[promomero]

السلام عليكم ورحمة الله وبركاته

الجهاز بتاعي شاريه تقريبا من سنتين ونص ، المهم إنه عطل مبقاش يفتح خالص وهوا واصل بالبطارية ، مع إن اللمبة الزرقة بتاعة الباور منورة ، وديته لواحد إبن حلال أخد 100 جنيه ، وخلاه يشتغل بس ظهرلي عيب تاني سخيف ومش عارف أحله ، إني لما بحمل على الجهاز بالألعاب الجهاز بيفصل لوحده ، وغير كده صوت كأنك بتركب كابل الشاحن وبتفصله كل شوية ، وهوا صوت مزعج جدا Beeb ، فكيته ونظفته ، وغيرتله الكوولر ظبط فترة بسيطة ورجع لنفس العيب تاني ، بس صوت البيب بيفضل يشغل ويقف لوحده ، مع العلم إن سن الشاحن اللي بيدخل في اللابتوب بلاقيه سخن جدا جدا لما اخرجه واللاب في الحالة دي.
يا ريت يا جماعة لو حد عنده حل للمشكلة دي ، علشان الجهاز قرفني وجزاكم الله كل خير

[Technician king]

خير ان شاء الله اخي الكريم

اولا قم بقياس خرج الشاحن مدة دقيقة وتأكد ان الفولت مضبوط


ثانيا قم بقياس حرارة الجهاز ببرنامج Everest ، وأرفع لنا الصور لدرجات الحرارة و الفولتيات

اذا لم يكن لديك علم بالبرنامج ، قم بتسطيبة ، ثم ادخل علي computer ثم sensor ستجد بيان بدرجات الحرارة و الفولتيات

ثالثا قم بلمس الشيبات والايسيهات و اللاب يعمل ، اذا لاحظت سخونة شديدة في احدهم ، قم بأبلاغي به ، ولكن كن حريص في لمسهم حتي لاتقوم بعمل شورت بيدك .

ابلغني بخطواتك

[promomero]

اقتباس المشاركة الأصلية كتبت بواسطة Technician king خير ان شاء الله اخي الكريم اولا قم بقياس خرج الشاحن مدة دقيقة وتأكد ان الفولت مضبوط ثانيا قم بقياس حرارة الجهاز ببرنامج Everest ، وأرفع لنا الصور لدرجات الحرارة و الفولتيات اذا لم يكن لديك علم بالبرنامج ، قم بتسطيبة ، ثم ادخل علي computer ثم sensor ستجد بيان بدرجات الحرارة و الفولتيات ثالثا قم بلمس الشيبات والايسيهات و اللاب يعمل ، اذا لاحظت سخونة شديدة في احدهم ، قم بأبلاغي به ، ولكن كن حريص في لمسهم حتي لاتقوم بعمل شورت بيدك . ابلغني بخطواتك

الفولت مظبوط على ما أعتقد ، حرارة الجهاز والفولتات أهي والجهاز Idle:

هوا أنا ملاحظ إن الشاحن ال Pin بتاعه بيسخن جدا لو تقلت في إستخدام الجهاز.
يا ريت حضرتك تقوللي الإحتمالات اللي في دماغك ، وجزاك الله كل خير

[Technician king]

اولا درجة حرارة البروسيسور و شيب الفيجا ، كبير نسبيا في وضع الخمول ، وهو السبب في فصل الجهاز عند تشغيل الالعاب ، تأكد من نظافة المروحة ، ولو احسست ببطئ المروحة ، قم بأستبدالها

فولت البطارية و البروسيسور والفيجا ، تقريبا ممتاز وليس به مشاكل

وبالنسبة لسخونة بن الشاحن

1- قم بتجربة شاحن اخر ، لحصر مكان العطل ، في اللاب ام الشاحن

[promomero]

اقتباس المشاركة الأصلية كتبت بواسطة Technician king اولا درجة حرارة البروسيسور و شيب الفيجا ، كبير نسبيا في وضع الخمول ، وهو السبب في فصل الجهاز عند تشغيل الالعاب ، تأكد من نظافة المروحة ، ولو احسست ببطئ المروحة ، قم بأستبدالها فولت البطارية و البروسيسور والفيجا ، تقريبا ممتاز وليس به مشاكل وبالنسبة لسخونة بن الشاحن 1- قم بتجربة شاحن اخر ، لحصر مكان العطل ، في اللاب ام الشاحن

جزاك الله خيرا ، ممكن حضرتك تقوللي لو مطلعش مروحة ممكن يبقى إيه تاني ، مع العلم إني مقدرش أشغل الجهاز بدون البطارية لأن أول ما Pin الشاحن يتهز الجهاز بيدي شاشة بيضا ويفصل.
ومعلش لو تقدر تقوللي ممكن أجيب مروحة بروسيسور للنوع ده منين من القاهرة ، وجزاك الله كل خير.

[Technician king]

اولا ان اللاب يفصل عند تحريك جاك الشاحن ، بيكون العيب من سوكيت الشحن او ان سلك الشاحن به قطع او فصل قريب من الجاك ، فعند تحريك الجاك يفصل باور ، فيلزم تجربة شاحن اخر ، لتحديد اذا كان العطل في السوكيت ام سلك الشاحن .

عموما هذا تقريبا شكل سوكيت الشحن



ويمكن تغييرة بسهوله وليس به مشاكل

ثانيا انا اشك في المروحة لماذا ؟؟؟؟؟؟

لان المشتت الخاص بالمروحة يتصل بشيبات مع البروسيسور





ودرجة حرارة البروسيسور مشابهه لحرارة الشيب وهذا غالبا عيب تبريد ، وبما انك قمت بتغيير الكولر ، اذا العيب بنسبه كبيرة يكون في الفانه

واي قطع غيار ، من السهل ايجادها في باب اللوق او مول البستان ان شاء الله

[promomero]

أنا متشكر جدا جدا لحضرتك على تعبك معايا جزاك الله كل خير ، هحاول إن شاء الله وهطلعكم على النتائج.