[شادي رام الله]

السلام عليكم
المشكلة ان المياه تدخل السخان وتخرج زي ماهي باردة مع ان اللمبة منورة يعي السخان لا يحبس المياه جواه لاني قمت بغلق حنفية المياه الداخلة للسخان وفتحت حنفية المياه الساخنة والنتيجة لا وجود للمياه وبكده عرفت ان السخان لا يحب المياه جواه ارجوكم ساعدوني اريد حلا يا اخوه.

[شادي رام الله]

بعد انتظار 7 ساعات لحل مشكلتي قمت بفتح ماسورة المياه الساخنة وماسورة المياه الباردة علشان اتاكد ان السخان جواه مياه بالفعل كلامي طلع خطأ لان خرجت مياه كثيرة جدا من فتحتة المياة الباردة والمفاجأه ان مفيش ولا نقطعه طلعت من فتحة ماسورة الساخنة ؟ يا ترى ايه السبب ارجوكم اللي يدخل يرد مش معقول 8 مشاهدات للموضوع ومفيش رد؟ انتوا فين يا باشوات مهندسين؟

[شادي رام الله]

متشكرين كثر خيركم هجيب مهندس للبيت وامري لله

[tarek_2005]

لطفاً بنا اخي السائل
موضوعك سهل اوي
تاكد من ان الهيتر سليم اولاً ثانياً ركب وصلة المياه الباردة وافصل وصلة المياه الساخنة وافتح المياه لابد من خروج المياه من وصلة الماء الساخن فاذا لم تخرج معناه سدد في ماسورة الماء الساخن ودي ممكن تسلكها بسيخ معدني

[شادي رام الله]

شكرا يا استاذ طارق على رد حضرتك . عملت زي ماقلت اعتقد ان السبب الهيتر باظ ؟ هل اقدر اغير الهيتر بنفسي والا لازم مهندس ولو كان الاجابة بنعم ياريت الشرح ازاي اغير الهيتر ولو فيه فيديو او صور يكون افضل لاني معرفش ازاي اوصل للهيتر وهو جوه السخان ياريت الشرح بالتفصيل الممل وشكرا مقدما لحضرك جزاك لله خير

[شادي رام الله]

هل الفيديو ده يؤدي بالغرض وايه اسم الاداة اللي استعملها لتثبيت الهيتر في الدقيقة الرابعه و20 ث واين تباع هنا في القاهره؟

[شادي رام الله]

بعد مشاهدة الفيديو عرفت مكان الهيتر في السخان بتاعي شلت الغطاء اللي تحت ولقيت الهيتر بس يا خسارة مش قادر اشيلة لان معنديش الاداة او المفتاح اللي افك بيه الهيتر ياترى اجيبه منين وكمان منين اجيب الهيتر وايه احسن انواع الهيتر وبكام؟ جزاكم الله خير

[tarek_2005]

الاداة دي اسمها السوقي ماسورة بمقاس (( واعتقد الي في الصورة 32 مم ))
بتقيس عرض صامولة الهيتر وبتجيب الماسورة الملائمة لها وممكن لقمة بيد تفي بالغرض المهم تحدد المقاس با لملي بالظبط
ولو نزلت شارع كلوت بك ستجد ضالتك من حيث الهيتر اما الماسورة هتلاقيها في تقاطع شارع كلوت بك مع شارع نجيب الريحاني

ولكن قبل كل هاذا وصل طرفي الهيتر مع لمبة علي التوالي وشوف اللمبة هتسري ام لا والماء هيسخن ام لا علشان تحكم صح علي تلف الهيتر من عدمه
لان ممكن الثرموستات يكون هوا التالف