[Mymo Alves]

الموضوع ان انا اشتريت ماتور كالبيدا 1.5 حصان لما كان ضغط المياه ضعيف فى البيت ، ولما الضغط أتظبط دلوقتى فى القرية كلها والمنزل 4 طوابق فقط فالمشكلة أن الماتور بيشتغل أجبارى وطول الوقت مع فتح صنبور المياه فى أى دور فى البيت كله . وحيث أن الضغط تمام جداً فى الليل ، فالماتور بردوا بيشتغل وعامل أزعاج .
أنا بحاول أرشد أستهلاك الكهرباء وأقلل من أهدار المياه .
فهل فى إمكانية فى الماتور نفسه لتغير ضغطه للمياه ، أما علواً أو خفضاً .

توضيح
البيت يعتبر شرك بيننا وبين عمى ، والماتور بياخد الكهرباء لمدة أسبوع من كل عداد .
والحكاية يا حضرات أن فى الأسبوع اللى متوصل الماتور عند عمى ، بيكون الماتور صامت وهادى وجميل ، يعنى قمة المحافظة . وده مش مبالغة ، لأن كامل أسرتى مش ساكنين فى البيت ، يعنى أعمال الأسرة المنزلية فى البيت التانى ، يعنى مفيش غسيل وخلافه .
وفى الأسبوع بتاعنا ، بيكونوا محوشين الغسيل وتنظيف البيت وخلافه


أرجوكوا لو فى حل تفضلوا بيه .

الماتور أنا اللى موصله التيار الكهربى
- هناك عدد 2 بريزة بجانب الماتور ، يتم توصيله من خلال كابل فى أحداهما .
- هناك فى الطابقين الثالث والرابع مفتاحين يتحكمان فى الماتور بأمرار له طرف (-) أرضى من الشقة ، لأن الماتور واخد (+) مباشر من البريزة .
ما مدى صحة هذه التوصيلات ، وهل التيار (+) اللى فى الماتور ممكن يرجع للشقة ، بسبب أن الدائرة مغلقة .

[tarek_2005]

ليس هناك مشكلة ولكن خفض الضغط من الاوتوماتك قليلاً ولن يعمل الموتور مساءً الاقليلاً وطالما الضغط في حدود الضغط الي انتا مظبطه الموتور لن يعمل

[Mymo Alves]

أشكرك يا أ/ طارق
طيب بالنسبة لتظبيط الضعط ، أتعامل أزاى مع الأوتوماتك .

[عبدالله حسنى]

يا سيدى الفاضل كل الذى عملته غلط لان الذى قلتة فية عدم عدل فى الاستهلاك
اولا هل البيت واخد من الخارج طرف كهرباء واحد وطرف ارضى لو كان هكذا اعطى المتور طرف ارضى مباشر من اى دور ثم بعد ذلك يتم توصيل مفتاح لكل شقة على الفردة (+) وينزل طرف كهرباء (+) من كل شقة اى من كل مفتاح كما ذكرت ويدمغوا او تكسرهم مع بعض او تلفهم مع بعض ثم توصلهم للموتور وبذلك كل شقة عاوزة تستخدم الموتور تفتح المفتاح الذى عندهم وبذلك يتم سحب الكهرباء من هذة الشقة فقط وبذلك اتمنى من الله عز وجل ان تكون فهمت قصدى

[Mymo Alves]

أشكرك يا بشمهندس عبدالله على الأهتمام ، وبالتأكيد فهمت حضرتك ، ولكن أيه آلية وطريقة التوصيل ، يعنى لو فى حالة توصيل وإمرار التيار من الشقتين فى وقت واحد ده مش هيحرق الماتور أو يعمل آفلة .
وهل تتأثر الأسلاك وكابلات وأجهزة الشقة بحمل الماتور عليها ؟