[awtarel]

بعد التحية والسلام /
عندى شاشة lg flatron ez t711s

17 بوصة بقالها عندى حوالى 4 سنين وفجأة مبقتش تجيب داتا وزرار الباور بينور ويطفى بشكل سريع مع سماع تكتكة بسيطة وعشان تشتغل لازم اشيل كبل الداتا بتاعها من الكمبيوتر لمدة ساعة او اتنين

ارجو حل سريع وياريت بالصور وتعرفونى ايه اللى محتاج يتغير وانا ان شاء الله هغيرو ولكم جزيل الشكر

[awtarel]

ايه ياجماعة ولا رد لغاية دلوقتى انا كنت حاطط فيكم امل كبير بعد ربنا

[awtarel]

الف شكر ليكم جميعا عارف انكم مبتكونوش فاضيين بس الف شكر

[هاني ابو حليمه]

اقتباس المشاركة الأصلية كتبت بواسطة awtarel بعد التحية والسلام / عندى شاشة lg flatron ez t711s 17 بوصة بقالها عندى حوالى 4 سنين وفجأة مبقتش تجيب داتا وزرار الباور بينور ويطفى بشكل سريع مع سماع تكتكة بسيطة وعشان تشتغل لازم اشيل كبل الداتا بتاعها من الكمبيوتر لمدة ساعة او اتنين ارجو حل سريع وياريت بالصور وتعرفونى ايه اللى محتاج يتغير وانا ان شاء الله هغيرو ولكم جزيل الشكر

السلام عليكم ورحمه الله وبركاته
اخي الفاضل مهندس / awtarel
نأسف للتاخر في الرد
اخي الفاضل هل الجهود الموجوده علي خرج التشوبر سليمه ام منخفضه ؟؟؟؟
هل قمت بتغير المكثفات الكيميائيه الموجوده في دائره الباور قبل التشوبر وبعده ؟؟؟
كم الجهد الموجود علي مكثف الالكو ( اكبر مكثف كيميائي موجود في دائره الباور والشاسيه عموما
الرجاء اخي اخبارنا باخر مستجدات الشاشه لنتابع معك ان شاء الله
اسال الله لك التوفيق

[awtarel]

اسف جدا على تأخيرى فى الرد عشان ضغط الشغل

بس والله العظيم ماعرف اى حاجة من اللى انت بتتكلم فيه ده

لو فى حد بيصلح كويس فى القاهرة ياريت تفيدونى لان الموضوع شكله عاوز متخصص

انا فى منطقة فيصل ومصر القديمة يعنى اقدر اروح بواحدة كتجربة لاى واحد بتاع صيانة

لان انا عندى 8 شاشات فيهم نفس العيب ياريت لو تعرفو حد يصلحهم دلونى عليه

[mero198961]

لم يولد احد ولديه العلم او المعرفه بل يكتسبها من خلال المواقف والاحداث والعمل والتجربه فاذا اردت ان اقوم بمساعدتك فلا مانع عندي

[هاني ابو حليمه]

اقتباس المشاركة الأصلية كتبت بواسطة awtarel اسف جدا على تأخيرى فى الرد عشان ضغط الشغل بس والله العظيم ماعرف اى حاجة من اللى انت بتتكلم فيه ده لو فى حد بيصلح كويس فى القاهرة ياريت تفيدونى لان الموضوع شكله عاوز متخصص انا فى منطقة فيصل ومصر القديمة يعنى اقدر اروح بواحدة كتجربة لاى واحد بتاع صيانة لان انا عندى 8 شاشات فيهم نفس العيب ياريت لو تعرفو حد يصلحهم دلونى عليه

السلام عليكم ورحمه الله وبركاته
اخي الفاضل مهندس / awtarel
قم بالاتصال بالمهندس / ابراهيم جاد ... والتنسيق معه
مهندس متمكن ومشرف معنا في القريه ... ويعمل في القاهره
اسال الله لك وله التوفيق

[الاسلام هو الحق]

اقتباس المشاركة الأصلية كتبت بواسطة awtarel بعد التحية والسلام / عندى شاشة lg flatron ez t711s 17 بوصة بقالها عندى حوالى 4 سنين وفجأة مبقتش تجيب داتا وزرار الباور بينور ويطفى بشكل سريع مع سماع تكتكة بسيطة وعشان تشتغل لازم اشيل كبل الداتا بتاعها من الكمبيوتر لمدة ساعة او اتنين ارجو حل سريع وياريت بالصور وتعرفونى ايه اللى محتاج يتغير وانا ان شاء الله هغيرو ولكم جزيل الشكر

حل مشكلتك فى المكثفات دور على مكثفات منتفخه واتاكد من المكثف الاليكو الكبير