[الاسلام هو الحق]

السلام عليكم و رحمه الله وبركاته
الى اعضاء المنتدى الغالى على الجميع
ارجو المساعدة فى لابتوب
zoostorm
model no : w76th
notebook computer
كان عند واحد من الفنين وقطع منه باور وفى ايسيهات مفحمه ومش عارف ارقامها ايه
فالرجاء محتاج مساعداتكم فى مخطط الاب
او المساعدة فى اصلاح العطل اى سى البوار بتاع الادبتور كان مفحم فجيبت ايى سى الباور كان مفحم فخلعت موسفت الباور الى على الشاحن من نفس الجهاز وقيست لققيت فى فولتيات على مناطق كتير بس لما ادوس زرار الباور مفيش اى حاجه بتشتغل ولا حتى لمبه البيان ولا الفانه بتتحرك حتى
ارجو المساعدة رورى وجزاكم الله خيرااااااااااااا

[Technician king]

السلام عليكم

ربنا يسامح الفنيين عديمي الخبرة اللي بيتلفوا اجهزة الناس وبيزيدوها اعطال

ان شاء الله سنجد الحل

بس في سؤال الاول

كام اي سي متفحم وهل منهم اي شيبات رئيسة متفحمة في البوردة ( شمالية – جنوبية – فيجا ) ولا اي سيهات باور فقط

ممكن ترفعلنا صورة للبوردة واماكن الاي سيهات المحترقة لكي نساعدك

خير ان شاء الله

[الاسلام هو الحق]

اولا انا متشكر لحضرتك جدا على اهتمامك جزاك الله خيرا
انا رفعت صورتين للبوردة
دى الاولى واى سى الباور معرفش رقمه لانه مش موجود اساسا

والصورة التانيه فى اى سى كبير بس للاسف الصورة مش واضحه
وفى اى سى تانى برضو مش عارف رقمه


وانا شاكر جدا لتعب حراتكو ويا رب يكون الحل على ايدين حضراتكو

[Technician king]

لم اجد مخطط الجهاز ولكن اذا وجدته ارفعة لحل المشكلة افضل

سنحاول حل المشكلة اجتهاديا

ولكن ازاي اي سي الباور مش موجود , هو الفني اخذة ذكري ولا اية ؟؟؟!!!!!!!!

حاول انك تعرف رقم الاي سي منة وركب جديد قبل البدء في اي شئ

بالنسبة لرقم 1 في الصورة الاولي ورقم 3 في الصورة الثانية هذة موسفيتات من السهل تغيرها وليس بها مشاكل

غالبا رقم 1 في الصورة الثانية هذا اي سي الشحن لانة بجوار الريش حاول ان تقرء المكتوب علية وان شاء الله ستجد منه جديد ولكن لا بد من معرفة رقمة

رقم 2 في الصورة الثانية مش واضح , حاول ترفع صورة له ولكني اشك انه i/o ولكن لابد من رفع اللاصقه من علية للتعرف عليه

والله مش عارف اقولك ايه , دوائر الباور كلها ضربت منة و هذا هو ما يظهر علية التلف فقط وما خفي كان اعظم في الباقي

لا تيأس وخير ان شاء الله

اخبرني بالجديد وانا متابع معك بأذن الله

[الاسلام هو الحق]

انا شاكر جدا ليك يا بشمهندس وربنا يجعله فى ميزان حساناتك
انا جالى صاحب الاب قلتله اتصلت بالى اشتغل فى الجهاز استفسر منه
كلمته قالى ان حط الفولتيات اعلى من الشاحن هو دة الى بهدل البوردة قلتله طب الاى سى الى وراء الشاحن رقمه ايه قالى دة اتفحم والاى سى الكبير الى متغطى فى الصورة التانيه رقم 2 دة I O وهو كمان اتحرق وبدله برقم تانى وادانى الرقم
ITE
IT8502E
بس برضو مشتغلش معاه راح شايله تانى لكن الرقم الاصلى مش عارفه
اما الاى سى رقم 1 فى الصورة التانيه فهو mb39a132 ودة من عند علامه البيان بتاعته محروق
انا امبارح شيلت موسف من جنب ريش الشاحن حطيته مكان موسفت الباور ورحت قايس لقيت فى فولتيات فى اماكن كتير وعلى البن رقم واحد فى البايوس لقيت 3 فولت بس لما بدوس زرار الباور مفيش اى لمبه حتى بتنور ولا المروحه بتلف
انا اسف انى تاعبك معايا بس انا عايز فعلا اصلح الاب دة مش علشان فلوس بس دة فعلا اول لاب يجيلى متبهدل وهيفتح معايا معلومات كتير مكنتش اعرفها فجزاك الله خيرا على تعبك معايا

[Technician king]

كما توقعت فعلا , غلط في الفولت الداخل للاب هو ما ادي الي تلف الدوائر

i/o لن يعمل اذا لم تكون اي سي دائرة ( 5 و 3.3 ) تعمل جيدا
فأجعل ال i/o اخر شئ

اللاب لن يعمل باور الا اذا تم تركيب الاي سي الي وراء الشاحن ( المتفحم ) لان بدون هذا الاي سي لن تكتمل دوائر الباور
فدوائر الباور كالسلسلة اذا توقفت واحدة منهم توقفوا جميعهم

اذا الخطوة القادمة والهدف هو تركيب هذا الاي سي

اذا مخطط اللاب الوحيد الذي سيساعد في حل المشكلة

وهناك حل اخير في حاله اليأس نهائيا من اللاب ولم تجد المخطط ولكنة غير علمي و نسبة النجاح فيه ضعيفة

[الاسلام هو الحق]

السلام عليكم
يعنى حضرتك تقصد الاى سى mb39a132 لازم يكون موجود
طب انا دوخت على مخطط مش لاقى
الحل ايه
الى حضرتك شايفه انا تعب معاه بجد
وتعبت حضرتك كمان

[Technician king]

المشكلة اخي الكريم ان اللاب zoostorm غير متوفر وليس لدينا اي معلومات عنة

وطالما لدينا اي سي مفقود فمن المستحيل تشغيل الجهاز بدونة

هل الاي سي رقم 1 في الصورة الثانية هو المتفحم والمفقود ؟؟؟؟؟؟؟؟ ام اي سي اخر ؟؟؟؟؟؟