الله في عملك والحكاية دي حصلت معاي مرات عديدة ومع اشخاص غيري كتير ولكن لانريد ان نسب او نشتم او ندعي بالشر على الناس ولو كانو مقصرين بل يجب ان ندعي لهم بالخير وان يراعو ان الله يحب العبد الكادح الذي يتقن عمله ولا يضر الناس وفي الاخير كل احترامي لاخواني في مجال الصيانة وشكرا .

[احمد المصراوى]

اقتباس المشاركة الأصلية كتبت بواسطة Technician king الحمد لله علي اصلاح العطل يا عم كنت تعالي عندي في تكنولوجي مول ، كنت هخلصلك الموضوع ، عندنا مهندسين علي أعلي مستوي نصيحة مني لك ، لا تذهب الي مهندس لابتوب الا وقد تكون سمعت عنة و يكون محل ثقة و ضمير ، وربنا يوفقك

الحمد لله اولا واخيرا
المشكلة ان طالما اللاب معايا شغال ومفيش مشاكل يبقى ازاى هعرف الراجل الشغال من اللى مش شغال
فين تكنولوجى مول ؟؟
شكرا اخى لمرورك العطر

[احمد المصراوى]

اقتباس المشاركة الأصلية كتبت بواسطة احسان 333 والله يا اخي الكريم المشكلة دي بقت مشكلة اغلب الناس وللأسف الشديد جدا ان بعض الفنيين في الصيانة يقولون مالايفعلون والعكس صحيح وبيستلم الجهاز منك وهو يقولك كلام احلى من الشهد وعندما تحل الكارثة يقولك انا مليش دعوة او انه ماعملش حاجة غلط وشغله مية مية واكثر الناس عندها غشومية في الموضوع ده وبيصدق كل كلام بيتقال لأنه المسكين مبيعرفش حاجة . المهم لاتتصور او يتبادر في ذهنك ان الله غافل عن كل شخص على وجه البسيطة سواء كان راعي صيانة او اي شخص اخر يأخذ مبلغ على حاجة ماعملهاش او يأخذ علشان حاجة هو عامله فعلا ولكن طلب فيها مبلغ باهض او بيعطل عنده جهاز ويقول انا ماعملت حاجة يا أخي والله انا اعجب فيها ايه لما تعترف بذنبك والاعتراف بالذنب فضلية وتريح ضميرك وزبونك وترضي الله اولا واخرا لا اعتقد انه راح يقل من قيمتك وسمعتك طالما انك بتراقب الله في عملك والحكاية دي حصلت معاي مرات عديدة ومع اشخاص غيري كتير ولكن لانريد ان نسب او نشتم او ندعي بالشر على الناس ولو كانو مقصرين بل يجب ان ندعي لهم بالخير وان يراعو ان الله يحب العبد الكادح الذي يتقن عمله ولا يضر الناس وفي الاخير كل احترامي لاخواني في مجال الصيانة وشكرا .

بارك الله فيك اخى لمرورك الطيب
وانا عشان كدا فضلت عدم ذكر اى اسماء ولا اى محلات
وربنا يهدى الجميع