[m3m3a]

سؤال بخصوص منظم الكهرباء stablizer
أنا عندي الكهرباء من 120و140 و 150 الي 170 في أحسن حالتها ( في مصر)
لكن الغالب 149 الي 162 فولت
المشكلة ان محمو لالشبكة عليه ورش رخام وورش لحام ومضارب أرز واغلبها تستخدم 3 فاز


ولما تشتغل لحظة التقويم الكهرباء تنخفض جدا ثم ترجع الي العادي
مثلا مقصات ومثقاب الرخام 3 فاز جانبي ورشتين بيشغلوه وبيفصلوه كل شويه
والكهرباء تنهار عندي جدا

ولأني أخر خط المحول يعني الكهرباء كده كده بايظة

يعني لازم ستابليزر ( منظم تيار) ؟

طيب جميل أوي
بالنسبة للاستبليزر فيه 3 أنواع
1- نوع مفتاح تحويل ( يدوي) و أرخصهم ومستبعده
2- نوع اللي بشاكوش او ذراع ملعق بها شربون علي موتور صغير أوتوماتيك
3- النوع الثالث اللي علي لاريهات
وأسعار المصري منه
5ك واط 650 ج
10 ك واط 1300 ال 1350 جنيه

وفيه شركة اسمها Sollatek
لها فرع في مصر

5ك واط 1300
10 ك واط 5110
24 ك واط 3 فاز 10500
وهذه صورته الجهاز من راديو شاك نف أسعار الشركة

http://www.radioshackegypt.com/produ...oducts_id=6289
صورة 5 كيلو

اخي بيقول ليه نظام اللاريه فاشل وبيبوظ بعد شهرين نتيجة الارتفاع والانخفاض في الكهرباء
فهل المعلومة دي صحيحة
هل فعلا نظام اللارية كويس ولا تعبان وله صيانة

برجاء الافادة لأن اغلب الأجهزة بدأت تبوظ
وماتور المياه اللي بيشتغل نصف ساعة دلوقتي بيشتغل ساعة وشوية لحد ما يملا الخزان

أخر نقطة وأسف جدا علي الاطاله جانبي خط محول كهرباء أخر ممكن أمد سلوك الكهرباء الخاصة بمنزلي له وهذا المحول كهرباته ثابته بدون دروبات يعني مافيش عليه ورش لحام وخراطه
وغالبا الكهرباء فيه من
162 الي 190 وبدون ذبذبه

وتكلفة توصيل الاسلاك لمنزلي 4 شقق عائلي حوالي 500 الي 1000 جنيه اسلاك

فهل أوصل له أفضل من المحول اللي أنا عليه الأن لحماية الأجهزة ؟
ولو وصلت عليه اجيب الاستبليزر ابو لاريهات

ساعدوني الله يكرمك لأني بشتغل في الالكترونيات والجو حر وعاوز أجيب تكييف والميزانية محدودة وياريت ذوي الخبرة والفضل يدلوني ولهم جزيل الشكر والعرفان

وجزاكم الله خير

[ابوقشه]

وعليكم السلام ورحمة الله تعالى وبركاتة

اخى الكريم / m3m3a

بصراحة انت مشكلتك عويصة جدا ولايفيدك منظم الجهد ذو اللريهات او منظم الجهد ذو الخطوة – سرفو – لان نسبة الخطاء فى انخفاض الجهد لديك عالية جدا وفوق ال 20 % حيث ان تغذية الكهرباء الخاص بك

على محول يغذى مجموعة من الاحمال الى تبدء بتيار عالى مثل ترنسات اللحام وا ورش ومضارب وهى احمال غير مستقره من وقت لاخر والحل الوحيد لتفادى هذه المشكله بان هذه الورش يجب ان تدعم بمحولات ذات قدره عاليه حتى لايحدث بما يسمى Drop in Voltage انخفاض فى الجهد اثناء بدء تشغيل ترنسات اللحام والات الورش الباقية بالاضافة

- يجب رفع الخطوة لمحولات التوزيع حتى يتم تلاشى نسبة الخطا العاليه فى هبوط الفولت وهذا لايتحقق الا من خلال هندسة توزيع الكهرباء الخاصة بالحى او المدينة لديكم

اما بالنسبة : هل فعلا نظام اللارية كويس ولا تعبان وله صيانة

طبعا نظام الاريهات افضل بكثير من الانظمة الاخرى اذا توافرة لدى المنظمات لاريهات من النوع الجيد ونسبة خطاء لاتتجاوز من 10 الى 20 % من هبوط الفولت

شكرا لك حبيبى

[m3m3a]

شكرا لك يا بشمهندس علي تفضلك بالرد علي
الكهرباء فعلا الأن 155 فولت وذهب لرئيس الشبكة امس لكي أنقل علي محول أخر بجواري وتقريبا أقل فولت عليه هو 160 الي 170 وهذا بالنسبة لي نعمة كبيرة
ثانيا المحول الأخر لا يوجد عليه ورش ولا شئ
فالي حد ما الكهرباء مظبوطة لايحدث فيها دروبات

وربنا يعنا علي اللي احنا فيه ونستحمل

[Amgad Helal]

ما هى وظيفة مفتاح delay فى جهز الاستبليزر

[islam nagiub]

نحن وبفضل الله مصنع العالمية لتصنيع المحولات والانفرتر وبطاريات ومستلزمات الطاقة الشمسية
واتس 00201220076488

00201028233770

[يوسف النمر]

وظيفة مفتاح delay تاخير توصيل التيار للحمل بعد فصل المنظم او انقطاع الكهرباء لمدة 3 دقائق وذلك لحين ثبات التيار ومفيد للثلاجات حتى يتم تعادل الضغوط بها