[processor2]

انا يعتبر غسلت الدوبلكس كله بالاسبراي الجاف وبعدها نفخته بالبلاور ومش عارف ليه الورقة بتقف تحت البكر اللي على الشمال وجزء منها خارج لفوق كانت بتعمل الوجه واحد وبتقف على الوجه وظهر دلوقتي بقت تقف في كله وما بتعديش ورقة خالص...
برجاء الإفادة من السادة الخبراء اعمل ايه تاني

[الملاك الضائع]

1) مكان حشر الورق فيه دلفه كده أو باب صغير بترفعه عشان تشيل الحشر
الباب ده في النص فيه سنسور ضوئي ممكن يكون عفر وأنت بتنفخ بلاور

2) فيه مكان الحشر من تحت أقلب الدوبلكس فيه قطه بلاستيك واصله بكلاتش زي المسطرة كده , أتأكد أنها سليمه

3) بص جوه الماكينه مكان الدوبلكس كده الجاك اللي بيدخل فيخ جاك الدوبلكس اتأكد أنه نضيف مفهوش ورق او بودرة وهكذا جاك الدوبلكس برضه اتاكد أنه نضيف

4) أتأكد كويس أن الإسبراي ميكونش وسخ سنسورات


جرب دول وأن شاء الله تطلع حاجه سهله

[processor2]

انا جربت الحاجات ديه زي ما حضرتك قلت بس النتيجة انها بقت تعمل وجه بس لكن الوجه وظهر بتقف في الدوبلكس تحت الحساب ونظفته كويس ياريت لو في حل تاني

[الملاك الضائع]

طب بص
شوف الورقه بتقف ادام فين بالظبط
أول ما الورقه تتحشر طلع الدوبلكس وأقلبه وأفتح الباب بالراحه وشوف الورقه واقفه عادي ولا حشر مخبوطة يعني , وشوف واقفه ادام أنهي سنسور بالظبط
يعني ندور علي سبب الحشر

[processor2]

اقتباس المشاركة الأصلية كتبت بواسطة الملاك الضائع طب بص شوف الورقه بتقف ادام فين بالظبط أول ما الورقه تتحشر طلع الدوبلكس وأقلبه وأفتح الباب بالراحه وشوف الورقه واقفه عادي ولا حشر مخبوطة يعني , وشوف واقفه ادام أنهي سنسور بالظبط يعني ندور علي سبب الحشر

تسلم يا هندسة انا جبت واحد صاحبي وحللي المشكلة ديه الحمد لله ربنا يخليك ومتشكر اوي لتعبك معايا


بس في مشكلة ظهرت جديدة وهي حشر الورق كتير جدا قبل ما يدخل على الدرام
الورقة بتتكسر قبل دخولها على الدرام هدرت ورق كتير جدا ياريت الإفادة ولك جزيل الشكر

[الملاك الضائع]

بص ياباشا
لو لفيت عمود السحب اللي هو قبل الدرام بيلف تمام ؟
لو تمام هات كشاف صغير كده وبص عالعمود من اوله لاخره ولفه سنه سنه جايز فيه حته غرا من الورق لزقت عالعمود
طبعا لو الكلام ده الورق بيحشر قبل عمود السحب

لو الورق بيحشر بعد العمود تحت الدرام مثلا في ضوافرالدرام يبقي متاج تنضيف الدرام او الحصيرة

[مصطفى الناظر]

عندى مشكلة شبة دى بس باختلاف ان درج 2 بس هو اللى شغال دوبلكس كويس وباى الدراج لا والورق بيقف ف اللفة التانية قبل الخروج ويبقى زى المروحة تحت رول عمود السحبة التانية مع العلم ان درج 2 شغال كويس المكنة بتاعتى نشوتك 3025 اتمنى حد يرد عليا
وشكرا

[Nesr]

السلام عليكم لو سمحت يا بشمهندس انا عندى ماكينة ريكو 550 الماكينة فيها مشاكل زى :
1- بتصور 30 ورقة مثلا كويس جدا بعد كده الصورة بتبهت و اجى اطلع ريبورت الاقيه ممتاز بس اجى اصور الاقى الصورة بهتانة
2- مش عارف اعمل توزيع خالص كل لما اعمل توزيع الاقيها تحشر
ياريت حد يفيدنى انا وديت المكنة كلها لواحد بتاع صيانة اخدها قالى هيفورها و ينضفها بس لسة زى ما هى لو حد يعرف لى سبب المشكلة دى يقولى لان بتاع الصيانة اللى انا رحت له بيجرب فييا و شكله مش عارف حاجة شوية يقولى درام و غيرته و شوية ديفلبر و غيرته طب ايه المشكلة و جراكم الله خير